ﺧﯩﺘﺎﻱ، ﺋﯘﻳﻐﯘﺭ ﺋﯧﺸﯩﻨﭽﻰ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﻰ ﺋﯩﺰﭼﯩﻞ ﺩﺍﯞﺍﻣﻼﺷﺘﯘﺭﻣﺎﻗﺘﺎ

ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﺧﯩﺘﺎﻳﻨﯩﯔ ﻳﺎﺵ ﺋﯘﻳﻐﯘﺭ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﯩﮕﻪ ﺋﯩﺰﭼﯩﻞ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯘ ﻣﻪﺳﯩﻠﯩﮕﻪ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﺷﯩﻨﻰ ﺗﻪﻛﯩﺘﻠﻪﯞﺍﺗﻘﺎﻥ ﺑﯩﺮ ﭘﻪﻳﺘﺘﻪ، ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﻣﺎﺭﺍﻟﺒﯧﺸﻰ ﻧﺎﻫﯩﻴﯩﺴﯩﺪﻩ ﻗﯩﺴﻘﯩﻐﯩﻨﺎ ﯞﺍﻗﯩﺖ ﺋﯩﭽﯩﺪﻩ 2700 ﺩﯨﻦ ﺋﺎﺭﺗﯘﻕ ﺋﯘﻳﻐﯘﺭ ﻳﺎﺷﻨﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺗﻼﺭﻏﺎ ﻳﯚﺗﻜﻪﻟﮕﻪﻧﻠﯩﻜﻰ ﺋﺎﺷﻜﺎﺭﯨﻼﻧﺪﻯ.

ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﯩﺘﺎﻱ ﺧﻪﯞﯨﺮﯨﺪﻩ، ﻣﺎﺭﺍﻟﺒﯧﺸﻰ ﻧﺎﻫﯩﻴﯩﺴﯩﻨﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﺎﻗﯩﺮﻏﺎﻥ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻳﻐﺎ ﻳﯚﺗﻜﻪﺵ ﺳﯩﻴﺎﺳﯩﺘﯩﮕﻪ ﻳﯧﻘﯩﻨﺪﯨﻦ ﺋﺎﯞﺍﺯ ﻗﻮﺷﯘﭖ، ﺧﯩﺘﺎﻱ ﺯﺍﯞﯗﺗﻠﯩﺮﯨﻐﺎ ﺋﯩﺸﭽﻰ ﻳﯧﺘﯩﺸﺘﯜﺭﯛﺵ ﻣﻪﺧﺴﯘﺱ ﻛﯘﺭﺳﯩﺪﯨﻦ 182 ﻗﺎﺭﺍﺭ ﺋﯧﭽﯩﻠﻐﺎﻧﻠﯩﻘﻰ، 105 ﻣﯩﯔ ﺋﺎﺩﻩﻡ ‏- ﻗﯧﺘﯩﻢ ﻳﺎﺵ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﯩﻨﻰ ﺧﯩﺘﺎﻱ ﺗﯩﻠﯩﺪﺍ ﺗﻪﺭﺑﯩﻴﯩﻠﯩﮕﻪﻧﻠﯩﻜﻰ ﺗﻪﻛﯩﺘﻠﻪﻧﮕﻪﻥ.

ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﻧﺎﻣﺮﺍﺕ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﻰ ﺑﺎﻱ ﻗﯩﻠﯩﺶ ﺩﯦﮕﻪﻥ ﭼﯩﺮﺍﻳﻠﯩﻖ ﺷﯘﺋﺎﺭ ﺋﺎﺳﺘﯩﺪﺍ، ﺋﯧﺸﯩﻨﭽﻰ ﺋﻪﻣﮕﻪﻙ ﻛﯜﭼﯩﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﯩﯔ ﻣﺎﻫﯩﻴﯩﺘﻰ، ﺋﯘﻳﻐﯘﺭ ﻣﯩﻠﻠﯩﺘﯩﻨﻰ ﺋﺎﺳﻤﯩﻠﯩﻴﺎﺗﺴﯩﻴﻪ ﻗﯩﻠﯩﺶ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﺶ ﺑﻮﻟﯘﭖ، ﺑﯘﻧﯩﯖﻐﺎ ﻧﯚﯞﻩﺗﺘﻪ ﺧﯩﺘﺎﻳﺪﯨﻜﻰ ﺋﻪﯓ ﺟﯩﺪﺩﯨﻲ ﻣﻪﺳﯩﻠﯩﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺋﻪﺭﻟﻪﺭ ﻧﯩﺴﺒﯩﺘﻰ ﻛﯚﭘﯩﻴﯩﭗ ﻛﯧﺘﯩﺶ ﻛﺮﯨﺰﯨﺴﯩﻨﻰ ﺗﻪﯕﺸﻪﺷﻜﻪ ﺋﻮﺧﺸﺎﺵ، ﺋﯘﻳﻐﯘﺭ ﻣﯩﻠﻠﯩﺘﯩﮕﻪ ﻗﺎﺭﯨﺘﯩﻠﻐﺎﻥ ﺑﺎﺳﺘﯘﺭﻣﯩﭽﯩﻠﯩﻖ ﺳﯩﻴﺎﺳﯩﺘﻰ ﻳﻮﺷﯘﺭﯗﻧﻐﺎﻥ ﺋﯩﻜﻪﻥ. (ﺋﻪﻗﯩﺪﻩ)