ﺋﺎﻓﻐﺎﻥ ﭘﺮﯦﺰﯨﺪﯦﻨﺘﻰ ﺋﺎﻓﻐﺎﻧﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭﻧﻰ ﺗﻪﻧﻘﯩﺪ ﻗﯩﻠﺪﻯ

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻫﺎﻣﯩﺪ ﻛﺎﺭﺯﺍﻱ ﺷﻪﻧﺒﻪ ﻛﯜﻧﻰ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﯞﻩ ﺋﺎﻣﯧﺮﯨﻜﺎ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺋﺎﻓﻐﺎﻧﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭﻧﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﺪﻯ. ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺋﯚﺗﻜﻪﻥ ﺑﯩﺮ ﻫﻪﭘﺘﻪ ﺋﯩﭽﯩﺪﻩ ﺋﺎﻓﻐﺎﻧﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭﺩﻩ 90 ﺩﯨﻦ ﺋﺎﺭﺗﯘﻕ ﺑﯩﮕﯘﻧﺎﻫ ﺋﺎﻓﻐﺎﻥ ﭘﯘﻗﺮﺍﺳﻰ ﺋﯚﻟﮕﻪﻥ.

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻛﺎﺑﯘﻟﺪﺍ ﺋﯚﺗﻜﯜﺯﮔﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ":ﺋﯜﭺ ﻛﯜﻥ ﺋﯩﭽﯩﺪﻩ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﯞﻩ ﺋﺎﻣﯧﺮﯨﻜﺎ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺋﺎﻓﻐﺎﻧﯩﺴﺘﺎﻧﻨﯩﯔ ﺋﯘﺭﯗﺯﮔﺎﻥ ﯞﯨﻼﻳﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﺑﯩﻲ ﻫﻪﺭﯨﻜﻪﺕ ﺟﻪﺭﻳﺎﻧﯩﺪﯨﻼ 52 ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ، ﺑﯘ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭ ﺟﻪﺭﻳﺎﻧﯩﺪﺍ ﻧﯘﺭﻏﯘﻧﻠﯩﻐﺎﻥ ﺑﯩﮕﯘﻧﺎﻫ ﺋﺎﻓﻐﺎﻥ ﭘﯘﻗﺮﺍﺳﻰ ﺋﯚﻟﯜﯞﺍﺗﯩﺪﯗ. ﻣﻪﻥ ﺑﯘﻧﺪﯨﻦ ﺑﯘﺭﯗﻥ ﺩﯦﮕﻪﻧﺪﻩﻙ، ﺑﯩﺰ ﺑﯘﻧﻰ ﻗﻮﺑﯘﻝ ﻗﯩﻼﻟﻤﺎﻳﻤﯩﺰ" ﺩﯦﮕﻪﻥ.

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ، ﺋﺎﻓﻐﺎﻧﺴﯩﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭﻧﯩﯔ ، ﺋﺎﻓﻐﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻥ ﻫﺎﻟﺪﺍ ﺋﯧﻠﯩﭗ ﺑﯧﺮﯨﻠﻤﺎﻳﯟﺍﺗﻘﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﯩﭗ": ﻣﻪﻥ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﯞﻩ ﺋﺎﻣﯧﺮﯨﻜﺎ ﻗﯩﺴﯩﻤﻠﯩﺮﯨﺪﯨﻦ ﻫﻪﺭﺑﯩﻲ ﻫﻪﺭﯨﻜﻪﺗﻠﻪﺭﻧﻰ ﺋﺎﻓﻐﺎﻧﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ، ﺋﯧﻠﯩﭗ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﯩﭗ ﻛﯧﻠﯩﯟﺍﺗﯩﻤﻪﻥ. ﻟﯧﻜﯩﻦ ﻣﯩﻨﯩﯔ ﺑﯘ ﺗﻪﻟﻪﭘﻠﯩﺮﯨﻢ، ﺩﯨﻘﻘﻪﺗﻜﻪ ﺋﯧﻠﯩﻨﻤﺎﻳﯟﺍﺗﯩﺪﯗ. ﺩﯦﮕﻪﻥ. ﺋﻪﻣﻤﺎ ﺑﯘﻧﺪﯨﻦ ﻛﯧﻴﯩﻦ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﯞﻩ ﺋﺎﻣﯧﺮﯨﻜﺎ ﻗﯩﺴﯩﻤﻠﯩﺮﻯ ﺑﯩﺰ ﺋﯘﻻﺭﺩﯨﻦ ﺗﻪﻟﻪﭖ ﻗﯩﻠﻐﺎﻥ ﺷﻪﻛﯩﻠﺪﻩ ﻫﻪﺭﯨﻜﻪﺕ ﻗﯩﻠﯩﺸﻰ ﻛﯧﺮﻩﻙ" ﺩﻩﭖ ﺗﻪﻛﯩﺘﻠﯩﺪﻯ.

ﺑﯘ ﺋﺎﺭﯨﺪﺍ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﯞﻩ ﺋﺎﻣﯧﺮﯨﻜﺎ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺷﻪﻧﺒﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻥ- ﭘﺎﻛﯩﺴﺘﺎﻥ ﭼﯧﮕﺮﺍﻟﯩﺮﯨﺪﺍ، 60 ﻧﻪﭘﻪﺭ ﺋﯩﺴﻴﺎﻧﭽﯩﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.(ﺋﯚﻣﻪﺭ ﻗﺎﻧﺎﺕ)