ﺷﯩﻨﺨﯘﺋﺎﻧﯩﯔ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﺎﺋﺎﺭﯨﭗ ﻧﺎﺯﺍﺭﯨﺘﻰ ﺋﻮﻗﯘﻏﯘﭼﯩﻼﺭ ﺑﺎﺷﻘﺎﺭﻣﯩﺴﯩﻨﯩﯔ ﺑﺎﺷﻠﯩﻘﯩﻨﯩﯔ ﺳﯚﺯﻟﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﭖ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻥ ﺋﯩﭽﯩﺪﯨﻜﻰ ﻣﻪﺧﺴﯘﺱ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﻯ 2004 - ﻳﯩﻠﯩﺪﯨﻦ ﺋﯧﺘﯩﺒﺎﺭﻩﻥ ﻳﻮﻟﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﺑﯘ ﺳﯩﻨﯩﭙﻼﺭ ﺋﯩﭽﻜﯩﺮﯨﺪﻩ ﺗﻪﺳﯩﺲ ﻗﯩﻠﯩﻨﻐﺎﻥ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﺋﻮﻗﯘﻏﯘﭼﻰ ﻣﻪﻧﺒﻪﺳﯩﺪﯗﺭ.

ﺑﯘﻧﺪﺍﻕ ﺳﯩﻨﯩﭙﻼﺭ ﺋﯜﺭﯛﻣﭽﻰ، ﻗﺎﺭﺍﻣﺎﻱ، ﺷﯩﺨﻪﻧﺰﻩ، ﻛﯘﻳﺘﯜﻥ، ﺳﺎﻧﺠﻰ، ﺋﺎﻗﺴﯘ، ﻛﻮﺭﻻ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺗﻪﺳﯩﺲ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ ﻫﺎﺯﯨﺮ 15 ﻣﯩﯖﺪﯨﻦ ﺋﺎﺭﺗﯘﻕ ﺋﻮﻗﯘﻏﯘﭼﻰ ﺋﻮﻗﯘﻳﺪﯗ. ﻣﻪﺯﻛﯘﺭ ﺋﻮﻗﯘﺗﻘﯘﭼﯩﻼﺭﻏﺎ ﻳﺎﺭﺩﻩﻡ ﺳﻮﻣﻤﯩﻠﯩﺮﻯ ﺑﯧﺮﯨﺸﺘﯩﻜﻰ ﻣﻪﻗﺴﻪﺕ،ﺋﯘﻻﺭﻧﯩﯔ ﺋﻮﻗﯘﻏﯘﭼﯩﻼﺭﻧﻰ ﺗﻪﺭﺑﯩﻴﯩﻠﻪﺷﻜﻪ ﻛﯚﺭﺳﻪﺗﻜﻪﻥ ﺗﯩﺮﯨﺸﭽﺎﻧﻠﯩﻘﻠﯩﺮﻯ ﻫﻪﻡ ﺋﻪﻣﮕﻪﻛﻠﯩﺮﯨﮕﻪ ﺟﺎﯞﺍﺏ ﺑﯧﺮﯨﺶ ﺋﯩﻜﻪﻥ.

ﺑﯩﺮﺍﻕ، ﺧﻪﯞﻩﺭﺩﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﯘﻳﻐﯘﺭﻻﺭ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﺧﻮﺗﻪﻥ، ﻗﻪﺷﻘﻪﺭ ﯞﯨﻼﻳﻪﺗﻠﯩﺮﯨﺪﯨﻜﻰ ﻛﯚﭖ ﺳﺎﻧﺪﯨﻜﻰ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﻠﯩﺮﯨﻨﯩﯔ ﺗﯘﺭﻣﯘﺷﯩﻐﺎ ﻳﺎﺭﺩﻩﻡ ﺑﯧﺮﯨﺶ ﻣﻪﺳﯩﻠﯩﺴﻰ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ. ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺋﻮﻗﯘﺗﻘﯘﭼﯩﻨﯩﯔ ﺋﯧﻴﺘﯩﺸﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﯩﭽﯩﺪﯨﻜﻰ ﻣﻪﺧﺴﯘﺱ ﺗﻮﻟﯘﻗﺴﯩﺰ ﺳﯩﻨﯩﭙﻼﺭﺩﺍ ﺧﯩﺘﺎﻱ ﺗﯩﻠﯩﺪﺍ ﺩﻩﺭﺱ ﺋﯚﺗﯜﻟﯩﺪﯗ، ﺋﻮﻗﯘﺗﻘﯘﭼﻰ - ﺧﯩﺰﻣﻪﺗﭽﯩﻠﻪﺭﻧﯩﯔ ﻣﯘﺗﻠﻪﻕ ﻛﯚﭘﭽﯩﻠﯩﻜﯩﻨﻰ ﺧﻪﻧﺰﯗﻻﺭ ﺗﻪﺷﻜﯩﻞ ﻗﯩﻠﯩﺪﯨﻜﻪﻥ.

ﺋﻪﻣﻪﻟﯩﻴﻪﺗﺘﻪ، ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﻣﯩﻠﻠﯩﻲ ﻣﺎﺋﺎﺭﯨﭗ ﺳﺎﻫﻪﺳﯩﺪﻩ ﺋﯩﺸﻠﻪﭖ ﻛﯧﻠﯩﯟﺍﺗﻘﺎﻥ، ﺋﯚﺯ ﻣﯩﻠﻠﯩﻲ ﺗﯩﻞ ﻳﯧﺰﯨﻘﯩﺪﺍ ﺩﻩﺭﺱ ﺋﯚﺗﯩﺪﯨﻐﺎﻥ ﻣﯩﯖﻠﯩﻐﺎﻥ ﺋﻮﻗﯘﺗﻘﯘﭼﯩﻼﺭﻣﯘ ﺑﯘ ﻳﺎﺭﺩﻩﻣﻠﻪﺭﮔﻪ ﺋﯧﺮﯨﺸﯩﺸﻰ ﻛﯧﺮﻩﻙ ﺋﯩﻜﻪﻥ.