ﺧﯩﺘﺎﻱ ﺋﺎﯞﯨﺌﺎﺗﺴﯩﻴﻪ ﺋﯩﺪﺍﺭﯨﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻟﻰ ﺟﻴﻪﻥ ﺳﻪﻳﺸﻪﻧﺒﻪ ﻛﯜﻧﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯘﻳﻐﯘﺭ ﺋﯘﭼﻘﯘﭼﯩﻼﺭﻧﯩﯔ ﺋﯩﺸﺘﯩﻦ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﭼﯩﻘﻘﺎﻥ ﺧﻪﯞﻩﺭﻟﻪﺭﻧﻰ ﺭﻩﺕ ﻗﯩﻠﯩﭗ،" ﭘﯜﺗﯜﻥ ﺋﯘﭼﻘﯘﭼﯩﻼﺭ ﺧﻪﻧﺰﯗ ﻳﺎﻛﻰ ﺋﯘﻳﻐﯘﺭ ﺑﻮﻟﺴﯘﻥ ﯞﺍﻗﯩﺖ ﺟﻪﺩﯞﯨﻠﻰ ﺑﯘﻳﯩﭽﻪ ﺋﯩﺸﻠﻪﯞﺍﺗﯩﺪﯗ " ﺩﯦﺪﻯ.

ﺧﯩﺘﺎﻱ ﻫﺎﯞﺍ ﻳﻮﻟﻠﯩﺮﯨﺪﺍ ﺋﯘﭺ ﺋﯘﻳﻐﯘﺭ ﺋﯘﭼﻘﯘﭼﯩﻨﯩﯔ ﺋﯩﺸﻠﻪﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﻟﻰ ﺟﻴﻪﻥ، ﺋﺎﺑﺎﺑﻪﻛﺮﻯ ﻣﻪﻣﻪﺕ، ﺋﻪﻟﻰ ﺋﯩﻤﯩﻨﻨﯩﻴﺎﺯ ﯞﻩ ﺩﻭﻟﻘﯘﻥ ﺋﯩﺴﯩﻤﻠﯩﻚ ﺑﯘ ﺋﯘﭼﻘﯘﭼﯩﻼﺭﻧﯩﯔ ﻛﯜﻧﺪﯨﻠﯩﻚ ﯞﻩﺯﯨﭙﯩﺴﯩﻨﻰ ﺩﺍﯞﺍﻣﻼﺷﺘﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﯛﺷﻪﻧﺒﻪ ﻛﯜﻧﻰ ﺋﻪﻧﮕﻠﯩﻴﯩﺪﻩ ﭼﯩﻘﯩﺪﯨﻐﺎﻥ ﻣﻪﺷﻬﯘﺭ ﺗﺎﻳﻤﯩﺰ ﮔﯧﺰﯨﺘﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺧﯩﺘﺎﻱ ﻫﺎﯞﺍ ﻳﻮﻟﻠﯩﺮﯨﺪﺍ ﺋﯩﺸﻠﻪﻳﺪﯨﻐﺎﻥ ﺋﯜﭺ ﺋﯘﻳﻐﯘﺭ ﺋﯘﭼﻘﯘﭼﯩﻨﻰ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﺳﻪﯞﻩﺏ ﻛﯚﺭﺳﯩﺘﯩﭗ، ﺋﯩﺸﺘﯩﻦ ﺗﻮﺧﺘﯩﺘﯩﭗ ﻗﻮﻳﻐﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺋﯩﺪﻯ. ﺗﺎﻳﻤﯩﺰ ﮔﯧﺰﯨﺘﻰ ﺧﯩﺘﺎﻱ ﺋﺎﯞﯨﺌﺎﺗﺴﯩﻴﻪ ﺋﯩﺪﺍﺭﯨﺴﯩﻨﯩﯔ ﺑﯩﺮ ﺧﺎﺩﯨﻤﯩﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﺎﯞﺍ ﻳﻮﻟﻠﯩﺮﯨﺪﺍ ﺋﯩﺸﻠﻪﻳﺪﯨﻐﺎﻥ ﺋﯘﻳﻐﯘﺭ ﻛﯜﺗﻜﯜﭼﯩﻠﻪﺭﻧﯩﯔ ﺧﯩﺰﻣﻪﺕ ﺋﻮﺭﯗﻧﻠﯩﺮﻯ ﻳﯚﺗﻜﯩﻠﯩﭗ ﺧﯩﺘﺎﻳﺪﯨﻜﻰ ﺑﺎﺷﻘﺎ ﺭﺍﻳﻮﻧﻼﺭﺩﺍ ﺋﯘﭼﯩﺪﯨﻐﺎﻥ ﺋﺎﻳﺮﻭﭘﯩﻼﻧﻼﺭﻧﯩﯔ ﺧﯩﺰﻣﯩﺘﯩﮕﻪ ﺋﺎﻟﻤﺎﺷﺘﯘﺭﯗﻟﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﺋﯩﺪﻯ.

ﺗﺎﻳﻤﯩﺰ ﮔﯧﺰﯨﺘﯩﻨﯩﯔ ﻣﻪﺯﻛﯘﺭ ﺧﻪﯞﯨﺮﻯ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﯞﻩ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯘﭼﻘﯘﭼﯩﻼﺭﻧﻰ ﺧﯩﺰﻣﻪﺗﺘﯩﻦ ﺗﻮﺧﺘﯩﺘﯩﺶ ﻗﺎﺭﺍﺭﯨﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﻛﻪﻣﺴﯩﺘﯩﺶ ﺳﯩﻴﺎﺳﯩﺘﯩﻨﯩﯔ ﺋﯩﺴﭙﺎﺗﻰ ﺩﻩﭖ ﻛﯚﺭﺳﻪﺗﻜﻪﻥ ﺋﯩﺪﻯ.