Türkiye dölet re'isi rejep tayyip erdoghanning iptar ziyapitige uyghurlarmu teklip boyiche qatnashti

Ixtiyariy muxbirimiz erkin tarim
2017-06-22
Élxet
Pikir
Hembehr
Print
  • Print
  • Hembehr
  • Pikir
  • Élxet
Türkiye re'islik ordisida ammiwi teshkilatlarning mesullirigha bérilgen iptar ziyapitide, hidayetulla oghuzxan ependi re'is rejep tayyip erdoghan bilen körüshti. 2017-Yili 21-iyun, enqere.
Türkiye re'islik ordisida ammiwi teshkilatlarning mesullirigha bérilgen iptar ziyapitide, hidayetulla oghuzxan ependi re'is rejep tayyip erdoghan bilen körüshti. 2017-Yili 21-iyun, enqere.
RFA/Erkin Tarim

Ramizan éyi musulmanlar üchün muqeddes bir ay bolup, bu ayda kishiler arisidiki hemkarliq küchiyidu. Bu ay munasiwiti bilen 21-iyun küni türkiye jumhur re'isi rejep tayyip erdoghan türkiyediki eng chong ammiwi teshkilatlarning mesullirini teklip qilip, re'islik ordisida iptar ziyapiti berdi.

Ziyapetke istanbulda pa'aliyet élip bériwatqan sherqiy türkistan ma'arip we hemkarliq jemiyiti re'isi hidayetulla oghuzxan bilen bilgi uniwérsitéti oqutquchisi uyghur ziyaliysi murat orxun ependi teklip boyiche qatnashti. Ziyapet axirida hidayetulla oghuzxan ependi uyghur diyarining eng yéngi weziyiti bilen türkiyediki uyghurlarning qiyinchiliqlirini öz ichige alghan doklatni dölet re'isi rejep tayyip erdoghan'gha bergen.

Hidayetulla oghuzxan ependi alahide teklip boyiche türkiye dölet re'isi rejep tayyip erdoghanning ammiwi teshkilat mesullirigha bergen iptar ziyapitige qatnashqanliqini, mezkur ziyapette türkiyediki ammiwi teshkilat mesulliridin sirt, ministirlar, parlamént ezaliri we her derijilik rehberlerdin bolup köp sanda kishining ishtirak qilghanliqini bayan qildi.

Hidayetulla oghuzxan ependi, türkiye dölet re'isi rejep tayyip erdoghan iptar ziyapitide qilghan nutqida, türkiye jumhuriyiti dölitining bésimdin qéchip türkiyege panahliq tiligen musapirlargha ige chiqishni dawam qilidighanliqini tekitligenlikini bayan qildi.

Ramizan éyi munasiwiti bilen bérilgen bu xil iptar ziyapetliri ammiwi teshkilatlirining dölet rehberlirige mesililirini yetküzidighan eng yaxshi pursiti hésablinidu. 21-Iyun küni aqsham dölet re'isi rejep tayyip erdoghan bergen ziyapet axirlashqandin kéyin, hidayetulla oghuzxan ependi uyghur diyarining eng yéngi weziyiti we uyghur musapirlarning mesililirini öz ichige alghan bir doklatni re'is jumhurigha sun'ghanliqini tekitlidi.

Yéqinqi yillardin béri türkiye bilen xitay döliti otturisidiki munasiwetning küchiyishi türkiyediki uyghurlarni endishige salmaqta. Xitay hökümiti türkiyede pa'aliyet élip bériwatqan ammiwi teshkilatlarni térrorluq teshkilat dep qarilimaqta. Türk hökümiti bir tereptin xitay bilen yéqinlishish siyasiti élip barsa, yene bir tereptin uyghurlarning könglini élish siyasiti élip barmaqta. Hidayettullah oghuzxan ependi özining ziyapetke teklip qilinishining türkiye hökümitining xitayning uyghurlarni qarilash teshwiqatigha ishenmigenlikining béshariti ikenlikini ilgiri sürdi.

Izmirdiki ege uniwérsitéti türk dunyasi tetqiqat merkizi oqutquchisi proféssor doktor alimjan ependi bu heqtiki köz qarishini bayan qilip munularni tekitlidi.

Türkiyede pa'aliyet élip bériwatqan sherqiy türkistan ammiwi teshkilat mesulliri ikki hepte burun türkiye bash ministiri binali yildirim bergen iptar ziyapitigimu teklip qilin'ghan idi.

Toluq bet