ﺧﯩﺘﺎﻱ ﺳﯩﻴﺎﺳﯩﻲ ﻛﯧﯖﻪﺵ ﺋﻪﺯﺍﺳﻰ"ﺷﯩﻨﺠﺎﯓ"ﻣﺎﺋﺎﺭﯨﭙﯩﻨﯩﯔ ﺋﻪﻫﯟﺍﻟﯩﺪﯨﻦ ﺋﯜﻣﯩﺪﯞﺍﺭ ﺋﻪﻣﻪﺱ

ﺧﯩﺘﺎﻱ ﺳﯩﻴﺎﺳﯩﻲ ﻣﻪﺳﻠﯩﻬﻪﺕ ﻛﯧﯖﯩﺸﯩﻨﯩﯔ ﺋﻪﺯﺍﺳﻰ، ﺧﯩﺘﺎﻱ ﭘﻪﻥ ‏ - ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻣﯘﺩﯨﺮﻯ ﺟﯘ ﭼﯩﯖﺸﻰ ﺗﻪﯕﺮﯨﺘﺎﻍ ﺗﻮﺭﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻳﻐﯘﺭ ﺋﯧﻠﯩﻨﯩﯔ ﻣﺎﺋﺎﺭﯨﭗ ﺋﻪﻫﯟﺍﻟﯩﺪﯨﻦ ﺋﯜﻣﯩﺪﯞﺍﺭ ﺑﻮﻟﯘﭖ ﻛﯧﺘﯩﺸﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺟﯘ ﭼﯩﯖﺸﻰ ﺑﯘ ﺳﯚﺯﻟﻪﺭﻧﻰ ﺗﻪﯕﺮﯨﺘﺎﻍ ﺗﻮﺭﻯ ﻣﯘﺧﺒﯩﺮﯨﻨﯩﯔ ﺋﯘﻳﻐﯘﺭ ﺋﯩﻠﻰ ﻣﺎﺋﺎﺭﯨﭗ ﺋﯩﺸﻠﯩﺮﯨﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ ﺗﻪﻛﯩﺘﻠﯩﮕﻪﻥ ﺑﻮﻟﯘﭖ، ﺋﯘ ﺋﯘﻳﻐﯘﺭ ﺋﯩﻠﻰ ﻣﺎﺋﺎﺭﯨﭗ ﻣﯘﺋﻪﺳﺴﻪﺳﯩﻠﯩﺮﯨﻨﯩﯔ ﺋﺎﺭﻗﯩﺪﺍ ﻗﺎﻟﻐﺎﻧﻠﯩﻘﯩﻨﻰ،"ﺷﯩﻨﺠﺎﯕﺪﯨﻜﻰ ﻧﺎﻣﺮﺍﺕ ﺭﺍﻳﻮﻧﻼﺭﺩﺍ ﻧﯘﺭﻏﯘﻥ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺗﯘﺵ ﻣﯘﺋﻪﺳﺴﻪﺳﯩﻠﯩﺮﻯ 20 - 30 ﻳﯩﻞ ﺋﺎﯞﺍﻟﻘﯩﺪﯨﻦ ﻛﯚﭖ ﺋﯚﺯﮔﻪﺭﻣﯩﮕﻪﻥ، ﺑﯩﺌﻮﻟﻮﮔﯩﻴﻪ، ﺧﯩﻤﯩﻴﻪ ﺗﻪﺟﺮﯨﺒﯩﺨﺎﻧﯩﻠﯩﺮﯨﻨﯩﯔ %80 ﯨﻨﻰ ﺋﯩﺸﻠﻪﺗﻜﯩﻠﻰ ﺑﻮﻟﻤﺎﻳﺪﯨﻐﺎﻥ، ﺩﻩﺭﺳﺘﯩﻦ ﺳﯩﺮﺗﻘﻰ ﭘﺎﺋﺎﻟﯩﻴﻪﺕ ﺋﯜﺳﻜﯜﻧﯩﻠﯩﺮﻯ ﺋﯩﻨﺘﺎﻳﯩﻦ ﻛﻮﻧﺎ، ﻛﻮﻣﭙﻴﯘﺗﯧﺮ ﻗﺎﺗﺎﺭﻟﯩﻖ ﺋﯜﺳﻜﯜﻧﯩﻠﻪﺭ ﺋﯩﻨﺘﺎﻳﯩﻦ ﻛﻪﻣﭽﯩﻠﻠﯩﻜﻰ"ﻧﻰ ﺋﻪﺳﻜﻪﺭﺗﯩﺪﯗ.

