Тәйвәнликләр йиғинида уйғурлар билән тәйвән һәмкарлиқини күчәйтиш тәкитләнди

Ихтийарий мухбиримиз әркин тарим
2017-10-01
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Берлинда чақирилған йавропа тәйвән тәшкилатлири федератсийәсиниң 47-Нөвәтлик қурултийидин бир көрүнүш. 2017-Йил 1-Өктәбир, берлин, германийә.
Берлинда чақирилған йавропа тәйвән тәшкилатлири федератсийәсиниң 47-Нөвәтлик қурултийидин бир көрүнүш. 2017-Йил 1-Өктәбир, берлин, германийә.
RFA/Erkin

Германийәниң пайтәхти берлинда чақирилған йавропа тәйвән тәшкилатлири федератсийәсиниң 47-Нөвәтлик қурултийи билән «тәйвәндики һәрбий һакимийәтниң ахирлашқанлиқиниң 30 йиллиқи» мавзулуқ йиғинда тәйвән билән уйғурлар оттурисидики һәмкарлиқни күчәйтиш керәклики тәкитләнгән.

Мәзкур икки йиғинға алаһидә тәклипкә бинаән дунйа уйғур қурултийи баш катипи долқун әйса, дунйа уйғур қурултийи байанатчиси дилшат решит әпәндиләр қатнашқан. Мәзкур қурултай билән «тәйвәндики һәрбий һакимийәтниң ахирлашқанлиқиниң 30 йиллиқи» мавзулуқ йиғин бирликтә өткүзүлгән болуп, йиғинда буниңдин 30 йил илгири тәйвәндә гоминдаң һөкүмити тәйвәндики йәрлик милләтләргә қарита қирғинчилиқ сийасити елип барғанлиқи, мәзкур сийасәт түпәйлидин, өлүм җазаси бериш, из-Дерәксиз йоқ болуп кетиш һадисилириниң йүз бәргәнлики, буниңға қарши күрәш нәтиҗисидә, тәйвәндә диктатор түзүмгә хатимә берилип, демократийә түзүмигә өтүлгәнлики хатирләнгән. 

Мәзкур йиғинға йавропдики тәйвәнликләр, америка, канада, австралйә вә йапонийә қатарлиқ дөләтләрдин кәлгән тәйвәнниң мустәқиллиқини йақлиғучи мутәхәссисләр қатнашқан вә илмий доклатлирини бәргән. Ечилиш мурасимиға тәйвән президенти сәй йиңвен ханим видийо нутқи әвәтип, мәзкур икки йиғинниң мувәппәқийәтлик өтүшини тилигән. 

Биз нәқ мәйданға телефон қилип йиғин һәққидә мәлумат игилидуқ. Дунйа уйғур қурултийи баш катипи долқун әйса әпәнди бу йиғинға дунйаниң һәрқайси җайлиридин кәлгән тәйвәнликләр, парламент әзалири вә тәйвәндин кәлгән дөләт рәһбәрлиридин болуп көп санда кишиниң иштирак қиливатқанлиқини байан қилди. 

Йиғинда сөз қилған дунйа уйғур қурултийи байанатчиси дилшат решит әпәнди тәйвәнниң мустәқиллиқи билән уйғурларниң мустәқиллиқ болушиниң хитайниң тәһдити астида икәнликини, шуңа хитайға қарши күрәштә хәлқарадики һәмкарлиқни күчәйтиш керәкликини тәкитлигәнликини байан қилип мундақ деди: «бу қетимқи йиғинда тәйвәнниңму һәр җәһәттин бейҗиң һөкүмитиниң тәһдитигә учраватқанлиқини, шуңа хәлқара сорунларда хитайға қарши бирликтә паалийәт елип беришимиз керәклики мәсилисини оттуриға қойдум. Униңдин башқа тәйвән демократийә билән башқуриливатқан бир дөләт, райондики мәсилиләрдә болупму,уйғур мәсилисидә сүкүттә турмаслиқи керәкликини, пүтүн имканлиридин пайдилинип, хитайниң бүгүн уйғурларға елип бериватқан бесим сийаситигә дунйаниң диққитини тартиш җәһәттә күч чиқириши керәкликини тәкитләп өттуқ. Дунйаниң һәрқайси җайлиридин кәлгән муһим кишиләр қатнашқан бу йиғин уйғур мәсилисини аңлитиш үчүн йахши бир пурсәт болди дәп қараймән.» 

30-Сентәбир вә 1-Өктәбир күнлири германийәниң берлин шәһридә чақирилған йиғинда, дунйа уйғур қурултийи рәһбәрлири тәйвәндин кәлгән дөләт рәһбәрлири вә тәйвәнниң германийәдә турушлуқ баш вәкили җу вейишийә әпәндиләр билән айрим-Айрим учришип уйғур дийариниң һазирқи вәзийити вә дунйа уйғур қурултийи рәһбәрлириниң гоминдаң һөкүмити һакимийәттә туриватқан мәзгилләрдә тәйвәнгә виза бәрмигәнлики, һазир демократийәни илгири сүрүш партийәси һакимийәт бешида болғачқа буни бикар қилиши керәкликини дегәнликини байан қилди. 

Дунйа уйғур қурултийи байанатчиси дилшат решит әпәнди йиғинчақлап ейтқанда бу йиғинға хитайниң тәһдити астида туриватқан тәйвән билән уйғурларниң хәлқарада һәмкарлиқни күчәйтиш мәсилисиниң йиғинда алаһидә тәкитләнгәнликини йиғин әһлиниңму буниңға алаһидә қизиққанлиқини байан қилди. 

Йавропа тәйвән тәшкилатлар федератсийәси бу йил 47-Қетимлиқ қурултийини һәр йили һәр хил дөләттә өткүзидиған болуп, қурултайдин башқа һәр йили бир темида илмий муһакимә йиғиниму өткүзидикән. Мәзкур йиғинға дунйа уйғур қурултийи тунҗи қетим иштирак қилған.

Пикирләр (0)
  • Принт
  • Һәмбәһр
  • Елхәт
Толуқ бәт