ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻠﯩﺮﯨﻨﻰ ﻗﻮﻏﺪﺍﺵ ﻗﺎﻧﯘﻧﻰﻧﻰ ﺋﯩﺠﺮﺍ ﻗﯩﻠﯩﺸﻘﺎ ﺑﺎﺷﻠﯩﺪﻯ

ﺧﯩﺘﺎﻱ ﻫﯚﻛﯜﻣﯩﺘﻰ 5 ‏- ﺋﺎﻳﻨﯩﯔ 1 ‏- ﻛﯜﻧﯩﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 'ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻠﯩﺮﯨﻨﻰ ﻗﻮﻏﺪﺍﺵ ﻗﺎﻧﯘﻧﻰ' ﻧﻰ ﺋﯩﺠﺮﺍ ﻗﯩﻠﯩﺸﻘﺎ ﺑﺎﺷﻠﯩﺪﻯ. 'ﺧﯩﺘﺎﻳﻨﯩﯔ ﺷﯩﻨﺠﺎﯓ ﮔﯧﺰﯨﺘﻰ'ﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻠﯩﺮﯨﻨﻰ ﻗﻮﻏﺪﺍﺵ ﺋﯩﺸﻰ ﺭﻩﺳﻤﯩﻲ ﻗﺎﻧﯘﻥ ﺩﻩﯞﺭﯨﮕﻪ ﻗﻪﺩﻩﻡ ﻗﻮﻳﻐﺎﻥ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 58 ﺋﻮﺭﯗﻧﺪﺍ ﺩﯙﻟﻪﺕ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ، 263 ﺋﻮﺭﯗﻧﺪﺍ ﺋﺎﭘﺘﻮﻧﻮﻡ ﺭﺍﻳﻮﻥ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ، 2000 ﺩﯨﻦ ﺋﺎﺭﺗﯘﻕ ﺋﻮﺭﯗﻧﺪﺍ ﻧﺎﻫﯩﻴﻪ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺑﺎﺭ. ﻫﺎﺯﯨﺮ ﺋﯩﺠﺮﺍ ﻗﯩﻠﯩﻨﯩﺸﻘﺎ ﺑﺎﺷﻠﯩﻐﺎﻥ ﻗﺎﻧﯘﻥ ﺑﯘﻳﯩﭽﻪ ﺑﯘﻧﯩﯖﺪﯨﻦ ﻛﯧﻴﯩﻦ، ﺳﺎﻳﺎﻫﻪﺗﭽﯩﻠﻪﺭﮔﻪ ﺋﯧﭽﯩﯟﯦﺘﯩﻠﻤﯩﮕﻪﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻖ ﺋﻮﺭﯗﻧﻠﯩﺮﯨﻐﺎ ﺧﺎﻟﯩﻐﺎﻧﭽﻪ ﻛﯩﺮﯨﺶ ﻣﻪﻧﺌﯩﻲ ﻗﯩﻠﯩﻨﯩﺪﯗ.

ﺳﺎﻳﺎﻫﻪﺕ ﺋﺎﺭﻗﯩﻠﯩﻖ ﭘﯘﻝ ﺗﯧﭙﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﯚﻣﻪﻙ ﻳﺎﻛﻰ ﺷﻪﺧﺴﯩﻴﻠﻪﺭﺩﯨﻦ ﺑﯘ ﻗﺎﻧﯘﻧﻐﺎ ﺧﯩﻼﭘﻠﯩﻖ ﻗﯩﻠﻐﺎﻧﻼﺭﻏﺎ، ﺋﻪﻫﯟﺍﻟﻐﺎ ﻗﺎﺭﺍﭖ 5 ﻣﯩﯔ ﻳﯘﻩﻧﺪﯨﻦ 20 ﻣﯩﯔ ﻳﯘﻩﻧﮕﯩﭽﻪ، ﻫﻪﺗﺘﺎ 100 ﻣﯩﯔ ﻳﯘﻩﻧﮕﯩﭽﻪ ﺟﻪﺭﯨﻤﺎﻧﻪ ﻗﻮﻳﯘﻟﯩﺪﯨﻜﻪﻥ.

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭﻟﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﻛﺮﻭﺭﺍﻥ ﺷﻪﻫﯩﺮﻯ، ﻧﯩﻴﺎ ﺷﻪﻫﯩﺮﻯ ﻗﺎﺗﺎﺭﻟﯩﻖ ﺩﯗﻧﻴﺎﻏﺎ ﻣﻪﺷﻬﯘﺭ ﺗﺎﺭﯨﺨﻰ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﻯ ﺳﺎﻳﺎﻫﻪﺕ، ﺋﯧﻜﯩﺴﭙﯧﺪﯨﻴﻪ ﻧﺎﻣﯩﺪﯨﻜﻰ ﻫﻪﺭﺧﯩﻞ ﺗﻪﺷﻜﯩﻼﺕ ﯞﻩ ﺷﻪﺧﺴﯩﻴﻠﻪﺭﻧﯩﯔ ﺋﯚﺯ ﻣﻪﻳﻠﯩﭽﻪ ﻛﯧﺮﯨﺶ، ﻫﻪﺗﺘﺎ ﻗﯧﺰﯨﺶ ﺋﯧﻠﯩﭗ ﺑﯧﺮﯨﺸﻰ ﺋﺎﺭﻗﯩﻠﯩﻖ ﭼﻮﯓ ﺑﯘﻻﯓ-ﺗﺎﻻﯓ ﯞﻩ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﭘﻼ ﻗﺎﻟﻤﺎﺳﺘﯩﻦ، ﻳﻪﺭﻟﯩﻚ ﻣﯩﻠﻠﻪﺗﻠﻪﺭﻧﯩﯔ ﻣﻪﺩﻩﻧﯩﻴﻪﺕ ﺗﺎﺭﯨﺨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﺭﻣﯩﻠﯩﻨﯩﭗ ﻛﻪﻟﻤﻪﻛﺘﻪ. (ﯞﻩﻟﻰ)