ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﻰ ﺋﺎﻓﻐﺎﻧﯩﺴﺘﺎﻧﺪﺍ 80 ﻧﻪﭘﻪﺭ ﺗﺎﻟﯩﺒﺎﻥ ﻗﻮﺭﺍﻟﻠﯩﻖ ﺋﯘﻧﺴﯘﺭﯨﻨﻰ ﺋﯚﻟﺘﯜﺭﺩﻯ

ﺋﺎﻣﯧﺮﯨﻜﺎ ﻫﻪﺭﺑﯩﻲ ﺗﻪﺭﻩﭘﻨﯩﯔ ﺋﯧﻼﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﺷﻪﻧﺒﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﻫﯧﻠﻤﻮﻧﺪ ﺋﯚﻟﻜﯩﺴﯩﺪﻩ ﺗﺎﻟﯩﺒﺎﻧﻼﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﻣﻪﻳﺪﺍﻥ ﺋﯘﺭﯗﺷﺘﺎ 80 ﻧﻪﭘﻪﺭ ﺗﺎﻟﯩﺒﺎﻥ ﺟﻪﯕﭽﯩﺴﯩﻨﻰ ﺋﯚﻟﺘﯜﺭﮔﻪﻥ.

ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﻣﻪﻧﺒﻪﻟﻪﺭﺩﯨﻦ ﻧﻪﻗﯩﻞ ﻛﻪﻟﺘﯜﺭﯛﭖ ﺗﺎﺭﻗﺎﺗﻘﺎﻥ ﺋﯘﭼﯘﺭﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﮔﻪﺭﭼﻪ ﺋﺎﻣﯧﺮﯨﻜﺎ ﺗﻪﺭﻩﭖ ﺑﯘ ﺳﺎﻧﻨﻰ ﺋﯘﺭﯗﺷﺘﯩﻦ ﻛﯧﻴﯩﻨﻜﻰ ﺗﻪﻛﺸﯜﺭﯛﺵ ﺋﻪﻫﯟﺍﻟﯩﻐﺎ ﺋﺎﺳﺎﺳﻪﻥ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺗﯧﺨﻰ ﻣﯘﻗﯩﻤﻼﺷﺘﯘﺭﯗﻟﻤﯩﻐﺎﻥ، ﺑﯩﺮﺍﻕ، ﻳﻪﺭﻟﯩﻚ ﺋﯘﭼﯘﺭﻻﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﺟﻪﯕﺪﻩ 15ﺗﯩﻦ 20 ﻏﯩﭽﻪ ﺗﺎﻟﯩﺒﺎﻥ ﺟﻪﯕﭽﯩﺴﻰ ﺋﯚﻟﺘﯜﺭﯛﻟﮕﻪﻥ ، ﺋﻪﻣﻤﺎ ﺑﯘ ﺳﺎﻧﻨﯩﻤﯘ ﺗﯧﺨﯩﭽﻪ ﺩﻩﻟﯩﻠﻠﻪﺷﻠﻪﺭﮔﻪ ﺋﯧﺮﯨﺸﻪﻟﻤﯩﮕﻪﻥ. ﻣﻪﺯﻛﯘﺭ ﺟﻪﯓ ﺗﺎﻟﯩﺒﺎﻥ ﻗﻮﺷﯘﻧﻠﯩﺮﯨﻨﯩﯔ ﭼﺎﺭﻻﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﺎﻣﯧﺮﯨﻜﺎ ﺋﻪﺳﻜﻪﺭﻟﯩﺮﯨﮕﻪ ﺗﯘﻳﯘﻗﺴﯩﺰ ﻫﯘﺟﯘﻡ ﻗﻮﺯﻏﯩﺸﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﻮﻟﯘﭖ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﻛﻪﺳﻜﯩﻦ ﺋﯘﺭﯗﺵ ﻳﯜﺯ ﺑﻪﺭﮔﻪﻥ ﻫﻪﻣﺪﻩ ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﯩﻨﯩﯔ ﺋﺎﻳﺮﻭﭘﯩﻼﻧﻠﯩﺮﻯ ﻳﯧﺘﯩﭗ ﻛﯧﻠﯩﭗ ﺟﻪﯕﮕﻪ ﻣﺎﺳﻼﺷﻘﺎﻥ.

