ﯞﺍﯓ ﻟﯧﭽﯜﻩﻥ، ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﺋﻪﺯﺍﻟﯩﻘﯩﻐﺎ ﻳﻪﻧﻪ ﺳﺎﻳﻼﻧﺪﻯ

ﻳﻪﻛﺸﻪﻧﺒﻪ ﻛﯜﻧﻰ ﺋﺎﺧﯩﺮﻻﺷﻘﺎﻥ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ - 17 ﻗﯘﺭﯗﻟﺘﯩﻴﻰ، ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺩﺍﺋﯩﻤﯩﻲ ﺋﻪﺯﺍﻟﯩﺮﻯ ﯞﻩ ﺋﻪﺯﺍﻟﯩﺮﯨﻨﻰ ﺳﺎﻳﻼﭖ ﭼﯩﻘﯩﭗ، ﻗﯩﺴﻤﻪﻥ ﺗﻪﺭﺗﯩﭙﻜﻪ ﺳﯧﻠﯩﺸﻼﺭ ﺋﯧﻠﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻧﻨﯩﯔ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﻟﯩﻘﯩﻨﻰ ﺳﺎﻗﻼﭖ ﻗﺎﻟﺪﻯ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 90 ‏- ﻳﯩﻠﻼﺭﺩﯨﻦ ﺑﯧﺮﻯ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﯞﻩ ﻳﻪﺭﻟﯩﻚ ﺧﻪﻟﻘﻨﯩﯔ ﻧﺎﺭﺍﺯﯨﻠﯩﻘﯩﻐﺎ ﺋﯘﭼﺮﯨﻐﺎﻥ ﺋﺎﺗﺎﻟﻤﯩﺶ "ﺷﯩﻨﺠﺎﯕﻨﻰ ﺋﯧﭽﯩﺶ ﺋﯩﺴﺘﯩﺮﺍﺗﯧﮕﯩﻴﯩﺴﻰ"ﺩﻩ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﯞﻩ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻳﯘﻗﯩﺮﻯ ﺑﯧﺴﯩﻤﻠﯩﻖ ﺳﯩﻴﺎﺳﻪﺗﻨﯩﯔ ﻳﻪﻧﻪ ﺩﺍﯞﺍﻣﻠﯩﺸﯩﺪﯨﻐﺎﻧﻠﯩﻘﯩﺪﯨﻦ ﺩﯨﺮﻩﻙ ﺑﯧﺮﯨﺪﯨﻜﻪﻥ.

ﭼﻪﺗﺌﻪﻟﺪﯨﻜﻰ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﻗﯘﺭﯗﻟﺘﺎﻳﺪﯨﻦ ﺑﯘﺭﯗﻥ ﺋﯧﻼﻥ ﻗﯩﻠﻐﺎﻥ ﺑﻪﺯﻯ ﺧﻪﯞﻩﺭﻟﯩﺮﯨﺪﻩ، ﺋﻪﺳﻠﻰ ﯞﺍﯓ ﻟﯧﭽﯜﻩﻧﻨﯩﯔ ﺟﺎﯞ ﻳﯘﯕﻜﺎﯕﻨﯩﯔ ﺋﻮﺭﻧﯩﻐﺎ ﺧﯩﺘﺎﻱ ﺝ ﺥ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺑﻮﻟﯘﭖ ﻳﯚﺗﻜﯩﻠﯩﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﯞﺍﯓ ﺳﻪﻧﺪﯗﯕﺪﯨﻜﻰ ﻳﯘﻗﯩﺮﻯ ﻗﺎﺗﻼﻡ ﺋﻪﻣﻪﻟﺪﺍﺭﻻﺭ ﺋﺎﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺑﯩﺮ " ﺋﺎﺷﻨﯩﺪﺍﺭﭼﯩﻠﯩﻖ ﺳﻪﺗﭽﯩﻠﯩﻜﻰ " ﮔﻪ ﭼﯧﺘﯩﻠﯩﭗ ﻗﺎﻟﻐﺎﻧﻠﯩﻘﺘﯩﻦ، ﺋﯘﻧﯩﯔ ﺝ ﺥ ﻣﯩﻨﯩﺴﺘﯩﺮﻟﯩﻘﯩﻐﺎ ﻳﯚﺗﻜﯩﻠﯩﺶ ﺋﯧﻬﺘﯩﻤﺎﻟﻰ ﺋﺎﺯﺍﻳﻐﺎﻧﻠﯩﻘﯩﻨﻰ ﻳﺎﺯﻏﺎﻥ ﺋﯩﺪﻯ.

ﺑﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻳﺪﺍ ﺯﯦﯔ ﭼﯩﯖﺨﯘﯓ، ﻟﻮ ﮔﻪﻥ، ﯞﯗ ﮔﯜﻩﻧﺠﯩﯖﻼﺭ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺩﺍﺋﯩﻤﯩﻲ ﺋﻪﺯﺍﻻﺭ ﺗﯩﺰﯨﻤﻠﯩﻜﯩﺪﯨﻦ ﭼﯜﺷﯜﭖ ﻗﺎﻟﺪﻯ. ﺋﯘﻻﺭﻧﯩﯔ ﺋﻮﺭﻧﯩﻐﺎ ﺳﻮﺩﺍ ﻣﯩﻨﯩﺴﺘﯩﺮﻯ ﺑﻮ ﺷﯩﻠﻪﻱ، ﺝ ﺥ ﻣﯩﻨﯩﺴﺘﯩﺮﻯ ﺟﺎﯞ ﻳﯘﯕﻜﺎﯓ، ﺷﺎﯕﺨﻪﻱ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﺷﻰ ﺟﯩﻨﭙﯩﯔ، ﻟﻴﺎﯞﻧﯩﯔ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﻟﻰ ﻛﯧﭽﻴﺎﯓ ﯞﻩ ﻣﻪﺭﻛﯩﺰﻯ ﺗﻪﺷﻜﯩﻼﺕ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺧﯥ ﮔﻮﭼﻴﺎﯕﻼﺭ ﺳﯩﻴﺎﺳﯩﻲ ﺑﻴﯘﺭﻭ ﺩﺍﺋﯩﻤﯩﻲ ﺋﻪﺯﺍﻟﯩﻘﯩﻐﺎ ﺳﺎﻳﻼﻧﺪﻯ. ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﻯ ﺑﯘ ﺋﻪﻫﯟﺍﻟﻨﻰ ﺧﯘ ﺟﯩﻨﺘﺎﯞﻧﯩﯔ ﻫﻮﻗﯘﻗﻰ ﺑﯩﺮ ﻗﻪﺩﻩﻡ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﻛﯜﭼﻪﻳﮕﻪﻧﻠﯩﻜﯩﺪﯨﻦ ﺩﯨﺮﻩﻙ ﺑﯧﺮﯨﺪﯗ، ﺩﻩﭖ ﻗﺎﺭﯨﻤﺎﻗﺘﺎ. (ﺋﻪﺭﻛﯩﻦ)