ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﭘﻪﻳﺸﻪﻧﺒﻪ ﻛﯜﻧﻰ ﺋﯩﺴﺘﺎﻧﺴﯩﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﻣﯘﻫﯩﻢ ﺩﯨﻨﯩﻲ ﭘﻪﺭﺯﻯ ﻫﯧﺴﺎﺑﻼﻧﻐﺎﻥ ﺭﺍﻣﯩﺰﺍﻥ ﺋﯧﻴﯩﻨﻰ ﺧﺎﺗﯩﺮﺟﻪﻡ ﺋﯚﺗﻜﯜﺯﻩﻟﻤﻪﻳﯟﺍﺗﻘﺎﻧﻠﯩﻘﯩﻨﻰ، ﻫﻪﺗﺘﺎ ﺧﻮﺗﻪﻧﻨﯩﯔ ﻟﻮﭖ ﻧﺎﻫﯩﻴﯩﺴﯩﺪﻩ ﺭﺍﻣﯩﺰﺍﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﯞﺍﻗﺘﯩﺪﺍ ﺋﯧﭽﯩﻠﻤﯩﻐﺎﻥ 11 ﺭﯦﺴﺘﻮﺭﺍﻥ ﯞﻩ ﺋﺎﺷﺨﺎﻧﯩﻨﯩﯔ ﺋﯩﻘﺘﯩﺴﺎﺩﻯ ﯞﻩ ﺳﯩﻴﺎﺳﯩﻲ ﺯﻩﺭﺑﯩﮕﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﯨﻠﺸﺎﺕ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﭼﺎﺭﯨﺒﺎﻍ ﻳﯧﺰﯨﺴﯩﺪﯨﻜﻰ "ﻗﯧﻴﯘﻣﺠﺎﻥ " ﺋﺎﺷﺨﺎﻧﯩﺴﻰ ﻫﯚﻛﯜﻣﻪﺗﻨﯩﯔ ﺗﻪﻟﯩﭙﯩﮕﻪ ﻗﺎﺭﯨﻤﺎﺳﺘﯩﻦ ﺗﺎﻗﯩﯟﯦﺘﯩﻠﮕﻪﻧﻠﯩﻜﻰ ﺋﯜﭼﯜﻥ، ﺩﺍﺋﯩﺮﯨﻠﻪﺭ ﺗﻪﺭﯨﭙﯩﺪﯨﻦ 6 ﺋﺎﻳﻐﯩﭽﻪ ﺗﯩﺠﺎﺭﻩﺗﻨﻰ ﺗﻮﺧﺘﯩﺘﯩﺶ ﺟﺎﺯﺍﺳﯩﻐﺎ ﺗﺎﺭﺗﯩﻠﻐﺎﻥ.

ﻫﯚﻛﯜﻣﻪﺕ ﻳﻪﻧﻪ، ﻣﻪﺧﺴﯘﺱ ﻫﯚﺟﺠﻪﺕ ﭼﯩﻘﯩﺮﯨﭗ، ﺭﺍﻣﯩﺰﺍﻧﻨﻰ ﺗﻪﺑﺮﯨﻜﻠﻪﺵ ﻳﯜﺯﯨﺴﯩﺪﯨﻦ ﻧﺎﻏﺮﺍ ﭼﯧﻠﯩﺶ، ﺭﻭﺯﯨﻨﯩﯔ ﺧﺎﺳﯩﻴﯩﺘﻰ ﻫﻪﻗﻘﯩﺪﻩ ﺗﻪﺷﯟﯨﻘﺎﺕ ﺋﯧﻠﯩﭗ ﺑﯧﺮﯨﺶ، ﺳﺎﻗﺎﻝ ﻗﻮﻳﯘﭖ، ﭼﯜﻣﺒﻪﻝ ﺋﺎﺭﺗﯩﺶ، ﺭﯦﺴﺘﻮﺭﺍﻥ ﯞﻩ ﺋﺎﺷﺨﺎﻧﯩﻼﺭﻧﻰ ﺗﺎﻗﺎﺵ، ﺋﺎﻟﯩﻲ، ﺋﻮﺗﺘﯘﺭﺍ ﯞﻩ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺭﻭﺯﺍ ﺗﯘﺗﯘﺷﻰ ﻗﺎﺗﺎﺭﻟﯩﻖ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﯩﻨﻰ ﭼﻪﻛﻠﻪﭖ، ﺑﯘﻧﯩﯖﻐﺎ ﺧﯩﻼﭖ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻏﯘﭼﯩﻼﺭﻧﯩﯔ ﻗﯩﻠﻤﯩﺸﯩﻨﯩﯔ ﺋﯧﻐﯩﺮ ‏ - ﻳﯩﻨﯩﻚ ﺩﻩﺭﯨﺠﯩﺴﯩﮕﻪ ﻗﺎﺭﺍﭖ ﺟﺎﺯﺍﻟﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻫﻪﺗﺘﺎ ﺭﺍﻣﯩﺰﺍﻥ ﺋﯧﻴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻫﺎﺭﺍﻕ، ﺗﺎﻣﺎﻛﺎ ﺳﯧﺘﯩﺸﻨﻰ ﺗﻮﺧﺘﺎﺗﻘﺎﻥ ﺩﯗﻛﺎﻧﻼﺭﻧﯩﯔ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﯨﺪﯨﻐﺎﻧﻠﯩﻘﯩﻨﻰ، ﺩﯙﻟﻪﺕ ﻛﺎﺩﯨﺮﻟﯩﺮﻯ، ﭘﯩﻨﺴﯩﻴﯩﮕﻪ ﭼﯩﻘﻘﯘﭼﯩﻼﺭﻧﯩﯔ ﻗﻪﺗﺌﯩﻲ ﻣﻪﺳﭽﯩﺘﻜﻪ ﻛﯩﺮﻣﻪﺳﻠﯩﻜﯩﻨﻰ، ﺑﯘﻧﯩﯔ ﺋﻪﻛﺴﯩﭽﻪ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻏﯘﭼﯩﻼﺭﻧﯩﯔ ﻗﺎﻧﯘﻧﺴﯩﺰ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭ ﻗﺎﺗﺎﺭﯨﺪﺍ ﻗﺎﻧﯘﻧﻰ ﯞﻩ ﺋﯩﻘﺘﯩﺴﺎﺩﻯ ﺟﺎﺯﺍﻏﺎ ﺗﺎﺭﺗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.