ﻫﯧﻠﻤﻮﻧﺪ ﺋﯚﻟﻜﯩﺴﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﺋﻮﺗﺘﯘﺭﺍ ﺟﻪﻧﯘﺑﯩﻐﺎ ﺗﻮﻏﺮﺍ ﻛﻪﻟﮕﻪﻥ ﺑﻮﻟﯘﭖ، ﺋﯘ ﻗﻪﻧﺪﯨﻬﺎﺭ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺋﻮﺧﺸﺎﺵ ﺗﺎﻟﯩﺒﺎﻧﻼﺭﻧﯩﯔ ﻫﻪﺭﯨﻜﻪﺗﻠﯩﺮﻯ ﻛﯜﭼﻠﯜﻙ ﻧﯘﻗﺘﯩﻼﺭﺩﯨﻦ ﻫﯧﺴﺎﺑﻠﯩﻨﯩﺪﯨﻜﻪﻥ. ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﻣﻪﺯﻛﯘﺭ ﺟﺎﻳﻼﺭﻧﻰ ﻛﻮﻧﺘﺮﻭﻝ ﻗﯩﻠﯩﭗ، ﺗﺎﻟﯩﺒﺎﻧﻼﺭﻧﯩﯔ ﻗﺎﺭﺷﯩﻠﯩﻘﻠﯩﺮﯨﻨﻰ ﺋﯜﺯﯛﻝ-ﻛﯧﺴﯩﻞ ﺗﺎﺯﯨﻼﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ. ﺑﯘ ﻳﯩﻞ 9-ﺋﺎﻳﺪﯨﻦ ﺑﯘﻳﺎﻥ ﻣﻪﺯﻛﯘﺭ ﺟﺎﻳﻼﺭﺩﺍ ﺋﺎﻣﯧﺮﯨﻜﺎ ﺑﺎﺷﻠﯩﻖ ﻏﻪﺭﺏ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺗﺎﻟﯩﺒﺎﻧﻼﺭ ﺋﺎﺭﯨﺴﯩﺪﺍ ﻫﻪﺭ ﺧﯩﻞ ﺷﻪﻛﯩﻠﺪﯨﻜﻰ ﺗﻮﻗﯘﻧﯘﺷﻼﺭ ﻳﯜﺯ ﺑﯧﺮﯨﭗ، 250 ﺩﯨﻦ ﺋﺎﺭﺗﯘﻕ ﺗﺎﻟﯩﺒﺎﻥ ﺟﻪﯕﭽﯩﺴﻰ ﺋﯚﻟﺘﯜﺭﯛﻟﮕﻪﻥ.

ﺋﯚﺗﻜﻪﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺗﺎﻟﯩﺒﺎﻧﻼﺭ ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﺪﯨﻜﻰ ﺑﯩﺮ ﻗﯩﺴﯩﻢ ﺟﺎﻳﻼﺭﺩﺍ ﺑﺎﺵ ﻛﯚﺗﯜﺭﯛﺷﻜﻪ ﻳﯜﺯﻟﻪﻧﮕﻪﻥ ﺑﻮﻟﯘﭖ، ﺋﯘﻻﺭ ﻧﺎﺗﻮ ﯞﻩ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﻪﺕ ﻗﻮﺷﯘﻧﻠﯩﺮﯨﻐﺎ ﻛﯚﭖ ﻗﯧﺘﯩﻢ ﻫﯘﺟﯘﻡ ﻗﻮﺯﻏﯩﻐﺎﻥ ﺑﻮﻟﺴﯩﻤﯘ، ﻏﻪﻟﯩﺒﻪ ﻗﺎﺯﯨﻨﺎﻟﻤﯩﺪﻯ.(ﺋﯜﻣﯩﺪﯞﺍﺭ)