ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﺋﯘﭼﯘﺭﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﻫﺎﺷﯩﻤﺠﺎﻥ ﺳﻪﻟﻪﻱ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﻮﭼﺘﺎ ﺋﯩﺪﺍﺭﯨﺴﯩﻨﯩﯔ ﺋﯘﺯﯗﻥ ﻣﯘﺳﺎﭘﯩﻠﯩﻖ ﭘﻮﭼﺘﯩﻜﻪﺷﻠﯩﻚ ﻣﺎﺷﯩﻨﯩﺴﯩﻨﻰ ﻫﻪﻳﺪﻩﻳﺪﯨﻐﺎﻥ ﺷﻮﭘﯘﺭﺩﯗﺭ. ﻫﺎﺷﯩﻤﺠﺎﻥ ﺳﻪﻟﻪﻱ ﺋﺎﺳﺎﺳﻠﯩﻘﻰ 17 ﻳﯩﻠﯩﺪﯨﻦ ﺑﯧﺮﻯ ﭘﺎﻣﯩﺮ ﺋﯧﮕﯩﺰﻟﯩﻜﯩﮕﻪ ﻗﺎﺗﻨﺎﭖ ﻛﻪﻟﻤﻪﻛﺘﻪ. ﺋﯘ، ﺑﯘ ﺟﻪﺭﻳﺎﻧﺪﺍ ﭼﯧﮕﺮﺍ ﻗﻮﻏﺪﺍﺵ ﭘﻮﻧﻜﯩﺘﻠﯩﺮﯨﺪﯨﻜﻰ ﺋﻪﺳﻜﻪﺭﻟﻪﺭ ﯞﻩ ﺭﺍﻳﻮﻧﺪﯨﻜﻰ ﭼﺎﺭﯞﯨﭽﯩﻼﺭ ﺋﯜﭼﯜﻥ ﺩﻭﺭﺍ - ﺩﻩﺭﻣﻪﻙ ﻳﻪﺗﻜﯜﺯﯛﺵ، ﭘﯘﻝ ﺋﻪﯞﻩﺗﯩﺶ، ﻛﯚﻛﺘﺎﺕ ﺳﯧﺘﯩﯟﯦﻠﯩﺶ، ﺭﻩﺳﯩﻤﻠﯩﺮﯨﻨﻰ ﻳﯘﻏﯘﺯﯗﭖ ﺑﯧﺮﯨﺶ ﻗﺎﺗﺎﺭﻟﯩﻖ ﻳﺎﺧﺸﻰ ﺋﯩﺸﻼﺭﻧﻰ ﻗﯩﻠﻐﺎﻧﺪﯨﻦ ﺳﯩﺮﺕ ﻳﻪﻧﻪ 1996 - ﻳﯩﻠﻰ ﺗﯚﺕ ﻧﻪﭘﻪﺭ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﻪ ﺋﻪﺳﻜﯩﺮﯨﻨﯩﯔ ﻫﺎﻳﺎﺗﯩﻨﻰ ﻗﯘﺗﯘﻟﺪﯗﺭﯗﯞﺍﻟﻐﺎﻥ ﺋﯩﻜﻪﻥ. ﺋﻪﻣﻤﺎ ﺧﻪﯞﻩﺭﺩﻩ ﺋﯘﻻﺭﻧﯩﯔ ﻫﺎﻳﺎﺗﯩﻨﻰ ﻗﺎﻧﺪﺍﻕ ﻗﯘﺗﯘﻟﺪﯗﺭﯗﯞﺍﻟﻐﺎﻧﻠﯩﻘﻰ ﻳﯧﺰﯨﻠﻤﯩﻐﺎﻥ.

ﺋﻪﻧﻪ ﺷﯘ ﺳﻪﯞﻩﺑﺘﯩﻦ ﺋﯘ 2005 - ﻳﯩﻠﻰ ﭘﯜﺗﯜﻥ ﺧﯩﺘﺎﻱ ﺑﻮﻳﯩﭽﻪ 1 - ﻣﺎﻱ ﺋﻪﻣﮕﻪﻙ ﻣﯧﺪﺍﻟﯩﻐﺎ ﺋﯧﺮﯨﺸﻜﻪﻥ، 2006 - ﻳﯩﻠﻰ، "ﺷﯩﻨﺠﺎﯕﻨﻰ ﺗﻪﺳﯩﺮﻟﻪﻧﺪﯛﺭﮔﻪﻥ 10 ﺋﺎﺩﻩﻡ" ﻧﯩﯔ ﺑﯩﺮﻯ ﻗﯩﻠﯩﭗ ﺑﯧﻜﯩﺘﯩﻠﮕﻪﻥ.
ﻫﺎﺷﯩﻤﺠﺎﻥ ﺳﻪﻟﻪﻱ، 2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻛﯚﺗﯜﺭﯛﺷﻜﻪ ﺗﺎﻟﻼﻧﻐﺎﻧﻠﯩﻖ ﺧﻪﯞﯨﺮﯨﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ ﺋﯚﺯﯨﻨﯩﯔ ﯞﻩ ﭘﯜﺗﯜﻥ ﺋﺎﺋﯩﻠﯩﺴﯩﻨﯩﯔ ﻫﺎﻳﺎﺟﺎﻧﻠﯩﻨﯩﭗ ﻛﻪﺗﻜﻪﻧﻠﯩﻜﻰ، ﺋﯚﺯﯨﻨﯩﯔ ﺗﺎﻟﻠﯩﻨﯩﺸﯩﻨﯩﯔ ﻗﻪﺷﻘﻪﺭﺩﯨﻜﻰ ﻫﻪﺭ ﻣﯩﻠﻠﻪﺕ ﺧﻪﻟﻘﯩﻨﯩﯔ ﻗﻪﻟﺐ ﺳﺎﺩﺍﺳﯩﻨﯩﯔ ﺑﯧﻴﺠﯩﯖﻐﺎ ﻳﻪﺗﻜﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﯩﺰ 'ﻫﺎﺭ ﻗﯩﻠﻐﺎﻥ.

ﺑﯩﺮﺍﻕ، ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺟﯜﻣﻠﯩﺪﯨﻦ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﺑﺎﻳﻘﯘﺕ ﺋﯧﻼﻥ ﻗﯩﻠﯩﺸﻨﻰ ﺟﺎﻛﺎﺭﻻﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﯞﻩ ﺳﯩﻴﺎﺳﯩﻲ ﻫﻮﻗﯘﻗﻠﯩﺮﯨﻨﻰ ﺩﻩﺧﻠﻰ - ﺗﻪﺭﯛﺯﮔﻪ ﺋﯘﭼﺮﺍﺗﻤﺎﺳﻠﯩﻘﻘﺎ ﭼﺎﻗﯩﺮﻣﺎﻗﺘﺎ.