ﯞﺍﯓ ﻟﯧﭽﯘﻩﻥ ﺑﯘﻧﯩﯖﺪﯨﻦ ﻛﯧﻴﯩﻦ ﺟﯘﯕﮕﻮﺩﺍ ﻛﺎﻣﻠﯩﻐﺎﻥ ﻛﯚﻣﯜﺭ ﺷﯩﻨﺠﺎﯕﺪﯨﻦ ﺗﻪﻣﯩﻨﻠﯩﻨﯩﺪﯗ ﺩﻩﭖ ﺟﺎﻛﺎﺭﻟﯩﻐﺎﻥ

ﯞﺍﯓ ﻟﯧﭽﯘﻩﻥ ﻳﯧﻘﯩﻨﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﻣﻠﯩﻜﻪﺗﻠﯩﻚ ﺋﯧﻨﯧﺮﮔﯩﻴﻪ ﺋﯩﺸﺨﺎﻧﯩﺴﻰ ﺧﺎﺩﯨﻤﻠﯩﺮﯨﻐﺎ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻛﯚﻣﯜﺭ ﺑﺎﻳﻠﯩﻘﻠﯩﺮﯨﻨﻰ ﺧﯩﺘﺎﻳﻐﺎ ﺗﯧﺨﯩﻤﯘ ﻛﯚﭖ ﺗﻮﺷﯘﺵ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ.

ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﺪﺍ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﻣﻠﯩﻜﻪﺗﻠﯩﻚ ﺋﯧﻨﯧﺮﮔﯩﻴﻪ ﺋﯩﺸﺨﺎﻧﯩﺴﻰ ﺧﺎﺩﯨﻤﻠﯩﺮﻯ ﯞﺍﯓ ﻟﯧﭽﯘﻩﻥ ﺑﯩﻠﻪﻥ ﺳﯚﻫﺒﻪﺗﻠﻪﺷﻜﻪﻧﺪﻩ، ﺧﯩﺘﺎﻳﺪﺍ ﺋﯧﻨﯧﺮﮔﯩﻴﻪ ﻣﻪﻧﺒﻪﺳﻰ ﻳﯧﺘﯩﺸﻤﻪﻳﯟﺍﺗﻘﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﻛﻮﻧﺎ ﻛﯚﻣﯜﺭ ﻛﺎﻧﻼﺭﻧﯩﯔ ﻣﻪﻧﺒﻪﺳﻰ ﺗﯜﮔﻪﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﺳﯚﺯﻟﯩﮕﻪﻧﺪﻩ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺷﯩﻨﺠﺎﯓ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯘﻩﻥ ﺋﯘﻻﺭﻏﺎ 'ﺷﯩﻨﺠﺎﯕﻨﯩﯔ ﻛﯚﻣﯜﺭ ﻣﻪﻧﺒﻪﺳﻰ ﺋﯩﻨﺘﺎﻳﯩﻦ ﻣﻮﻝ، ﻛﯚﻣﯜﺭ ﺯﺍﭘﯩﺴﻰ ﻫﻪﻣﻤﯩﻼ ﺟﺎﻳﺪﺍ ﺑﺎﺭ، ﻣﻪﻫﺴﯘﻻﺕ ﺗﯜﺭﻟﯩﺮﻯ ﺗﻮﻟﯘﻕ، ﭘﯜﺗﯜﻥ ﻣﻪﻣﻠﯩﻜﻪﺗﺘﯩﻜﻰ ﻛﯚﻣﯜﺭ ﺯﺍﭘﯩﺴﯩﻨﯩﯔ %40 ﻧﻰ ﺗﻪﺷﻜﯩﻞ ﻗﯩﻠﯩﺪﯗ. ﭘﻪﻗﻪﺕ ﻗﺎﺗﻨﺎﺵ ﻣﯘﺳﺎﭘﯩﺴﻰ ﺋﯘﺯﯗﻥ ﺑﻮﻟﻐﺎﻧﻠﯩﻘﺘﯩﻨﻼ ﻳﺎﺧﺸﻰ ﺑﺎﺯﺍﺭ ﺗﺎﭘﺎﻟﻤﺎﻳﯟﺍﺗﯩﺪﯗ. ﺑﯘﻧﯩﯖﺪﯨﻦ ﻛﯧﻴﯩﻦ ﺟﯘﯕﮕﻮﺩﺍ ﻛﺎﻣﻠﯩﻐﺎﻥ ﻛﯚﻣﯜﺭ ﻧﻰ ﺷﯩﻨﺠﺎﯓ ﺗﻪﻣﯩﻨﻠﻪﻳﺪﯗ. ﺑﯩﺰ ﺋﻪﻣﺪﻯ ﻛﯚﻣﯜﺭ ﺑﺎﻳﻠﯩﻘﻰ ﺋﯩﻨﺘﺎﻳﯩﻦ ﻣﻮﻝ ﺑﻮﻟﻐﺎﻥ ﺋﯩﻠﻰ-ﺟﯘﯕﻐﺎﺭﯨﻴﻪ ﯞﺍﺩﯨﺴﯩﺪﺍ ﺋﯧﻠﯧﻜﺘﯩﺮ ﯞﻩ ﮔﺎﺯ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﻛﯚﻣﯜﺭ ﺳﺎﻧﺎﺋﻪﺕ ﺑﺎﺯﯨﺴﻰ ﻗﯘﺭﯨﻤﯩﺰ،'ﺩﯦﮕﻪﻥ. (ﯞﻩﻟﻰ)