ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ ﻧﯧﻔﯩﺖ ﺋﯧﻠﯩﺸﻨﻰ ﻛﯚﭘﻪﻳﺘﻤﻪﻛﺘﻪ

ﺧﯩﺘﺎﻱ ﺋﯘﻳﻐﯘﺭ ﺋﯧﻠﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﻟﯩﺮﯨﻨﻰ ﺋﯧﭽﯩﺶ ﯞﻩ ﭘﯩﺸﺸﯩﻘﻼﭖ ﺋﯩﺸﻠﻪﺵ ﻗﻪﺩﯨﻤﯩﻨﻰ ﻳﻪﻧﻪ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻳﯩﻞ ﺋﯘﻳﻐﯘﺭ ﺋﯧﻠﯩﺪﻩ ﺋﯩﺸﻠﻪﭖ ﭼﯩﻘﯩﺮﯨﻠﻐﺎﻥ ﺋﻮﻣﯘﻣﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﻣﯩﻘﺪﺍﺭﻯ ﺑﯘﻟﺘﯘﺭﻗﯩﺪﯨﻦ ﻛﯚﺭﯛﻧﻪﺭﻟﯩﻚ ﺋﺎﺷﻘﺎﻥ.

ﺗﻪﯕﺮﯨﺘﺎﻍ ﺗﻮﺭﯨﺪﺍ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﯚﻛﯜﻣﯩﺘﯩﻨﯩﯔ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، 2007- ﻳﯩﻠﻰ ﺋﯘﻳﻐﯘﺭ ﺋﯧﻠﯩﺪﻩ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﺋﻮﻣﯘﻣﯩﻲ ﻧﯧﻔﯩﺖ ﻣﯩﻘﺪﺍﺭﻯ 26 ﻣﯩﻠﻴﻮﻥ 100 ﻣﯩﯔ ﺗﻮﻧﻨﺎ ﺑﻮﻟﯘﭖ، ﺋﺎﻟﺪﯨﻦ ﻳﯩﻠﺪﯨﻜﯩﺪﯨﻦ 5.5 ﭘﯩﺮﺳﻪﻧﺖ، ﺗﻪﺑﯩﺌﯩﻲ ﮔﺎﺯ 21 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺑﻮﻟﯘﭖ، ﺋﺎﻟﺪﯨﻦ ﻳﯩﻠﺪﯨﻜﯩﺪﯨﻦ 9.27 ﭘﯩﺮﺳﻪﻧﺖ ﺋﺎﺷﻘﺎﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯘﻳﻐﯘﺭ ﺋﯧﻠﻰ ﻧﯧﻔﯩﺖ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﻳﯧﻘﯩﻨﻘﻰ ﺑﯩﺮﻧﻪﭼﭽﻪ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﻰ ﻧﯧﻔﯩﺖ ﺯﺍﭘﺎﺳﻠﯩﺮﯨﻨﻰ ﻗﯧﺰﯨﺶ ﺋﯩﺸﻠﯩﺮﯨﻐﺎ ﻣﻪﺑﻠﻪﻍ ﺳﯧﻠﯩﺸﻨﻰ ﻛﯜﭼﻪﻳﺘﻜﻪﻧﻠﯩﻜﻰ ﻫﻪﻣﺪﻩ "ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ" ﺋﯩﺸﻠﯩﺮﯨﺪﯨﻜﻰ ﻣﯘﻗﯩﻤﻠﯩﻘﻘﺎ ﻣﺎﺱ ﻫﺎﻟﺪﺍ ﺋﯘﻳﻐﯘﺭ ﺋﯧﻠﯩﺪﻩ ﻧﯧﻔﯩﺖ ﺋﯩﺸﻠﻪﭖ ﭼﯩﻘﯩﺮﯨﺶ ﻣﯩﻘﺪﺍﺭﯨﻨﯩﯔ ﻫﻪﺳﺴﯩﻠﻪﭖ ﺋﺎﺷﻘﺎﻧﻠﯩﻘﻰ ﯞﻩ ﺗﻪﺑﯩﺌﯩﻲ ﮔﺎﺯ ﺋﯩﺸﻠﻪﭖ ﭼﯩﻘﯩﺮﯨﺸﻨﯩﯔ "ﺷﯩﺪﺩﻩﺕ ﺑﯩﻠﻪﻥ" ﺋﺎﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﻪﯞﻩﺭﺩﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 2007- ﻳﯩﻠﻰ ﺋﯘﻳﻐﯘﺭ ﺋﯧﻠﯩﺪﻩ ﻧﯧﻔﯩﺖ ﯞﻩ ﺧﯩﻤﯩﻴﻪ ﺳﺎﺋﯩﺘﻰ ﺋﻮﺭﯗﻧﺪﯨﻐﺎﻥ ﺋﻮﻣﯘﻣﻰ ﺋﯩﺸﻠﻪﭖ ﭼﯩﻘﯩﺮﯨﺶ ﻗﯩﻤﻤﯩﺘﻰ 200 ﻣﯩﻠﻴﺎﺭﺩ 450 ﻣﯩﻠﻴﻮﻥ ﻳﯜﻩﻧﺪﯨﻦ ﺋﯧﺸﯩﭗ ﻛﻪﺗﻜﻪﻥ.

