ﻛﺎﺑﯘﻟﺪﯨﻜﻰ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﺪﺍ 1 ﺋﺎﻣﯧﺮﯨﻜﺎ ﺋﻪﺳﻜﯩﺮﻯ ﯞﻩ 5 ﺋﺎﻓﻐﺎﻥ ﭘﯘﻗﺮﺍﺳﻰ ﺋﯚﻟﺪﻯ

ﺷﻪﻧﺒﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﻛﺎﺑﯘﻝ ﺷﻪﻫﯩﺮﯨﺪﻩ، ﺋﺎﻣﯧﺮﯨﻜﯩﻨﯩﯔ ﺑﯩﺮ ﻫﻪﺭﺑﯩﻲ ﺋﻪﺗﺮﯨﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﺪﺍ، ﺑﯩﺮ ﺋﺎﻣﯧﺮﯨﻜﺎ ﺋﻪﺳﻜﯩﺮﻯ ﯞﻩ 5 ﺋﺎﻓﻐﺎﻥ ﭘﯘﻗﺮﺍﺳﻰ ﺋﯚﻟﮕﻪﻥ. ﻫﯘﺟﯘﻣﺪﺍ ﻧﯘﺭﻏﯘﻧﻠﯩﻐﺎﻥ ﻛﯩﺸﻰ ﻳﺎﺭﯨﻼﻧﻐﺎﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﻫﯘﺟﯘﻡ، ﺋﯚﺗﻜﻪﻥ ﺳﻪﻛﻜﯩﺰ ﻛﯜﻥ ﺋﯩﭽﯩﺪﻩ ﻛﺎﺑﯘﻝ ﺷﻪﻫﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯜﭼﯜﻧﭽﻰ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻡ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺑﯘ ﺋﺎﺭﯨﺪﺍ ﺋﺎﻓﻐﺎﻧﯩﺴﺘﺎﻧﻨﯩﯔ ﺷﻪﺭﻗﯩﻲ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﺧﻮﺳﺖ ﺷﻪﻫﯩﺮﯨﺪﻩ، ﻳﻮﻟﻐﺎ ﺋﻮﺭﯗﻧﻼﺷﺘﯘﺭﻟﻐﺎﻥ ﺑﯩﺮ ﺑﻮﻣﺒﯩﻨﯩﯔ ﭘﺎﺭﺗﯩﻠﯩﺸﻰ ﻧﻪﺗﯩﺠﯩﺴﯩﺪﻩ 5 ﺋﺎﻓﻐﺎﻥ ﺳﺎﻗﭽﯩﺴﻰ ﺋﯚﻟﮕﻪﻥ.

ﺋﯚﺗﻜﻪﻥ ﻳﯩﻠﻰ ﺑﻮﻟﯘﭘﻤﯘ ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﻲ ﯞﻩ ﺷﻪﺭﻗﯩﻲ ﺟﻪﻧﯘﺑﯩﻲ ﺭﺍﻳﻮﻧﻠﯩﺮﯨﺪﺍ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﻪ ﯞﻩ ﺋﺎﻓﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﮕﻪ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻫﯘﺟﯘﻣﻠﯩﺮﯨﺪﺍ ﻧﯘﺭﻏﯘﻥ ﻗﯘﺭﺑﺎﻥ ﺑﻪﺭﮔﻪﻥ ﯞﻩ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﻐﺎﻥ ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﻯ، ﺑﯘ ﻳﯩﻞ ﺋﺎﺳﺎﺳﻠﯩﻖ ﻧﯩﺸﺎﻧﯩﻨﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﻛﺎﺑﯘﻝ ﯞﻩ ﺑﺎﺷﻘﺎ ﭼﻮﯓ ﺷﻪﻫﻪﺭﻟﻪﺭﺩﻩ، ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭ ﺋﯧﻠﯩﭗ ﺑﯧﺮﯨﺸﻘﺎ ﻗﺎﺭﺍﺗﻘﺎﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﻯ ﭼﻮﯓ ﺷﻪﻫﻪﺭﻟﻪﺭﺩﻩ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭ ﺋﯧﻠﯩﭗ ﺑﯧﺮﯨﺶ ﺋﺎﺭﻗﯩﻠﯩﻖ، ﺋﺎﻓﻐﺎﻧﯩﺴﺘﺎﻥ ﺧﻪﻟﻘﯩﻐﻪ،ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﯩﻨﯩﯔ ﺋﯘﻻﺭﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ. (ﺋﯚﻣﻪﺭ ﻗﺎﻧﺎﺕ)