D u q wekilliri shiwétsiyede wakaletsiz milletler teshkilatining yighinigha qatnashti

Ixtiyariy muxbirimiz ihsan
2016.04.30
wakaletsiz-millet-dolqun-eysa-yighin.JPG Wakaletsiz milletler teshkilatining yighinida d u q ijra'iye komitéti re'isi dolqun eysa ependiler söz qildi. 2014-Yili 27-iyun, myunxén.
RFA/Ekrem


Wakaletsiz milletler teshkilatining idare hey'etlirining yérim yilliq yighini wakaletsiz milletler teshkilatigha eza millet wekilliri we shiwétsiyediki bir qisim ammiwi teshkilatlarning qatnishishi bilen 28 - aprél küni shiwétsiye parlamént binasining yighin zalida ötküzüldi.

Bu yéghin'gha wakaletsiz milletler teshkilati idare hey'itide ezaliq wezipisini ötewatqan dunya Uyghur qurultiyining ijra'iye komitéti mudiri dolqun eysa, dunya Uyghur qurultiyining shiwétsiyede turushluq bayanatchisi dilshat rishit, Uyghur ma'arip uyushmisining bash katipi nijat turghun qatarliqlar ishtirak qildi.

Sitokholmda toplan'ghan wekiller we mutexessisler bu qétimliq yighinda “Démokratiyelishish we tinchliqning her xil shekilliri, az sanliqlarning heqliri” dégen téma astida léksiye sözlidi we munazire élip bardi.

Yighinda aldi bilen dolqun eysa ependining, hindistan da'iriliri teripidin bérilgen wizisining xitay hökümitining bésim qilishi arqisida ret qilinishi hemde Uyghur diyarining yéqinqi weziyiti heqqidiki doklati bilen bashlandi.

Dunya Uyghur qurultiyining bayanatchisi dilshat rishit ziyaritimizni qobul qilip öz tesiratini bayan qildi.

Uyghur ma'arip uyushmisining bash katipi nijat turghun bu xildiki yighinlargha qatnishishning, Uyghur teshkilatlirining munasiwet da'irisini kéngeytishke, xitay ishlirini tetqiq qilidighan mutexessisler bilen tonushushqa, bashqa milletler ara hemkarliship xizmet élip bérishqa paydisi bolidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.