Jenwediki kursta Uyghur yashlirigha b d t din paydilinish istratégiyisi we yerlik xelqlerning heq - hoquqliri toghrisida ders ötüldi

Muxbirimiz erkin tarim
2014.11.25
bdt-duq-jenve-terbiyelesh.jpg Uyghur yashliri jenwediki kursta
RFA/Erkin Tarim


Dunya Uyghur qurultiyining uyushturushi we merkizi jenwediki “Kishilik hoquq üchün jenwe” namliq xelq'araliq kishilik hoquq teshkilatining hemkarliqida chaqirilghan 9 - nöwetlik Uyghur rehberlirini démokratiye we kishilik hoquq boyiche terbiyilesh kursining 2 - küni, yeni 11 - ayning 25 - künidiki derste Uyghur yashlirigha Uyghur dewasini élip bérishta birleshken döletler teshkilatidin qandaq paydilinish we yerlik xelqlerning heq - hoquqliri toghrisida melumat berdi.

“Birleshken döletler teshkilati (b d t) insan heqliri méxanizmi : Uyghurlar üchün tejribiler, riqabetler we pursetler” témisini chöridigen asasta élip bérilidighan kursning ikkinchi küni merkizi orgini jenwediki “Kishilik hoquq üchün jenwe” namliq xelq'araliq kishilik hoquq teshkilatining re'isi, xelqara qanun mutexessisi adriyan klawud zoller ependim, xelqara qanunda az sanliqlar we yerlik xelqlerning heq - hoquqliri, ikki yürüsh heq - hoquqlar, ularning periqliri we bularni Uyghur xelqighe qandaq uyghunlashturghili bolidighanliqi toghrisida tepsili melumat berdi. Bu dersni Uyghur mesilisige maslashturghan halda so'al - jawab sheklide ötti.

Bügünki kursining ikkinchi basquchida bolsa adriyan ependi birleshken döletler teshkilatidin paydilinish istratégiyisini anglatti. U, sözide dawamliq b d t ge bérip turush kéreklikini, bolupmu b d t diki insan heqliri munbirige qatniship Uyghurlarning derdini anglitish kéreklikini tekitlidi. U doklatida dunya Uyghur qurultiyi teyyarlighan doklatlirini islam konférinsiyesi teshkilatighimu ewetishi kéreklikini, chünki Uyghurlarning musulman ikenlikini otturigha qoydi.

Bu qétimqi kurs 11 - ayning 26 - küni kechte axirlishidu. Uyghur yash wekiller 11 - ayning 26 - küni d u q rehberliri bilen birlikte b d t ning jenwediki munasiwetlik organlirida muhim uchrishish we pa'aliyetlerni élip baridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.