Türkiyediki sherqiy türkistan ammiwiy teshkilatliri hemkarlishish toghrisida muzakire élip bardi

Ixtiyariy muxbirimiz arslan
2013.08.15
turkiye-uyghur-ammiwiy-teshkilatliri-305.png Dunya Uyghur qurultiyining mu'awin re'isi séyit tümtürk, sherqiy turkistan ma'arip we hemkarliq jemiyitining bash teptishi abdulhakimxan mexsum qatarliq mes'ullar bilen munazire yighini ötküzüwatqan körünishi
RFA/Arslan

Igilinishiche, hazir türkiyede 12 din artuq ammiwiy teshkilat bolup, bu teshkilatlarning beziliri axbaratlardin yiraq halda xizmet qilidu, yeni xizmet pa'aliyetliri toghrisida axbarat sahesige melumat bérishtin bash tartidu. Emma bezi teshkilatlar xizmet pa'aliyetlirini waqti - waqtida axbarat saheside anglitip turidu.

Türkiyediki ammiwiy teshkilatlerdin, merkizi qeysiridiki sherqiy türkistan medeniyet we hemkarliq jem'iyiti bilen istanbuldiki sherqiy türkistan ma'arip we hemkarliq jem'iyitining mes'ulliri xizmet pa'aliyetlerde hemkarlishish toghrisida muzakire élip bardi.

2013 - Yili 15 - awghust peyshenbe küni, merkizi qeysirige jaylashqan sherqiy türkistan medeniyet we hemkarliq jem'iyitining re'isi shundaqla dunya Uyghur qurultéyining mu'awin re'isi siyit tumtürk, diniy ishlar komitétining re'isi turghunjan alawudin, sherqiy türkistan medeniyet we hemkarliq jem'iyiti enqere shöbe bashliqi xeyrullah ependigil qatarliq kishilerdin terkip tapqan 4 kishilik bir hey'et, merkizi istanbulgha jaylashqan sherqiy türkistan ma'arip we hemkarliq jem'iyitini ziyaret qildi we u jem'iyetning mes'ulliridin abdulhekimxan mexsum qatarliq idare hey'et rehberliri bilen uchrashti we xizmet pa'aliyetlerde téximu quyuq hemkarlishish toghrisida muzakire élip bardi.

Bu heqte téximu köp melumat élish üchün, dunya Uyghur qurultéyining mu'awin re'isi syit tumturk, dini ishlar komitétining re'isi turghunjan alawudin, sherqiy türkistan ma'arip we hemkarliq jem'iyitining bash katipi abdul'ehed abduraxman qatarliq kishiler bilen söhbet élip barduq.

Ular birdek, bu uchrishishta asasliqi buningdin kéyinki xizmet pa'aliyetlerde pikir almashturush, meslihetlishish we öz - ara hemkarlishish toghrisida muzakire élip barghanliqini bildürgen bolsimu, bu yighinda muzakire qilin'ghan bir qisim muhim ishlar toghrisda tepsiliy melumat bérelmeydighanliqini ipadilidi.

Turghunjan alawudin ependining bildürüshiche, aldimizdiki aylarda yawropada échilmaqchi bolghan, xitayning Uyghur musulmanlar üstidin yürgüzüwatqan diniy bésim siyasiti toghrisida échilmaqchi bolghan xelq'araliq yighin toghrisida meslihet we pikir - almashturush élip bérilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.