ﺧﯩﺘﺎﻱ ﺋﻪﺩﻟﯩﻴﻪ ﺩﺍﺋﯩﺮﯨﻠﯩﺮﻯ ﺋﯜﺭﯛﻣﭽﯩﺪﻩ ﺑﯩﺮ ﺧﺮﯨﺴﺘﻴﺎﻥ ﻣﯘﺧﻠﯩﺴﯩﻨﻰ ﺋﻪﻳﯩﺒﻠﻪﺷﺘﯩﻦ ﯞﺍﺯ ﻛﻪﭼﺘﻰ

ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﺳﺎﻳﺒﺎﻍ ﺭﺍﻳﻮﻧﯩﺪﯨﻜﻰ ﺗﻪﭘﺘﯩﺶ ﺩﺍﺋﯩﺮﯨﻠﯩﺮﻯ2007 ‏- ﻳﯩﻠﻰ 8 ‏- ﺋﺎﻳﺪﺍ ﺧﺮﯨﺴﺘﯩﺌﺎﻧﻼﺭﻧﯩﯔ ﺋﯩﻨﺠﯩﻠﯩﻨﻰ ﺳﺎﺗﻘﺎﻧﻠﯩﻘﻰ ﺗﯜﭘﻪﻳﻠﻰ " ﻗﺎﻧﯘﻧﺴﯩﺰ ﺳﻮﺩﺍ ﻗﯩﻠﯩﺶ" ﺟﯩﻨﺎﻳﯩﺘﻰ ﺑﯩﻠﻪﻥ ﻗﻮﻟﻐﺎ ﺋﯧﻠﯩﻨﻐﺎﻥ ﺧﯩﺘﺎﻱ ﺧﺮﯨﺴﺘﻴﺎﻥ ﻣﯘﺧﻠﯩﺴﻰ، " ﻳﺎﻳﻰ" ﻛﯩﺘﺎﺑﺨﺎﻧﯩﺴﯩﻨﯩﯔ ﻣﻪﺳﺌﯘﻟﻰ ﺟﺎﯞ ﺧﯧﯖﻨﻰ ﺋﻪﻳﯩﺒﻠﻪﺷﺘﯩﻦ ﯞﺍﺯ ﻛﯧﭽﯩﭗ، ﺋﯘﻧﻰ ﻗﻮﻳﯘﭖ ﺑﯧﺮﯨﺸﻜﻪ ﺑﯘﻳﺮﯗﻏﺎﻥ. ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺟﺎﯞ ﺧﯧﯔ ﺗﻪﭘﺘﯩﺶ ﻣﻪﻫﻜﯩﻤﯩﺴﯩﻨﯩﯔ ﻗﺎﺭﺍﺭﯨﻐﺎ ﺋﺎﺳﺎﺳﻪﻥ 19 ‏- ﻓﯧﯟﺭﺍﻝ ﻛﯜﻧﻰ ﺋﯜﺭﯛﻣﭽﯩﻨﯩﯔ ﻏﻪﺭﺑﯩﻲ ﺗﺎﻍ ﻣﻪﻧﺰﯨﻠﯩﺪﯨﻜﻰ ﺗﯘﺗﯘﭖ ﺗﯘﺭﯗﺵ ﺋﻮﺭﻧﯩﺪﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ.

ﺋﻪﺳﻠﯩﺪﻩ، ﺟﺎﯞ ﺧﯧﯔ 2007 ‏- ﻳﯩﻠﻰ 8 ‏- ﺋﺎﻳﻨﯩﯔ 3 ‏- ﻛﯜﻧﻰ ﻗﻮﻟﻐﺎ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ، ﺷﯘ ﺋﺎﻳﻨﯩﯔ 31 ‏- ﻛﯜﻧﻰ ﺳﺎﻳﺒﺎﻍ ﺗﻪﭘﺘﯩﺶ ﻣﻪﻫﻜﯩﻤﯩﺴﻰ ﺋﯘﻧﻰ ﺭﻩﺳﻤﯩﻲ ﻗﻮﻟﻐﺎ ﺋﯧﻠﯩﺶ ﺑﯘﻳﺮﯗﻗﻰ ﭼﯜﺷﯜﺭﮔﻪﻥ ﺋﯩﺪﻯ. ﻟﯧﻜﯩﻦ ﺳﺎﻳﺒﺎﻍ ﺗﻪﭘﺘﯩﺶ ﻣﻪﻫﻜﯩﻤﯩﺴﻰ 2 ‏- ﺋﺎﻳﻨﯩﯔ 13 ‏- ﻛﯜﻧﻰ ﭼﯩﻘﺎﺭﻏﺎﻥ ﻗﺎﺭﺍﺭﯨﺪﺍ " ﺳﺎﻳﺒﺎﻍ ﺝ ﺥ ﺋﯩﺪﺍﺭﯨﺴﻰ ﺟﺎﯞ ﺧﯧﯔ ﺋﯜﺳﺘﯩﺪﯨﻦ ﺑﯧﻜﯩﺘﻜﻪﻥ ﺟﯩﻨﺎﻳﻪﺗﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﻰ ﻣﻪﻟﯘﻡ ﺋﻪﻣﻪﺱ، ﭘﺎﻛﯩﺘﻼﺭ ﻳﯧﺘﻪﺭﺳﯩﺰ، ﺋﻪﻳﯩﺒﻠﯩﻨﯩﺶ ﺷﻪﺭﺗﯩﮕﻪ ﺗﻮﺷﻤﺎﻳﺪﯗ... ﺷﯘ ﺗﯜﭘﻪﻳﻠﻰ ﺟﺎﯞ ﺧﯧﯖﻨﻰ ﺋﻪﻳﯩﺒﻠﯩﻤﻪﺳﻠﯩﻚ ﻗﺎﺭﺍﺭ ﻗﯩﻠﯩﻨﺪﻯ " ﺩﯦﻴﯩﻠﮕﻪﻥ.

