ﭘﺎﻛﯩﺴﺘﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ، ﺑﯩﺨﻪﺗﻪﺭﻟﯩﻚ ﺗﺎﺭﻣﺎﻗﻠﯩﺮﯨﻨﯩﯔ ﭘﺎﺭﺍﻛﻪﻧﺪﻩ ﻗﯩﻠﯩﺸﯩﻐﺎ ﺋﯘﭼﺮﺍﭖ ﻛﻪﻟﻤﻪﻛﺘﻪ

مۇخبىرىمىز ئەركىن خەۋىرى

2008-06-03

ﺋﯘﺯﯗﻥ ﺯﺍﻣﺎﻧﻼﺭﺩﯨﻦ ﺑﯧﺮﻯ ﭘﺎﻛﯩﺴﺘﺎﻧﺪﺍ ﻳﺎﺷﺎﭖ ﯞﻩ ﭘﺎﻛﯩﺴﺘﺎﻧﻐﺎ ﻳﻪﺭﻟﻪﺷﻜﻪﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﭘﺎﻛﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﺗﺎﺭﻣﺎﻗﻠﯩﺮﯨﻨﯩﯔ ﺋﯜﺯﻟﯜﻛﺴﯩﺰ ﭘﺎﺭﺍﻛﻪﻧﺪﻩ ﻗﯩﻠﯩﺸﯩﻐﺎ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﺑﯘﻻﺭﻧﯩﯔ ﺋﯩﭽﯩﺪﯨﻜﻰ ﺋﯜﭺ ﻧﻪﭘﻪﺭ ﺋﯘﻳﻐﯘﺭ ﭘﺎﻛﯩﺴﺘﺎﻥ ﺳﺎﻗﭽﻰ ﺩﺍﺋﯩﺮﻟﯩﺮﯨﻨﯩﯔ ﺗﯘﺗﻘﯘﻥ ﻗﯩﻠﯩﺸﯩﺪﯨﻦ ﻗﯧﭽﯩﭗ ﺋﯚﺯﯨﻨﻰ ﺩﺍﻟﺪﯨﻐﺎ ﺋﯧﻠﯩﭗ ﻳﯜﺭﯛﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﻪﺯﻯ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﻧﺎﻡ ‏ - ﺷﻪﺭﯨﭙﯩﻨﻰ ﺑﯩﻠﺪﯛﺭﯛﺷﻨﻰ ﺧﺎﻟﯩﻤﯩﻐﺎﻥ ﺑﯘ ﺋﯜﭺ ﻧﻪﭘﻪﺭ ﺋﯘﻳﻐﯘﺭ ﭘﺎﻛﯩﺴﺘﺎﻥ ﭘﯘﻗﺮﺍﺳﻰ ﺑﻮﻟﯘﭖ ﺋﯘﻻﺭ ﺋﻪﺳﻠﯩﺪﻩ ﭘﺎﻛﯩﺴﺘﺎﻧﻨﯩﯔ ﺭﺍﯞﺍﻟﭙﯩﻨﺪﻯ ﺷﻪﻫﯩﺮﯨﺪﻩ ﺗﯩﺮﯨﻜﭽﯩﻠﯩﻚ ﻗﯩﻠﯩﺪﯨﻜﻪﻥ.

ﺑﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺑﯘﻻﺭ ﺋﻪﺳﻠﻰ 2006 - ﻳﯩﻠﻰ ﺋﯘﻳﻐﯘﺭ ﺋﯩﻠﯩﺪﯨﻦ ﭘﺎﻛﯩﺴﺘﺎﻧﻐﺎ ﭼﯩﻘﯩﭗ، ﭘﺎﻛﯩﺴﺘﺎﻥ ﺋﺎﺭﻗﯩﻠﯩﻖ ﻫﻪﺝ ﺗﺎﯞﺍﭖ ﻗﯩﻠﯩﺸﻘﺎ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻗﺎﺭﺍﭖ ﺳﻪﭘﻪﺭ ﻗﯩﻠﯩﺶ ﺋﺎﺭﺯﯗﺳﯩﺪﯨﻜﻰ 900 ﻧﻪﭘﻪﺭﭼﻪ ﺋﯘﻳﻐﯘﺭﻧﯩﯔ ﯞﯨﺰﺍ ﺋﯩﻠﺘﯩﻤﺎﺳﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯧﺴﯩﻢ ﺋﯩﺸﻠﯩﺘﯩﺸﻰ ﺳﻪﯞﻩﺑﻠﯩﻚ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﭘﺎﻛﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﻰ ﺗﻪﺭﯨﭙﯩﺪﯨﻦ ﺭﻩﺕ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺷﯘ ﻫﻪﺝ ﺳﻪﭘﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﻰ ﺗﻪﺷﻜﯩﻠﻠﻪﭖ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯘﻳﯘﺷﺘﯘﺭﺩﻯ ﻫﻪﻣﺪﻩ ﺷﯘﻧﺪﺍﻕ ﻗﯩﻠﯩﺸﻘﺎ ﻗﯘﺗﺮﺍﺗﻘﯘﻟﯘﻕ ﻗﯩﻠﺪﻯ ﺩﻩﭖ ﺋﻪﻳﯩﺒﻠﻪﻧﮕﻪﻥ ﻛﯩﺸﻠﻪﺭ ﺋﯩﻜﻪﻥ.

ﺋﺎﺷﻜﺎﺭﯨﻠﯩﻨﯩﺸﯩﭽﻪ ، ﭘﺎﻛﯩﺴﺘﺎﻥ ﭘﯘﻗﺮﺍﺳﻰ ﺑﻮﻟﻤﯩﺶ ﺑﯘ ﺋﯜﭺ ﻧﻪﭘﻪﺭ ﺋﯘﻳﻐﯘﺭ ﻳﻪﻧﻪ، ﺑﯘ ﻳﯩﻞ 16 - ﺋﺎﭘﺮﯨﻞ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﻣﻪﺷﺌﯩﻠﻰ ﭘﺎﻛﯩﺴﺘﺎﻧﻐﺎ ﻳﯧﺘﯩﭗ ﻛﻪﻟﮕﻪﻧﺪﻩ ﻫﻪﻣﺪﻩ ﻣﻪﺷﺌﻪﻝ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ ﭘﺎﻛﯩﺴﺘﺎﻧﻨﯩﯔ ﺋﯩﺴﻼﻣﺌﺎﺑﺎﺩ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺟﻪﺭﻳﺎﻧﺪﺍ ﭘﺎﻛﯩﺴﺘﺎﻥ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﯜﺭﻣﯩﮕﻪ ﺳﻮﻻﭖ ﻗﻮﻳﯘﻟﻐﺎﻥ ﺋﯩﻜﻪﻥ.