ﭘﻪﻗﻪﺕ ﺋﯘﻳﻐﯘﺭ ﺋﯧﻠﻰ ﻧﯧﻔﯩﺖ ﺳﺎﻫﻪﺳﻰ ﻳﺎﺭﺍﺗﻘﺎﻥ ﭘﺎﻳﺪﺍ ﻫﻪﻗﻘﯩﺪﻩ ﺳﯚﺯ ﺋﺎﭼﻘﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺑﯘ ﺑﺎﻳﻠﯩﻘﻼﺭﺩﯨﻦ ﻳﻪﺭﻟﯩﻚ ﺋﺎﻫﺎﻟﯩﻨﯩﯔ ﺋﺎﺯﺭﺍﻗﻤﯘ ﻣﻪﻧﭙﻪﺋﻪﺗﻜﻪ ﺋﯧﺮﯨﺸﯩﺶ ﺋﯘﻳﺎﻗﺘﺎ ﺗﯘﺭﺳﯘﻥ، ﻫﻪﺗﺘﺎ ﺋﯘﻳﻐﯘﺭ ﻧﺎﻫﯩﻴﯩﻠﯩﺮﯨﺪﻩ ﻗﯘﺭﯗﻟﯘﯞﺍﺗﻘﺎﻥ ﻧﯧﻔﯩﺖ ﺯﺍﯞﯗﺗﻠﯩﺮﯨﻐﺎ ﻳﻪﺭﻟﯩﻚ ﺋﯘﻳﻐﯘﺭﻻﺭﻧﯩﯔ ﺋﯩﺸﭽﯩﻠﯩﻘﻘﯩﻤﯘ ﻛﯩﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ

ﺋﯘ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻳﻼﺭ ﺋﯘﻳﻐﯘﺭ ﺋﯧﻠﯩﺪﻩ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﻯ ﺋﯩﺸﻠﻪﭘﭽﯩﻘﯩﺮﯨﺶ ﻗﻪﺩﯨﻤﯩﻨﻰ ﻫﻪﺭ ﻳﯩﻠﻰ ﺗﯧﺰﻟﻪﺗﻤﻪﻛﺘﻪ ﯞﻩ ﭘﯩﺸﺸﯩﻘﻼﭖ ﺋﯩﺸﻠﻪﺵ ﺯﺍﯞﯗﺗﻠﯩﺮﻯ ﻛﻪﯓ ﻛﯚﻟﻪﻣﺪﻩ ﻛﯧﯖﻪﻳﺘﻤﻪﻛﺘﻪ. ﺋﻪﻣﻤﺎ ﻳﻪﺭﻟﯩﻚ ﺋﯘﻳﻐﯘﺭﻻﺭ ﻧﯧﻔﯩﺖ ﺳﺎﻧﺎﺋﯩﺘﯩﺪﯨﻦ ﭘﺎﻳﺪﯨﻐﺎ ﺋﯧﺮﯨﺸﯩﺶ ﺋﯘﻳﺎﻗﺘﺎ ﺗﯘﺭﺳﯘﻥ ﻫﻪﺗﺘﺎ ﺋﯚﺯ ﻣﻪﻫﻪﻟﻠﯩﺴﯩﮕﻪ ﻗﯘﺭﯗﻟﯘﯞﺍﺗﻘﺎﻥ ﺯﺍﯞﯗﺗﻠﯩﺮﯨﻨﯩﯔ ﺋﯩﺸﯩﻜﯩﮕﯩﻤﯘ ﻳﯧﻘﯩﻦ ﻛﯧﻠﻪﻟﻤﻪﻳﺪﯗ"

ﺋﯘ ﻳﻪﻧﻪ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺰﻣﻪﺕ ﭘﯘﺭﺳﯩﺘﯩﻨﯩﯔ ﺷﯘﻧﭽﻪ ﻛﻪﯕﺮﻯ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ ﺧﯩﺘﺎﻳﻨﯩﯔ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﺎﺗﺎﻟﻤﯩﺶ "ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﻨﻰ ﺋﺎﺷﯘﺭﯗﺵ ﺋﯜﭼﯜﻥ، ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﺋﺎﭘﯩﺮﯨﭗ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ" ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﯛﭖ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﯩﯔ ﺋﺎﯕﻠﯩﻐﺎﻧﻠﯩﻜﻰ ﻛﯩﺸﯩﻨﻰ ﺋﻪﺟﻪﺑﻠﻪﻧﺪﯛﺭﯨﺪﯨﻐﺎﻧﻠﯩﻘﯩﻨﻰ ﻗﻮﺷﯘﻣﭽﻪ ﻗﯩﻠﺪﻯ. (ﺟﯜﻣﻪ)