ﺟﯘ ﭼﯩﯖﺸﻰ ﻳﻪﻧﻪ، ﺑﯘ ﺭﺍﻳﻮﻧﻼﺭﺩﺍ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﯩﻨﯩﯔ ﻳﯧﺘﯩﺸﻤﻪﺳﻠﯩﻚ ﺋﻪﻫﯟﺍﻟﻰ ﻧﺎﻫﺎﻳﯩﺘﻰ ﺋﯧﻐﯩﺮ ﺋﯩﻜﻪﻧﻠﯩﻜﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ،"ﺑﻪﺯﻯ ﻣﻪﻛﺘﻪﭘﻠﻪﺭﺩﻩ ﺑﯩﺮ ﺋﻮﻗﯘﺗﻘﯘﭼﻰ ﺑﯩﺮ ﻗﺎﻧﭽﻪ ﻳﯩﻠﻠﯩﻘﺘﯩﻜﻰ ﺋﻮﻗﯘﻏﯘﭼﯩﻼﺭﻏﺎ ﺑﯩﺮ ﻗﺎﻧﭽﻪ ﺧﯩﻞ ﺩﻩﺭﺱ ﺑﯧﺮﯨﺪﯨﻐﺎﻥ،.....ﺑﻪﺯﻯ ﻣﻪﺧﺴﯘﺱ ﭘﻪﻥ ﺋﻮﻗﯘﺗﻘﯘﭼﯩﻠﯩﺮﻯ ﻣﻪﻛﺘﻪﭘﺘﯩﻜﻰ ﺑﺎﺭﻟﯩﻖ ﻳﯩﻠﻠﯩﻘﻼﺭﻏﺎ ﺩﻩﺭﺱ ﺑﯧﺮﯨﺪﯨﻐﺎﻥ" ﺋﻪﻫﯟﺍﻟﻼﺭﻧﻰ ﺗﻪﻧﻘﯩﺪ ﻗﯩﻠﺪﻯ. ﺷﯘﯕﺎ ﻣﻪﺑﻠﻪﻍ ﺳﯩﯧﻠﯩﻨﻤﯩﺴﯩﻨﻰ ﻛﯚﭘﻪﻳﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺟﯘ ﭼﯩﯖﺸﻰ، "ﺑﯘﻧﺪﺍﻕ ﺋﻪﻫﯟﺍﻟﺪﺍ ﺳﺎﭘﺎ ﻣﺎﺋﺎﺭﯨﭙﯩﺪﯨﻦ ﻗﺎﻧﺪﺍﻗﻤﯘ ﺋﯧﻐﯩﺰ ﺋﺎﭼﻘﯩﻠﻰ ﺑﻮﻟﺴﯘﻥ،" ﺩﻩﻳﺪﯗ.

ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﺑﻪﺭﮔﻪﻥ ﺩﻭﻛﻼﺗﯩﺪﺍ ﻣﺎﺋﺎﺭﯨﭗ ﺑﺎﺭﺍﯞﻩﺭﻟﯩﻜﯩﻨﻰ ﺗﻪﻛﯩﺘﻠﯩﮕﻪﻥ. ﺧﯩﺘﺎﻳﻨﯩﯔ ﻣﯘﺋﺎﯞﯨﻦ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﺟﺎﯓ ﺷﯩﻨﭽﯩﯔ ﺑﻮﻟﺴﺎ ﯞﯦﻦ ﺟﺎﻳﺒﺎﯞﻧﯩﯔ ﺑﯘ ﺳﯚﺯﯨﻨﻰ " ﺷﯩﻨﺠﺎﯕﻐﺎ ﻧﯩﺴﺒﻪﺗﻪﻥ ﺋﯧﻴﺘﻘﺎﻧﺪﺍ، ﻛﯩﺸﯩﻨﻰ ﻫﺎﻳﺎﺟﺎﻧﻼﻧﺪﯗﺭﯨﺪﯨﻐﺎﻥ ﯞﻩ ﺋﯩﻠﻬﺎﻣﻼﻧﺪﯗﺭﯨﺪﯨﻐﺎﻥ ﺧﯘﺷﺨﻪﯞﻩﺭ " ﺩﻩﻳﺪﯗ. ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﻰ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ، ﺭﺍﻳﻮﻧﺪﺍ ﺧﯩﺘﺎﻱ ﻣﺎﺋﺎﺭﯨﭙﻰ ﺑﯩﻠﻪﻥ ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﻰ ﺋﺎﺭﯨﺴﯩﺪﯨﻜﻰ ﭘﻪﺭﻗﻨﯩﯔ ﭼﻮﯕﯩﻴﯩﯟﺍﺗﻘﺎﻧﻠﯩﻘﯩﻨﻰ، ﺑﯘ ﺋﯘﻳﻐﯘﺭﻻﺭﺩﺍ ﭘﻪﺭﺯﻩﻧﺘﻠﯩﺮﯨﻨﻰ ﺧﯩﺘﺎﻱ ﻣﻪﻛﺘﻪﭘﻠﯩﺮﯨﮕﻪ ﺑﯧﺮﯨﺶ ﻗﯩﺰﻏﯩﻨﻠﯩﻘﻰ ﻗﻮﺯﻏﺎﭖ، ﺋﯘﻳﻐﯘﺭ ﻣﻪﻛﺘﻪﭘﻠﯩﺮﯨﻨﯩﯔ ﭼﯚﻟﺪﻩﺭﻩﭖ ﻗﯧﻠﯩﺸﯩﻐﺎ ﺳﻪﯞﻩﺏ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻣﺎﻗﺘﺎ ﺋﯩﺪﻯ. (ﺋﻪﺭﻛﯩﻦ)