ﺧﻪﯞﻩﺭﺩﻩ 2000 - ﻳﯩﻠﺪﯨﻦ 2007 - ﻳﯩﻠﻐﺎ ﻗﻪﺩﻩﺭ ﺗﺎﺭﯨﻢ ﺋﻮﻳﻤﺎﻧﻠﯩﻘﯩﺪﯨﻦ ﻗﯧﺰﯨﻠﻐﺎﻥ ﺗﻪﺑﯩﺌﯩﻲ ﮔﺎﺯ ﻣﯩﻘﺪﺍﺭﯨﻨﯩﯔ 20 ﻫﻪﺳﺴﻪ ﺋﺎﺷﻘﺎﻧﻠﯩﻘﻰ، ﻟﯧﻜﯩﻦ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﺩﯨﻦ ﻛﯩﺮﮔﻪﻥ ﻛﯩﺮﯨﻤﻨﯩﯔ ﺷﻪﺭﻗﺘﯩﻜﻰ ﺭﺍﻳﻮﻧﻼﺭﻏﺎ ﻳﻮﻟﻼﻧﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺧﻪﯞﻩﺭﺩﻩ ﺋﻪﺳﻜﻪﺭﺗﯩﺸﯩﭽﻪ، 2005 - ﻳﯩﻠﻰ ﺭﺍﻳﻮﻧﺪﯨﻜﻰ ﻧﯧﻔﯩﺖ - ﺧﯩﻤﯩﻴﻪ ﺋﯩﮕﯩﻠﯩﻜﯩﺪﯨﻦ ﻛﯩﺮﮔﻪﻥ ﺋﻮﻣﯘﻣﻰ ﺑﺎﺝ ﻛﯩﺮﯨﻤﻰ 14ﻣﯩﻠﻴﺎﺭﺩ 800 ﻣﯩﻠﻴﻮﻥ ﻳﯜﻩﻥ ﺑﻮﻟﺴﯩﻤﯘ، ﻟﯧﻜﯩﻦ ﺷﯩﻨﺠﺎﯕﺪﯨﻜﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﮔﻪ ﺋﺎﺭﺍﻥ 240 ﻣﯩﻠﻴﻮﻥ ﻳﯜﻩﻥ ﺗﻪﮔﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺧﻪﯞﻩﺭﺩﻩ ﻛﻮﺭﻟﯩﺪﯨﻜﻰ ﺑﯩﺮ ﻳﻪﺭﻟﯩﻚ ﻛﺎﺩﯨﺮﻧﯩﯔ ﺑﯘ ﺟﺎﻳﺪﯨﻜﻰ ﻧﯧﻔﯩﺖ ﺷﯩﺮﻛﻪﺗﻠﻪﺭ ﺗﻮﻏﺮﯨﺴﯩﺪﺍ ﺋﯧﻴﺘﻘﺎﻥ ﺳﯚﺯﻟﯩﺮﯨﮕﻪ ﻳﻪﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﯘ ﻛﺎﺩﯨﺮ" ﺑﯩﺰﻧﯩﯔ ﺋﯘﻻﺭﻏﺎ ﮔﯧﭙﯩﻤﯩﺰﻧﻰ ﺋﯚﺗﻜﯜﺯﯛﺷﻜﻪ ﻫﻮﻗﯘﻗﯩﻤﯩﺰ ﻳﻪﺗﻤﻪﻳﺪﯗ، ﺋﯘﻻﺭ ﭘﻪﻗﻪﺕ ﺑﯧﻴﺠﯩﯖﺪﯨﻜﻰ ﺧﻮﺟﺎﻳﯩﻨﻠﯩﺮﯨﻨﯩﯖﻼ ﮔﯧﭙﯩﻨﻰ ﺋﺎﯕﻼﻳﺪﯗ،" ﺩﻩﭖ ﺗﻪﻛﯩﺘﻠﯩﮕﻪﻥ.

