Chégra abidisining yopuqini échish murasimigha tajikistan tereptin muawin tashqi ishlar ministiri bilen xitay tereptin uyghur aptonom rayoni partkomining muawin sékritari yang gang qatnashqan. Shinxua agéntliqining xewer qilishiche, ikki dölet chégra abidilirini tiklesh xizmetlirini 2006 - Yilidin bashlighan bolup, hazir bu ish tamamlanghan.

Tajikistan bilen xitay 1999 - Yili we 2002 - Yili chégra mesilisige ait ikki kélishim tüzgen bolup, 2002 - Yili, sabiq sowét ittipaqi dewridin éship qalghan chégra talishishigha xatime bérilgen. Eyni waqitta tajikistanning bir qisim zéminlarni xitay terepke bergenliki ghulghula qilinghan idi.

Eyni waqitta sabiq sowét ittipaqi jumhuriyetliri bilen uyghur éli arisida uzun chégra liniyisi mewjut bolup, köpligen liniyiler éniq békitilmey, talash - Tartish tüsini alghan. Sowét ittipaqi bilen xitay bu mesilini hel qilish üchün köp qétim sözleshken hetta ikki terep arisida daim chégra jidelliri chiqip turghan idi.

Uzungha sozulghan chégra mesilisi sowét ittipaqi yimirilip, her qaysi jumhuriyetler musteqil bolghandin kéyin, qazaqistan, qirghizistan, tajikistan we rusiye hökümetliri ayrim - Ayrim halda xitay bilen sözliship, öz chégralirini toluq békitip chiqishqa muyesser boldi.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz