ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﯩﺪﯨﻦ ﺗﯘﻳﯘﻗﺴﯩﺰ ﺋﯩﺴﺘﯩﭙﺎ ﺑﻪﺭﺩﻯ

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺟﯜﻣﻪ ﻛﯜﻧﻰ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﯩﺪﯨﻦ ﺗﯘﻳﯘﻗﺴﯩﺰ ﺋﯩﺴﺘﯩﭙﺎ ﺑﻪﺭﺩﻯ. ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ 10 - ﻧﯚﯞﻩﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ 13 - ﻳﯩﻐﯩﻨﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺋﯩﺴﺘﯩﭙﺎﻧﺎﻣﯩﺴﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻧﯩﯔ ﺋﻮﺭﻧﯩﻐﺎ ﺋﺎﭘﺘﻮﻧﻮﻡ ﺭﺍﻳﻮﻥ ﭘﺎﺭﺗﻜﻮﻣﯩﻨﯩﯔ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ ﻧﯘﺭ ﺑﻪﻛﺮﯨﻨﻰ ﻣﯘﯞﻩﻗﻘﻪﺕ ﺭﻩﺋﯩﺴﻠﯩﻜﻜﻪ ﺗﻪﻳﯩﻨﻠﯩﮕﻪﻥ. ﻟﯧﻜﯩﻦ ﺧﻪﯞﻩﺭﻟﻪﺭﺩﻩ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﻧﯧﻤﻪ ﺳﻪﯞﻩﺑﺘﯩﻦ ﺋﯩﺴﺘﯩﭙﺎ ﺑﻪﺭﮔﻪﻧﻠﯩﻜﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ.

ﻧﯘﺭ ﺑﻪﻛﺮﯨﻨﯩﯔ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺋﻮﺭﻧﯩﻐﺎ ﺩﻩﺳﺴﻪﻳﺪﯨﻐﺎﻧﻠﯩﻘﻰ ﺋﯘﺯﯗﻧﺪﯨﻦ ﺑﯧﺮﻯ ﻛﯩﺸﯩﻠﻪﺭﻧﯩﯔ ﭘﻪﺭﯨﺰﯨﺪﯨﻜﻰ ﻣﻪﺳﯩﻠﻪ ﺑﻮﻟﺴﯩﻤﯘ، ﻟﯧﻜﯩﻦ ﻛﯚﺯﻩﺗﻜﯜﭼﯩﻠﻪﺭ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﯞﻩﺯﯨﭙﻪ ﻣﯘﺩﺩﯨﺘﯩﻨﻰ ﺗﻮﺷﺘﯘﺭﻣﺎﻱ ﺗﯘﺭﯗﭘﻼ ﺑﯘﻧﺪﺍﻕ ﺗﯧﺰ ﺋﯩﺴﺘﯩﭙﺎ ﺑﯧﺮﯨﺸﯩﻨﻰ ﺋﻮﻳﻼﭖ ﺑﺎﻗﻤﯩﻐﺎﻥ. ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭ ﻛﯧﻴﯩﻨﻜﻰ ﻣﻪﺯﮔﯩﻠﻠﻪﺭﺩﻩ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﯞﺍﯓ ﻟﯧﭽﯜﻩﻥ ﺑﯩﻠﻪﻥ ﭘﯩﻴﯩﺰﻯ ﭘﯩﺸﻤﺎﻱ ﻗﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﯘ، ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻦ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﻰ ﺋﯚﺗﻪﭖ 1 - ﻗﺎﺭﺍﺭ ﯞﻩﺯﯨﭙﻪ ﻣﯘﺩﺩﯨﺘﯩﻨﻰ ﺗﻮﺷﻘﯘﺯﻣﺎﻱ ﺗﯘﺭﯗﭘﻼ ﯞﻩﺯﯨﭙﯩﺴﯩﺪﯨﻦ ﺋﯩﺴﺘﯩﭙﺎ ﺑﻪﺭﮔﻪﻥ ﺗﯘﻧﺠﻰ ﻳﻪﺭﻟﯩﻚ ﻛﺎﺩﯨﺮ.

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﺍﻟﻐﺎﻥ ﻧﯘﺭ ﺑﻪﻛﺮﻯ 1961 - ﻳﯩﻠﻰ ﺑﯚﺭﺗﺎﻻﺩﺍ ﺗﯘﻏﯘﻟﻐﺎﻥ ﺑﻮﻟﯘﭖ، 1983 - ﻳﯩﻠﻰ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﯩﻲ ﭘﻪﻧﻠﻪﺭ ﭘﺎﻛﯘﻟﺘﯧﺘﯩﻨﻰ ﭘﯜﺗﺘﯜﺭﮔﻪﻥ ﺋﯩﺪﻯ. ﺋﯘ ﻫﺎﺯﯨﺮﻗﻰ ﺋﻮﺭﯗﻧﻐﺎ ﺋﯚﺳﻜﻪﻧﮕﻪ ﻗﻪﺩﻩﺭ ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﻣﯘﺋﺎﯞﯨﻦ ﯞﺍﻟﯩﺴﻰ، ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﺷﻪﻫﻪﺭ ﺑﺎﺷﻠﯩﻘﻰ، ﺳﯩﻴﺎﺳﻰ ﻗﺎﻧﯘﻥ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ ﻗﺎﺗﺎﺭﻟﯩﻖ ﯞﻩﺯﯨﭙﯩﻠﻪﺭﺩﻩ ﺋﻮﻟﺘﯘﺭﻏﺎﻥ. ﻧﯘﺭ ﺑﻪﻛﺮﻯ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯩﻴﺎﺳﻰ - ﺋﯩﺪﯦﺌﻮﻟﻮﮔﯩﻴﻪ ﺧﯩﺰﻣﯩﺘﯩﮕﻪ ﻣﻪﺳﺌﯘﻝ ﺳﯧﻜﺮﯨﺘﺎﺭﻯ ﺋﯩﺪﻯ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘ ﺋﯘﻳﻐﯘﺭ ﻛﺎﺩﯨﺮﻻﺭ ﺋﯩﭽﯩﺪﯨﻜﻰ ﻣﯩﻠﻠﯩﻲ ﻣﺎﺋﺎﺭﯨﭙﻨﻰ ﺧﯩﺘﺎﻳﭽﯩﻼﺷﺘﯘﺭﯗﺵ، ﻣﻪﻛﺘﻪﭘﻠﻪﺭﺩﻩ ﺩﯨﻨﯩﻲ ﺋﯩﺒﺎﺩﻩﺕ ﭘﺎﺋﺎﻟﯩﻴﯩﺘﯩﻨﻰ ﭼﻪﻛﻠﻪﺵ ﯞﻩ ﺋﺎﺗﺎﻟﻤﯩﺶ "ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ" ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﯩﺪﻩ ﺋﻪﯓ ﺋﻪﺳﻪﺑﯩﻲ ﻛﺎﺩﯨﺮﻻﺭﻧﯩﯔ ﺑﯩﺮﯨﺪﯗﺭ. (ﺋﻪﺭﻛﯩﻦ)