ﺋﺎﻣﯧﺮﯨﻜﯩﻨﯩﯔ ﺗﯧﻜﺴﺎﺱ ﺷﺘﺎﺗﯩﺪﯨﻜﻰ "ﺟﯘﯕﮕﻮ ﻳﺎﺭﺩﻩﻡ ﺟﻪﻣﺌﯩﻴﯩﺘﻰ" ﺩﻩﭖ ﺋﺎﺗﻠﯩﺪﯨﻐﺎﻥ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻦ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺩﯨﻨﯩﻲ ﺟﻪﻣﺌﯩﻴﻪﺕ، ﺟﺎﯞ ﺧﯧﯖﻨﯩﯔ ﻗﻮﻳﯘﭖ ﺑﯧﺮﯨﻠﮕﻪﻧﻠﯩﻜﯩﻨﻰ ﻗﺎﺭﺷﻰ ﺋﺎﻟﺪﻯ. ﻣﻪﺯﻛﯘﺭ ﺟﻪﻣﺌﯩﻴﻪﺗﻨﯩﯔ ﺭﻩﺋﯩﺴﻰ، ﺑﯩﺸﻮﭖ ﻓﯘ ﺷﯩﭽﻴﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺟﺎﯞ ﺧﯧﯖﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﺪﻩ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﺧﻪﻟﻘﺌﺎﺭﺍ ﺧﺮﯨﺴﺘﻴﺎﻥ ﺟﻪﻣﺌﯩﻴﻪﺗﻠﯩﺮﻯ ﺧﯩﺘﺎﻳﻐﺎ ﺋﯧﻐﯩﺮ ﺑﯧﺴﯩﻢ ﺋﯩﺸﻠﻪﺗﻜﻪﻥ. ﺋﯘ، ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﻰ ﯞﻩ ﺋﺎﻣﯧﺮﯨﻜﺎ ﺧﻪﻟﻘﺌﺎﺭﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻛﻮﻣﯩﺘﯧﺘﯩﻨﯩﯔ ﺑﯘ ﻣﻪﺳﯩﻠﯩﺪﻩ ﺧﯩﺘﺎﻱ ﺑﯩﻠﻪﻥ ﺋﯘﭼﺮﺍﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻟﯧﻜﯩﻦ ﭼﻪﺗﺌﻪﻟﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻣﯘﺳﯘﻟﻤﺎﻧﻼﺭ ﺑﯩﻠﻪﻥ ﺧﺮﯨﺴﺘﯩﺌﺎﻧﻼﺭﻏﺎ ﺋﯩﻜﻜﻰ ﺧﯩﻞ ﺋﯚﻟﭽﻪﻡ ﻗﻮﻟﻠﯩﻨﯩﺶ، ﺧﺮﯨﺴﺘﻴﺎﻥ ﺗﯘﺗﻘﯘﻧﻼﺭﻧﻰ ﻳﯧﻨﯩﻚ ﺑﯩﺮ ﺗﻪﺭﻩﭖ ﻗﯩﻠﺴﺎ، ﻣﯘﺳﯘﻟﻤﺎﻧﻼﺭﻧﻰ ﺷﯩﺪﺩﻩﺗﻠﯩﻚ ﺑﺎﺳﺘﯘﺭﯗﺵ ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ. (ﺋﻪﺭﻛﯩﻦ)