ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﻮﻗﯘﻧﯘﺷﻼﺭﺩﺍ ﺋﻮﻧﻠﯩﻐﺎﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺋﯚﻟﺘﯜﺭﯛﻟﺪﻯ

ﺋﺎﻣﯧﺮﯨﻜﯩﻨﯩﯔ ﻳﯧﺘﻪﻛﭽﯩﻠﯩﻜﯩﺪﯨﻜﻰ ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ، ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﻲ ﺭﺍﻳﻮﻧﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ، 23 ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺋﯚﻟﺘﯜﺭﯛﻟﮕﻪﻥ. ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﺧﺎﺩﯨﻤﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﯧﻠﻤﻪﻧﺪ ﺋﯚﻟﻜﯩﺴﯩﻨﯩﯔ ﮔﺮﻣﺴﯩﺮ ﺭﺍﻳﻮﻧﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺕ ﺟﻪﺭﻳﺎﻧﯩﺪﺍ 11 ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜﺭﯛﻟﮕﻪﻥ. ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﺧﺎﺩﯨﻤﻠﯩﺮﻯ، ﺑﯘ ﺗﺎﺯﯨﻼﺵ ﻫﻪﺭﯨﻜﯩﺘﯩﻨﯩﯔ ﻗﺎﭼﺎﻥ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ ﻫﻪﻗﻘﯩﺪﻩ ﺑﯩﺮﻧﯧﻤﻪ ﺩﯦﻤﯩﮕﻪﻥ.

ﺑﯘ ﺋﺎﺭﯨﺪﺍ ﻓﺮﺍﻧﯩﺴﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺷﻪﻧﺒﻪ ﻛﯜﻧﻰ ﻗﻪﻧﺪﻩﻫﺎﺭ ﺋﯚﻟﻜﯩﺴﯩﻨﯩﯔ ﺯﯨﺮﺍﻱ ﺭﺍﻳﻮﻧﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﺗﺎﺯﯨﻼﺵ ﻫﻪﺭﯨﻜﯩﺘﯩﺪﻩ ﺋﺎﺯ ﺩﯦﮕﻪﻧﺪﻩ 10 ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺋﯚﻟﺘﯜﺭﯛﻟﮕﻪﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ ﺭﺍﻳﻮﻧﺪﺍ ﺗﻮﻗﯘﻧﯘﺷﻼﺭ ﺗﯧﺨﻰ ﺩﺍﯞﺍﻣﻼﺷﻤﺎﻗﺘﺎ.

2001‏- ﻳﯩﻠﻰ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﻐﺎ ﻗﺎﺭﺍﺗﻘﺎﻥ ﻫﻪﺭﺑﯩﻲ ﻫﻪﺭﯨﻜﯩﺘﻰ ﻧﻪﺗﯩﺠﯩﺴﯩﺪﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻫﺎﻛﯩﻤﯩﻴﯩﺘﻰ ﮔﯘﻣﺮﺍﻥ ﺑﻮﻟﻐﺎﻥ ﺗﺎﻟﯩﺒﺎﻧﻼﺭ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﻗﺎﻳﺘﯩﺪﯨﻦ ﺗﻪﺷﻜﯩﻠﻠﯩﻨﯩﭗ، ﺋﺎﻓﻐﺎﻧﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﯨﻐﺎ ﻗﺎﺭﺷﻰ ﻫﯘﺟﯘﻣﻐﺎ ﺋﺎﺗﻼﻧﻐﺎﻥ ﺑﻮﻟﯘﭖ، ﺋﯚﺗﻜﻪﻥ ﻳﯩﻠﻰ ﺑﻮﻟﯘﭘﻤﯘ ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﻲ ﺭﺍﻳﻮﻧﻠﯩﺮﯨﺪﺍ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻣﻼﺭ ﻳﻮﻟﻐﺎ ﻗﻮﻳﻐﺎﻥ ﻫﻪﻣﺪﻩ ﺑﻪﺯﻯ ﺭﺍﻳﻮﻧﻼﺭﻧﻰ ﻛﻮﻧﺘﺮﻭﻟﻠﯩﻘﯩﻨﻰ ﻗﺎﻳﺘﯩﺪﯨﻦ ﻗﻮﻟﻐﺎ ﺋﺎﻟﻐﺎﻥ ﺋﯩﺪﻯ. ﺋﻪﻣﻤﺎ ﺑﯘ ﻫﯘﺟﯘﻣﻼﺭ ﺟﻪﺭﻳﺎﻧﯩﺪﺍ ﻗﺎﺗﺘﯩﻖ ﺯﻩﺭﺑﯩﻠﻪﺭﮔﻪ ﺋﯘﭼﺮﯨﻐﺎﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻠﯩﺮﻯ ﺑﯘ ﻳﯩﻞ ﺋﺎﺳﺎﺳﻪﻥ ﻛﯩﭽﯩﻚ ﮔﯘﺭﯗﭘﭙﯩﻼﺭ ﺷﻪﻛﻠﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﭗ، ﺋﯩﺮﺍﻗﺘﯩﻜﻰ ﻗﺎﺭﺷﯩﻼﺷﻘﯘﭼﻰ ﻛﯜﭼﻠﻪﺭ ﺋﯩﺸﻠﯩﺘﯩﯟﺍﺗﻘﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭ ﻗﺎﺗﺎﺭﻟﯩﻖ ﺗﺎﻛﺘﯩﻜﯩﻼﺭﻧﻰ ﺋﯩﺸﻠﯩﺘﯩﺸﻜﻪ ﺑﺎﺷﻠﯩﻐﺎﻥ. (ﺋﯚﻣﻪﺭ ﻗﺎﻧﺎﺕ)