Uyghur siyasetchi nesibe hezret xanim: «millitimning derdige dawa bolush üchün siyasetke kirdim»

Ixtiyariy muxbirimiz erkin tarim
2017-06-27
Élxet
Pikir
Hembehr
Print
  • Print
  • Hembehr
  • Pikir
  • Élxet
Milletchi heriket partiyesi güngören rayonluq shöbisining muawin bashliqi, uyghur siyasetchi nesibe hezret xanim.
Milletchi heriket partiyesi güngören rayonluq shöbisining muawin bashliqi, uyghur siyasetchi nesibe hezret xanim.
uyghurcongress.org

Türkiye uyghurlar eng köp olturaqlashqan döletlerdin biri bolup, ikkinchi we üchinchi ewlad uyghurlar arisidin her sahede muweppeqiyet qazanghan uyghurlar köpeymekte.

Bulardin biri ürümchide tughulup 1980-Yillarda 7 yash waqtida ata-Anisi bilen türkiyege kélip olturaqliship qalghan nesibe hezret xanimdur. U, bashlanghuch, ottura we toluq ottura mektepni püttürgendin kéyin uludagh uniwérsitétining iqtisadshunasliq kespini püttürüp, ukisi bilen shirket qurup igilik tikligen. Bu jeryanda türkiyediki eng kona partiyelerdin biri bolghan milletchi heriket partiyesige eza bolghan. Ötken yili milletchi heriket partiyesi istanbul güngören rayonluq shöbisining muawin reislik wezipisige saylanghan. U, bu jeryanda uyghurlarning weziyiti bayan qilinghan ikki chong doklat teyyarlap partiye merkizige sunghan.

Ziyaritimizni qobul qilghan nesibe hezret xanim özining ürümchide tughulup türkiyede chong bolghanliqini, kichikidin tartipla öyide uyghur toghrisidiki paranglarni anglap chong bolghanliqini bayan qildi.

Nesibe hezret xanim milletchi heriket partiyesining siyasiy nezeriyisini oqup chiqqandin kéyin bu partiyege kirishke qarar qilghanliqini bayan qildi.

Milletchi heriket partiyesi güngören rayonluq shöbisining muawin bashliqi nesibe hazret xanim bir uyghur bolush süpiti bilen uyghurlarning hazirqi weziyiti bayan qilinghan ikki chong doklat teyyarlap partiye merkizige sunghanliqini bayan qildi. Nesibe hezret xanim uyghurlarning parlaq medeniyet yaratqan bir millet ikenlikini, xitay bésim bilen uyghurlarni assimilyatsiye qilalmaydighanliqini tekitlidi.

Nesibe xanim cheteldiki uyghur yashlirini özi turuwatqan döletlerdiki ammiwi teshkilat we siyasiy partiyelerge yéqin turushqan chaqirdi. Nesibe hezret xanim özining siyasettiki eng axirqi nishanining siyasetning choqisigha chiqish ikenlikini, hemde buning qanchilik zor ikenlikini bilidighanliqini bayan qildi.

Güngören rayoni 15 milyon nopusqa ige istanbul shehirining eng chong rayonliridin biri bolup, milletchi heriket partiyesi güngören rayonluq shöbisining bashliqi fuar gül ependi nesibe xanimgha yuqiri baha bérip mundaq dédi: «uni yétishtürgen ata-Anisigha, sherqiy türkistanliq bolghachqa sherqiy türkistanliqlargha rehmet éytimen. Yaxshi yétishken, durus, aq köngül bir qérindishimiz. U, méning türk dunyasigha mesul muawin reisim. Nesibe hezret xanimning siyasiy kélechiki parlaq, rayonimizdiki xelqimizmu uni bekla yaxshi köridu. Türk dunyasi toghrisida doklatlar teyyarlap partiye merkizige ewetiwatimiz».

Nesibe hezret xanim 2007-Yili türkiyening eski shehir rayonidiki uludagh uniwérsitéti iqtisadshunasliq kespini püttürgen 10 yildin béri igilik tiklep öz shirkitining mudirliq wezipisini ötimekte.

Türkiyede özbék, qazaq, tatargha oxshash türkiy milletlerdin herqaysi siyasiy partiyelerde wezipe ötep  parlamént ezasi bolup saylanghan kishiler bar bolup, nesibe hezret xanim bolsa uyghurlar arisidin  siyasiy partiyede wezipe ötewatqan  tunji kishi hésablinidu.

Toluq bet