Америкидики хитай әлчиханиси алдида намайиш өткүзүлди

Мухбиримиз ирадә
2017-09-30
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Вашингтон вә униң әтрапидики уйғурлар хитай әлчиханиси алдиға топлинип намайиш өткүзди. 2015-Йили 30-Сентәбир, вашингтон.
Вашингтон вә униң әтрапидики уйғурлар хитай әлчиханиси алдиға топлинип намайиш өткүзди. 2015-Йили 30-Сентәбир, вашингтон.
Photo: RFA

Дунйа уйғур қурултийи һәр йили «1-Өктәбир» ни уйғурлар үчүн «матәм күни» дәп елан қилған болуп, дунйаниң һәрқайси җайлиридики уйғур җамаити бу күндә һәр хил шәкилләрдики наразилиқ паалийәтлирини тәшкилләш арқилиқ өзлириниң хитай һөкүмитигә болған ғәзипини ипадиләп кәлмәктә. Бу йилму америка уйғур бирләшмисиниң уйуштуруши билән америкидики уйғур җамаити вашингтондики хитай әлчиханиси алдиға топлинип өз наразилиқини ипадилиди.

1-Өктәбир хитайниң дөләт байрими йетип келиш һарписида америкидики уйғур җамаити 29-Сентәбир вашингтондики хитай әлчиханиси алдида уйуштурған намайишқа дунйа уйғур қурултийи алий рәһбири рабийә қадир ханим өзи биваситә иштирак қилди. 

Шәрқий түркистан марши билән башланған намайишқа вашингтон әтрапида йашайдиған уйғур җамаитидин көп санда киши қатнашти. 

Дунйа уйғур қурултийи алий рәһбири рабийә қадир ханим радийомиз зийаритини қобул қилип, уйғурларниң һазир тарихтики әң еғир бесимға дуч келиватқанлиқини билдүрди. 

Намайиш уйуштурғучи орган болған америка уйғур бирләшмиси рәиси илшат һәсән әпәндиму зийаритимизни қобул қилди. 

Уйғур кишилик һоқуқ қурулушидин зубәйрә ханимму намайиш мәйданидин зийаритимизни қобул қилди. 

Ай йултузлуқ көк байрақлар билән толған хитай әлчиханиси алдидики намайиш қизғин кәйпийат ичидә давамлашти.

Пикирләр (0)
  • Принт
  • Һәмбәһр
  • Елхәт
Толуқ бәт