ﺩﯨﻠﺸﺎﺕ ﺭﯦﺸﯩﺖ : ﯞﺍﯓ ﻟﯧﭽﯜﻩﻧﻨﯩﯔ ﺋﯩﻜﻜﻰ ﻗﻮﻟﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻗﯩﺰﯨﻞ ﻗﯩﻨﻰ ﺑﯩﻠﻪﻥ ﺑﻮﻳﺎﻟﺪﻯ

ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﺗﯘﺭﯗﺷﻠﯘﻕ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﻩﻛﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺑﺎﺵ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻥ ﺧﻮﯕﻜﻮﯓ ﺳﯘﻣﺮﯗﻍ ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺋﯚﺯﯨﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﻗﻪﺗﻠﻰ ﻗﯩﻠﯩﺶ ﺗﯩﺰﯨﻤﻠﯩﻜﯩﺪﯨﻜﻰ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺑﯜﮔﯜﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﯞﺍﯓ ﻟﯧﭽﯜﻩﻧﻨﯩﯔ ﺋﯚﺯﯨﻨﻰ "ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺋﯚﻟﺘﯜﺭﯛﺵ ﺗﯩﺰﯨﻤﻠﯩﻜﯩﺪﯨﻜﻰ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﺋﺎﺩﻩﻡ" ﺩﻩﭖ ﺋﯧﻼﻥ ﻗﯩﻠﻐﺎﻧﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺑﺎﻳﺎﻧﺎﺗﯩﺪﺍ، ﯞﺍﯓ ﻟﯧﭽﯜﻩﻧﻨﯩﯔ ﺑﯘﻧﺪﺍﻕ ﺩﯦﻴﯩﺸﯩﻨﯩﯔ ﺋﻪﻣﻪﻟﯩﻴﻪﺗﺘﻪ "ﻫﻪﻗﯩﻘﻪﺗﻨﻰ ﺋﺎﺳﺘﯩﻦ ‏- ﺋﯜﺳﺘﯜﻥ ﻗﯩﻠﻐﺎﻧﻠﯩﻖ" ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﭖ: " ﯞﺍﯓ ﻟﯧﭽﯜﻩﻥ ﺋﯘﻳﻐﯘﺭ ﺋﯧﻠﯩﺪﻩ ﺑﺎﺷﻠﯩﻖ ﺑﻮﻟﯘﭖ ﺋﯩﺸﻠﯩﮕﻪﻥ 10 ﻧﻪﭼﭽﻪ ﻳﯩﻠﯩﺪﯨﻦ ﺑﯘﻳﺎﻥ، ﺋﯘﻧﯩﯔ ﻫﻪﺭ ﺋﯩﻜﻜﯩﻼ ﻗﻮﻟﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻗﯩﺰﯨﻞ ﻗﯩﻨﻰ ﺑﯩﻠﻪﻥ ﺑﻮﻳﺎﻟﺪﻯ" ﺩﯦﺪﻯ.

ﺋﯘ ﻳﻪﻧﻪ ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺩﯙﻟﻪﺕ ﺗﯧﺮﺭﻭﺭﭼﯩﻠﯩﻘﯩﻨﻰ ﻳﯜﺭﮔﯜﺯﯛﯞﺍﺗﻘﺎﻥ ﻣﯘﺳﺘﻪﺑﯩﺖ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ: "ﺷﯘﯕﺎ ﯞﺍﯓ ﻟﯧﭽﯜﻩﻥ ﺗﺎﺭﯨﺨﻨﯩﯔ ﻗﺎﻧﯘﻧﯩﻲ ﺟﺎﺯﺍﺳﯩﻐﺎ ﺗﺎﺭﺗﯩﻠﯩﺸﻰ ﻛﯧﺮﻩﻙ. ﺋﯘ ﺑﯩﺮ ﺟﯩﻨﺎﻳﻪﺗﭽﻰ. ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﻩ ﺋﯘ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﺪﯨﻨﺎﻣﯩﺴﯩﮕﻪ ﺋﯧﻐﯩﺮ ﺧﯩﻼﭘﻠﯩﻖ ﻗﯩﻠﺪﻯ" ﺩﯦﺪﻯ.

ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ: "ﯞﺍﯓ ﻟﯧﭽﯜﻩﻧﻨﯩﯔ ﺗﯘﻳﯘﻗﺴﯩﺰ ﺋﯚﺯﯨﻨﯩﯔ ‘ﻳﻮﺷﯘﺭﯗﻥ ﺋﻮﻟﺘﯘﺭﯗﺵ ﺗﯩﺰﯨﻤﻠﯩﻜﯩﺪﯨﻜﻰ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﻛﯩﺸﻰ’ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ، ﺑﯩﺮﯨﻨﭽﯩﺪﯨﻦ، ﺑﯘ ﺋﯘﻧﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺟﯩﻨﺎﻳﻰ ﻗﯩﻠﻤﯩﺸﻠﯩﺮﯨﻨﻰ ﺋﺎﺷﻜﺎﺭﯨﻠﯩﺴﺎ، ﺋﯩﻜﻜﯩﻨﭽﯩﺪﯨﻦ، ﺋﯘ ﺷﯘﻧﺪﺍﻕ ﺩﯦﻴﯩﺶ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﻰ ﻫﻪﺭﯨﻜﻪﺗﻠﯩﺮﯨﻨﻰ ﺗﯧﺮﺭﻭﺭﭼﯩﻠﯩﻘﻘﺎ ﺑﺎﻏﻼﺵ ﻣﻪﻗﺴﯩﺪﯨﮕﻪ ﻳﻪﺗﻤﻪﻛﭽﻰ،" ﺩﻩﻳﺪﯗ.

ﺩﯨﻠﺸﺎﺕ ﺭﯨﺸﯩﺖ ﺋﺎﺧﯩﺮﯨﺪﺍ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻫﻪﺭﮔﯩﺰﻣﯘ ﻳﻮﺷﯘﺭﯗﻥ ﺋﯚﻟﺘﯜﺭﯛﺷﻜﻪ ﺋﻮﺧﺸﺎﺵ ﻗﯩﻠﻤﯩﺸﻼﺭ ﺑﯩﻠﻪﻥ ﺷﯘﻏﯘﻟﻼﻧﻤﺎﻳﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭ ﺳﯩﻴﺎﺳﯩﻲ ﻛﯜﺭﻩﺷﻠﯩﺮﯨﻨﯩﯔ ﭘﺎﺭﻻﻕ ﯞﻩ ﺋﺎﺷﻜﺎﺭﺍ ﻫﻪﺭﯨﻜﻪﺕ ﺋﯩﻜﻪﻧﻠﯩﻜﯩﻨﻰ، ﺋﯘﻳﻐﯘﺭﻻﺭﻧﯩﯔ ﭘﻪﻗﻪﺕ ﺳﯩﻴﺎﺳﻰ ﻛﯚﺭﻩﺵ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻛﯜﺭﯨﺸﻰ ﺋﺎﺭﻗﯩﻠﯩﻖ ﺋﯚﺯ ﺋﯩﺴﺘﯩﻘﺒﺎﻟﯩﻨﻰ ﺑﻪﻟﮕﯩﻠﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﺟﯜﻣﻪ)