ﻗﺎﻧﯘﻥ ﮔﯧﺰﯨﺘﻰ ﺋﺎﻣﯧﺮﯨﻜﯩﻨﻰ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺟﺎﺭﭼﯩﺴﻰ" ﺩﻩﭖ ﺋﻪﻳﯩﺒﻠﯩﺪﻯ

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ "ﻗﺎﻧﯘﻥ ﮔﯧﺰﯨﺘﻰ" ﺋﯚﺗﻜﻪﻥ ﺋﺎﻳﺪﯨﻜﻰ ﺑﯩﺮ ﺳﺎﻧﯩﺪﺍ ﺋﻮﺑﺰﻭﺭﭼﻰ ﻣﺎﻗﺎﻟﯩﺴﻰ ﺋﯧﻼﻥ ﻗﯩﻠﯩﭗ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺋﯘﻳﻐﯘﺭ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ ﭘﺮﺍﮔﺎﺩﺍ ﻛﯚﺭﯛﺷﻜﻪﻧﻠﯩﻜﻰ ﯞﻩ ﺋﯘﻧﻰ ﻣﺎﺧﺘﯩﻐﺎﻧﻠﯩﻘﯩﻨﻰ ﺋﯩﺒﺎﺭﯨﺴﻰ ﺋﯧﻐﯩﺮ ﺳﯚﺯﻟﻪﺭ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ. ﻣﺎﻗﺎﻟﯩﺪﻩ " ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ ﺋﯚﺯﻯ ﺋﯧﺘﯩﺮﺍﭖ ﻗﯩﻠﻐﺎﻥ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻨﯩﯔ ﻛﺎﺗﺘﯩﺒﯧﺸﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻛﯚﻛﻜﻪ ﻛﯚﺗﻪﺭﺩﻯ" ﺩﻩﻳﺪﯗ.

ﻟﯧﻜﯩﻦ ﺑﯘﺵ ﻫﯚﻛﯜﻣﯩﺘﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻗﯘﺭﻏﺎﻥ ﯞﻩ ﻳﯩﺘﻪﻛﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﺩﯨﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﻓﻮﻧﺪﻯ ﺟﻪﻣﺌﯩﻴﯩﺘﻰ ﻳﺎﻛﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﻰ ﻫﯩﭽﺒﯩﺮ ﯞﺍﻗﯩﺖ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ، ﺩﻩﭖ ﺋﯧﻼﻥ ﻗﯩﻠﯩﭗ ﺑﺎﻗﻘﺎﻥ ﺋﻪﻣﻪﺱ. ﻣﺎﻗﺎﻟﯩﺪﻩ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺭﺍﺑﯩﻴﻪ ﻗﺎﺩﯨﺮ ﻛﺎﺗﺘﯩﺒﺎﺷﻠﯩﻘﯩﺪﯨﻜﻰ ﻗﺎﻳﺴﻰ ﺗﻪﺷﻜﯩﻼﺗﻨﻰ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ،ﺩﻩﭖ ﺋﯧﺘﯩﺮﺍﭖ ﻗﯩﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. ﻣﺎﻗﺎﻟﯩﺪﻩ ﻳﻪﻧﻪ ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺭﺍﺑﯩﻴﻪ ﻗﺎﺩﯨﺮﻧﻰ ﺋﯘﻳﻐﯘﺭﻻﺭﻧﯩﯔ ﻣﯘﻧﻪﯞﯞﻩﺭ ﯞﻩﻛﯩﻠﻰ، ﺩﻩﭖ ﻣﺎﺧﺘﯩﻐﺎﻧﻠﯩﻘﯩﻨﻰ "ﺑﯩﻠﺠﯩﺮﻟﯩﻐﺎﻧﻠﯩﻘﺘﯘﺭ " ﺩﻩﭖ ﻫﯘﺟﯘﻡ ﻗﯩﻠﺪﻯ ﯞﻩ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﭼﻪﺗﺌﻪﻟﺪﻩ ﺳﻪﺭﮔﻪﺭﺩﺍﻥ ﺑﻮﻟﯘﭖ ﻳﯜﺭﮔﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﺴﻰ " ﺩﻩﭖ ﺋﻪﻳﯩﺒﻠﯩﺪﻯ.

ﭘﺮﯦﺰﯨﺪﯦﻨﺖ ﺑﯘﺵ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﭘﺮﺍﮔﺎﺩﯨﻜﻰ ﺩﯗﻧﻴﺎ ﺑﯩﺨﻪﺗﻪﺭﻟﯩﻚ ﯞﻩ ﺩﯨﻤﻮﻛﺮﺍﺗﯩﻴﻪ ﻳﯩﻐﯩﻨﯩﺪﺍ "ﺑﯩﺮ ﺩﯙﻟﻪﺗﻨﯩﯔ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻰ ﯞﻩ ﻫﻪﺭﺑﯩﻲ ﻛﯜﭼﯩﺪﯨﻨﻤﯘ ﻗﯩﻤﻤﻪﺗﻠﯩﻚ ﺗﺎﻻﻧﺖ ﺋﯩﮕﯩﻠﯩﺮﯨﺪﯨﻦ ﺑﯩﺮﻯ " ﺩﻩﭖ ﻣﺎﺧﺘﯩﻐﺎﻥ.

ﻣﺎﻗﺎﻟﯩﺪﻩ ﻳﻪﻧﻪ، ﺋﺎﻣﯧﺮﯨﻜﯩﻨﯩﯔ 4 ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﯩﻨﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻰ، ﺩﻩﭖ ﺋﯧﺘﯩﺮﺍﭖ ﻗﯩﻠﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺋﺎﻣﯧﺮﯨﻜﯩﻨﯩﯔ ﻫﻪﺭﯨﻜﯩﺘﻰ ﺋﺎﯞﺍﻣﻨﻰ"ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﻗﺎﻧﺪﺍﻕ ﻗﯩﻠﯩﭗ ﺑﯩﺮ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﯩﻨﯩﯔ ﻛﺎﺗﺘﯩﺒﯧﺸﯩﻨﻰ ﻗﺎﻧﺎﺕ ﺋﺎﺳﺘﯩﻐﺎ ﺋﺎﻟﻐﺎﻧﺪﯗ، ﺩﯦﮕﻪﻥ ﮔﯘﻣﺎﻧﻐﺎ ﻛﻪﻟﺘﯜﺭﺩﻯ " ﺩﻩﭖ ﻳﺎﺯﻏﺎﻥ. ﻗﺎﻧﯘﻥ ﮔﯧﺰﯨﺘﻰ ﻣﺎﻗﺎﻟﯩﺴﯩﺪﻩ ﺋﺎﻣﯧﺮﯨﻜﯩﻨﯩﯔ 4 ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﯩﻨﻰ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ، ﺩﻩﭖ ﺗﻮﻧﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﻣﯧﺮﯨﻜﺎ 2002 - ﻳﯩﻠﻰ ﺑﯩﺮ ﺗﻪﺷﻜﯩﻼﺗﻨﻰ ﻳﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﮔﻪﻥ. (ﺋﻪﺭﻛﯩﻦ)