Yaponiye hökümiti Uyghur mesilisi toghrisida mexsus jawab qarar hazirlidi

Igilishimizche, 24 - féwral etigende yaponiye hökümiti ichkiy kabinéti Uyghurlar mesilisi toghrisida parlaméntqa we töwen palatagha yazma doklat sun'ghan diplomatiye we dölet mudapi'e komitéti ezasi kazuyuki xamadagha jawab teriqiside teyyarlighan yazma doklat qararini élan qilghan.

Seyshenbe küni kechte yaponiyediki nopuzluq gézitlerdin “Sankin shimbun”, “J j” qatarliq gézitlerning tor bétide: “Yaponiye hökümiti Uyghur aptonom rayonining kishilik hoquq mesilisini yéqindin közitiwatqanliqi heqqidiki yazma jawab doklatni élan qildi. Yaponiye xitayning azsanliq milletlerni basturuwatqanliqigha diqqet qiliwatidu” dégen mezmunda qisqa uchurlar tarqaldi.

Shundaqla bu uchurlarda yene, yaponiye hökümitige Uyghurlar mesilisi toghrisida yazma doklat so'allirini yollap buninggha jawab bérishni telep qilghan erbabning parlamént ezasi,yaponiye kelgüsi ewladlar partiyesining gholluq rehberliridin biri, diplomatiye we mudapi'e komitétining ezasi, siyasiy iqtisad penliri doktori, mutexessis kazuyuki xamada ikenkliki alahide eskertilgen.

Biz bu bu heqte téximu köp tepsiliy uchurlargha ige bolush üchün dunya Uyghur qurultiyining yaponiyediki wekili doktor turmuhemmet hashim bilen söhbet élip barduq.

Yuqiriqi awaz ulinishidin tepsilatini anglang.