Tokyoda Uyghur on ikki muqami heqqide mexsus doklat sözlesh muhakime yighini ötküzülmekchi

Ixtiyariy muxbirimiz qutluq
2014.11.21
yaponiye-tokyo-muqam-kitab.jpg Yaponiye shuku'osha neshriyati teripidin neshr qilin'ghan “Uyghur on ikki muqami” namliq kitab
RFA/Qutluq

Dunya Uyghur qurultiying mu'awin re'isi ilham mahmutning bildürüshiche, 27 - noyabir kechte tokyoda Uyghur on ikki muqami heqqide mexsus doklat sözlesh muhakime yighini ötküzülidiken.

Bu qétimqi muhakime yighinida Uyghur on ikki muqam tékistlirini Uyghur tilidin yapon tiligha terjime qilghan ré'iko hagita xanim Uyghur muqamliri heqqide mexsus doklat sözleydiken.

Ré'iko hagita xanim 1983 - yili tokyo chet'el tili uniwérsitétini tamamlighan, 1988 - yilidin 1989 - yilighiche pakistandiki karachi uniwérsitétida, 1994 - yilidin 1995 - yilighiche ürümchidiki Uyghur éli uniwérsitétida bilim ashurghan.

U terjime qilghan “Uyghur on ikki muqami” namliq kitab yéqinda yaponiye shuku'osha neshriyati teripidin neshr qilinip keng oqurmenlerning qizghin alqishigha érishken.

Biz bu munasiwet bilen “Uyghur on ikki muqami” namliq kitabning neshr qilinish ehwali we bu nöwetlik muqam muhakime yighini heqqide dunya Uyghur qurultiyining mu'awin re'isi ilham mahmut bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.