"ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ" ﻧﯩﯔ 3- ﺗﯘﺭﯗﺑﺎ ﻟﯩﻨﯩﻴﯩﺴﻰ ﻗﯘﺭﯗﻟﻤﺎﻗﭽﻰ

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﺴﯩﻨﯩﯔ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻗﯘﺭﯗﻟﯘﺵ ﭘﯩﻼﻧﯩﻨﯩﯔ 3- ﺗﯘﺭﯗﺑﺎ ﻟﯩﻨﯩﻴﯩﺴﻰ ﻗﯘﺭﯗﻟﯘﺷﻰ ﭘﯩﻼﻧﻼﻧﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﻗﯘﺭﯗﻟﯘﺵ ﺋﯘﻳﻐﯘﺭ ﺋﯧﻠﯩﻨﯩﯔ ﺋﺎﻟﺘﺎﻱ ﺭﺍﻳﻮﻧﯩﺪﯨﻦ ﺑﺎﺷﻠﯩﻨﯩﭗ ﺧﯩﺘﺎﻳﻨﯩﯔ ﺑﻮﺧﻪﻱ ﺩﯦﯖﯩﺰ ﻗﻮﻟﺘﯘﻗﯩﺪﯨﻜﻰ ﺭﺍﻳﻮﻧﻠﯩﺮﯨﻨﻰ ﺗﯘﺗﺎﺷﺘﯘﺭﯨﺪﯨﻜﻪﻥ.

ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺧﻪﯞﻩﺭﻟﻪﺭ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﺘﯩﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﻣﻪﺯﻛﯘﺭ ﻗﯘﺭﯗﻟﯘﺵ ﻟﯩﻨﯩﻴﯩﺴﻰ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯩﻠﻰ ﯞﻩ ﺭﯗﺳﯩﻴﯩﺪﯨﻜﻰ ﺗﻪﺑﯩﺌﯩﻲ ﮔﺎﺯﻻﺭ ﺧﯩﺘﺎﻳﻨﯩﯔ ﺷﻪﺭﻗﻰ ﻗﯩﺴﯩﻤﺪﯨﻜﻰ ﺭﺍﻳﻮﻧﻼﺭﻏﺎ ﻳﯚﺗﻜﯩﻠﯩﺪﯨﻜﻪﻥ.

ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺑﯩﺌﯩﻲ ﮔﺎﺯﻟﯩﺮﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺳﺎﻟﻤﯩﻘﯩﻨﻰ ﺋﺎﺷﯘﺭﯗﺵ ﻣﻪﻗﺴﯩﺘﯩﺪﻩ 2004- ﻳﯩﻠﻰ ﺗﯘﻧﺠﻰ ﻗﯧﺘﯩﻤﻠﯩﻖ "ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺗﯘﺭﯗﺑﺎ ﻟﯩﻨﯩﻴﯩﺴﻰ" ﻗﯘﺭﯗﻟﯘﺷﯩﻨﻰ ﺗﺎﻣﺎﻣﻠﯩﻐﺎﻥ.

ﺋﯩﮕﯩﻠﯩﻨﯩﺸﯩﭽﻪ، ﺟﯘﯕﮕﻮ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﮔﯘﺭﯗﻫﻰ ﺷﯩﺮﻛﯩﺘﻰ، ﻏﻪﺭﺑﯩﻲ ﺷﯩﻤﺎﻟﺪﺍ ﻳﻪﻧﻪ 8 ﻣﯩﯔ ﻛﯩﻠﻮﻣﯧﺘﯩﺮﻟﯩﻖ ﺋﯩﻜﻜﯩﻨﭽﻰ ﭼﻮﯓ ﻧﯧﻔﯩﺖ ، ﮔﺎﺯ ﺗﯘﺭﯗﺑﺎ ﻗﯘﺭﯗﻟﯘﺷﯩﻐﺎ 102 ﻣﯩﻠﻴﺎﺭﺩ ﻳﯜﻩﻥ ﻣﻪﺑﻠﻪﻍ ﺳﺎﻟﻐﺎﻥ ﺑﻮﻟﯘﭖ، ﺑﯘ ﺗﻪﺑﯩﺌﯩﻲ ﮔﺎﺯ ﻳﯚﺗﻜﻪﺵ ﺗﯘﺭﯗﺑﺎ ﻟﯩﻨﯩﻴﯩﺴﻰ 2010 ‏- ﻳﯩﻠﻰ ﭘﯜﺗﯜﭖ ﺋﯩﺸﻘﺎ ﻛﯩﺮﯨﺸﺘﯜﺭﯛﻟﻤﻪﻛﭽﻰ ﺋﯩﺪﻯ.

ﺧﻪﯞﻩﺭﻟﻪﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﻧﯚﯞﻩﺕ ﭘﯩﻼﻧﻼﻧﻐﺎﻥ "ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺗﯘﺭﯗﺑﺎ ﻗﯘﺭﯗﻟﯘﺷﻰ" ﺋﯘﻳﻐﯘﺭ ﺋﯧﻠﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﯘﺗﺎﺷﺘﯘﺭﯗﻟﯩﺪﯨﻐﺎﻥ 3- ﺗﯘﺭﯗﺑﺎ ﻟﯩﻨﯩﻴﯩﺴﻰ ﺑﻮﻟﯘﭖ، ﺋﯘﺯﯗﻧﻠﯘﻗﻰ 6 ﻣﯩﯔ ﻛﯩﻠﻮﻣﯧﺘﯩﺮ ﻛﯧﻠﯩﺪﯨﻜﻪﻥ. (ﺟﯜﻣﻪ‏)