ﺧﻪﯞﻩﺭﺩﻩ ﻳﻪﻧﻪ ﻛﻮﺭﻟﯩﺪﯨﻜﻰ ﺑﻪﺯﻯ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﻛﯚﺯ ﻗﺎﺭﯨﺸﯩﻐﺎ ﻳﻪﺭ ﺑﯧﺮﯨﻠﮕﻪﻥ. ﺋﺎﺗﺎ ﺋﺎﻧﯩﺴﻰ 1950 ‏ - ﻳﯩﻠﻼﺭﺩﺍ ﺧﯘﻧﻪﻧﺪﯨﻦ ﻛﻮﺭﻟﯩﺪﯨﻜﻰ ﺑﻮﻣﺒﺎ ﺯﺍﯞﯗﺗﯩﺪﺍ ﺋﯩﺸﻠﻪﺷﻜﻪ ﺋﻪﯞﻩﺗﯩﻠﮕﻪﻥ ﺷﻴﯥ ﭘﻪﻣﯩﻠﯩﻠﯩﻚ ﺑﯩﺮ ﺩﯗﻛﺎﻧﺪﺍﺭ ﻣﯘﻧﺪﺍﻕ ﺩﻩﻳﺪﯗ: "ﻧﯘﺭﻏﯘﻥ ﺋﯘﻳﻐﯘﺭﻻﺭ ﺑﯘ ﺟﺎﻳﻨﻰ ﺋﯚﺯﯨﻨﯩﯔ ﺩﻩﭖ ﻗﺎﺭﺍﻳﺪﯗ، ﻟﯧﻜﯩﻦ ﻫﺎﺯﯨﺮ ﺋﯘﻻﺭ ﺑﯘ ﺟﺎﻳﺪﺍ ﻳﺎﺕ ﺋﺎﺩﻩﻣﻠﻪﺭﮔﻪ ﺋﺎﻳﻠﯩﻨﯩﭗ ﻗﺎﻟﺪﻯ ... ﺷﯘﯕﺎ ﺋﯘﻻﺭﻧﯩﯔ ﺑﻪﺯﯨﻠﯩﺮﯨﻨﯩﯔ ﺑﯘﻧﯩﯖﻐﺎ ﻧﺎﻫﺎﻳﯩﺘﻰ ﺋﺎﭼﭽﯩﻘﻰ ﺑﺎﺭ. ﺋﯘﻻﺭ ﻛﯜﻧﺪﯨﻦ ﻛﯜﻧﮕﻪ ﺋﺎﯞﺍﺭﯨﮕﻪﺭﭼﯩﻠﯩﻚ ﺗﯘﻏﺪﯗﺭﻣﺎﻗﺘﺎ."

ﺧﻪﯞﻩﺭﺩﻩ ﺋﯘﻳﻐﯘﺭﻻﺭﻧﯩﯔ ﻧﯧﻔﯩﺖ ﺳﺎﻫﻪﺳﯩﺪﯨﻦ ﭘﯜﺗﯜﻧﻠﻪﻱ ﻳﻪﻛﻠﻪﻧﮕﻪﻧﻠﯩﻜﻰ، ﻧﯧﻔﯩﺘﻠﯩﻜﺘﯩﻜﻰ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺋﯩﺸﻼﺭﻧﻰ ﻗﯩﻠﯩﺪﯨﻐﺎﻥ ﻧﺎﻫﺎﻳﯩﺘﻰ ﺋﺎﺯ ﺳﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭﺩﯨﻦ ﺳﯩﺮﺕ، ﺑﺎﺷﻘﯘﺭﯗﺵ ﺋﻮﺭﮔﺎﻧﻠﯩﺮﯨﺪﺍ ﺋﯘﻳﻐﯘﺭﻻﺭﻏﺎ ﺋﻮﺭﯗﻥ ﻳﻮﻗﻠﯩﻘﯩﻨﻰ ﺋﻪﺳﻜﻪﺭﺗﺘﻰ. ﺧﻪﯞﻩﺭﺩﻩ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﻣﺎ ﭘﻪﻣﯩﻠﯩﻠﯩﻚ ﺑﯩﺮ ﺧﯩﺰﻣﻪﺗﭽﯩﻨﯩﯔ ﻣﯘﻧﺪﺍﻕ ﺩﯦﮕﻪﻧﻠﯩﻜﯩﻨﻰ ﻳﺎﺯﯨﺪﯗ": ﻧﯧﻔﯩﺖ ﺷﯩﺮﻛﯩﺘﯩﻨﯩﯔ ﺑﯘﺭﻏﯘﺳﯩﺪﺍ ﺋﯩﺸﻠﻪﻳﺪﯨﻐﺎﻥ 2 ﺋﯘﻳﻐﯘﺭ ﺋﯩﺸﭽﻰ ﺑﺎﺭ ﺋﯩﺪﻯ، ﻟﯧﻜﯩﻦ ﺋﯘﻻﺭ ﺑﺎﺷﻘﺎ ﻳﻪﺭﮔﻪ ﻳﯚﺗﻜﯩﯟﯦﺘﯩﻠﺪﻯ. ﭼﯜﻧﻜﻰ ﺑﺎﺷﻠﯩﻘﻼﺭ ﻣﯘﺳﯘﻟﻤﺎﻧﻼﺭﻧﻰ ﺑﯚﻟﮕﯜﻧﭽﻰ ﻳﺎﻛﻰ ﺗﯧﺮﺭﻭﺭﯨﺴﺖ، ﺩﻩﭖ ﺋﻮﻳﻼﻳﺪﯗ."