Шветсийә вә голландийәдә хитайға қарши намайиш болди

Ихтийарий мухбиримиз әкрәм
2017-10-01
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Амистердамдики хитай әлчиханиси алдида өткүзүлгән намайиш. 2017-Йил 1-Өктәбир, амистердам, голландийә.
Амистердамдики хитай әлчиханиси алдида өткүзүлгән намайиш. 2017-Йил 1-Өктәбир, амистердам, голландийә.
RFA/Ekrem

1-Өктәбир күни шиветсийәниң ситокһолим вә голландийәниң амистердам шәһәрлиридики хитай әлчихана вә консулханилири алдида наразилиқ намайишлири елип берилди.

Шиветсийәниң ситокһолим шәһиридики намайиш мәйданидин зийаритимизни қобул қилған абдуллаһ әпәнди, бу намайишни «шиветсийә уйғур маарип уйушмиси» орунлаштурғанлиқини вә моңғуллар, тибәтликләр билән бирликтә намайиш елип барғанлиқини әскәртип, бу қетимқи намайишниң мәқсиди һәққидә тохталди. 

Шиветсийәдики намайиш чүштин кейин саәт 13:00 да башланған болуп, икки саәт давамлашқан бу намайишқа қатнашқан йәнә бир ханимму, өзиниң бу қетимқи намайиш һәққидики тәсиратини билдүрүп өтти. 

1-Өктәбир күни йәнә голландийәниң амистердам шәһиридики уйғурларму «йаврупа шәрқий түркистан маарип җәмийити» қатарлиқ тәшкилатларниң тәшкиллиши билән амистердамдики хитай консулханиси алдида саәт 13:00-14:30 Гичә намайиш елип барған болуп, нәқ мәйдандин зийаритимизни қобул қилған мәзкур тәшкилат рәһбәрлиридин абдураһман һаҗимму хитай үчүн дөләт байрими болған бу күнниң уйғурлар үчүн «матәм күни» һесаблинидиғанлиқини илгири сүрди. Мәзкур тәшкилатниң мәсуллиридин обулқасим әпәндиму бу қетимқи намайиш һәққидә қарашлирини билдүрди. 

Голландийәдики җамаәт әрбаби, «йаврупа шәрқий түркистан маарип җәмийити» ниң мәсуллиридин әйса қариму бүгүнки бу намайиш һәққидә тохтилип, пүтүн дунйадики уйғурларниң зич иттипақлишишини тәшәббус қилди. 

Намайишчиларниң билдүришичә, улар ай-Йултузлуқ көкбайрақ вә түрлүк тәшвиқат лозункилирини көтүрүшүп, җараңлиқ шуарлар билән хитай һакимийитигә болған ғәзәплирини ипадә қилиш билән биргә, тәшвиқат вастилири арқилиқ йәрлик хәлққә хитай зулмини паш қилған.

Пикирләр (0)
  • Принт
  • Һәмбәһр
  • Елхәт
Толуқ бәт