ﺋﺎﻓﻐﺎﻧﯩﺴﺘﺎﻧﺪﺍ 45 ﭘﯘﻗﺮﺍ ﻫﺎﯞﺍ ﻫﯘﺟﯘﻣﻰ ﺗﯜﭘﻪﻳﻠﯩﺪﯨﻦ ﺋﯚﻟﺪﻯ

ﺟﯜﻣﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﺪﯨﻜﻰ ﻫﯧﻠﻤﻮﻧﺪ ﺋﯚﻟﻜﯩﺴﯩﺪﻩ ﺋﺎﻣﯧﺮﯨﻜﺎ ﯞﻩ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﻛﯜﭼﻠﯩﺮﯨﻨﯩﯔ ﺗﺎﻟﯩﺒﺎﻧﻼﺭﻏﺎ ﻗﺎﺭﺍﺗﻘﺎﻥ ﺑﯩﺮ ﻗﯧﺘﯩﻤﻠﯩﻖ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻣﻠﯩﺮﻯ ﻧﻪﺗﯩﺠﯩﺴﯩﺪﻩ ﻛﯚﭘﻠﯩﮕﻪﻥ ﺗﺎﻟﯩﺒﺎﻥ ﺟﻪﯕﭽﯩﺴﻰ ﯞﻩ ﺗﯩﻨﭻ ﭘﯘﻗﺮﺍ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﯩﺴﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻠﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﺋﺎﺯ ﺩﯦﮕﻪﻧﺪﻩ 65 ﻧﻪﭘﻪﺭ ﺗﺎﻟﯩﺒﺎﻥ ﺟﻪﯕﭽﯩﺴﻰ ﯞﻩ 45 ﻧﻪﭘﻪﺭ ﺗﯩﻨﭻ ﭘﯘﻗﺮﺍ ﺑﻮﻣﺒﺎﺭﺩﯨﻤﺎﻧﺪﺍ ﺋﯚﻟﺘﯜﺭﯛﻟﮕﻪﻥ.

ﻟﯧﻜﯩﻦ، ﺯﺍﺩﻯ ﻗﺎﻧﭽﯩﻠﯩﻚ ﭘﯘﻗﺮﺍﻧﯩﯔ ﺋﯚﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﯧﻨﯩﻖ ﻳﻪﻛﯜﻥ ﻳﻮﻕ. ﻳﯘﻗﯩﺮﯨﺪﺍ ﺋﯧﻴﺘﯩﻠﻐﺎﻥ ﺳﺎﻥ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺗﻪﻛﺸﯜﺭﯛﺷﻰ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﭼﯩﻘﯩﺮﯨﻠﻐﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺭﻩﺕ ﻗﯩﻠﯩﻨﯩﺸﻘﺎ ﺋﯘﭼﺮﯨﻤﺎﻗﺘﺎ. ﺗﺎﻟﯩﺒﺎﻥ ﺟﻪﯕﭽﯩﻠﯩﺮﻯ ﺟﻪﯓ ﺩﺍﯞﺍﻣﯩﺪﺍ ﻣﻪﻫﻪﻟﻠﯩﻠﻪﺭﮔﻪ ﻳﻮﺷﯘﺭﯗﻧﯘﯞﺍﻟﻐﺎﻥ ﺑﻮﻟﯘﭖ، ﺑﯘ ﺋﻪﻫﯟﺍﻝ ﭘﯘﻗﺮﺍﻻﺭﻧﯩﯔ ﺑﯩﻬﯘﺩﻩ ﺋﯚﻟﯜﭖ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ.

ﭘﻪﺭﻏﺎﻧﻪ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺋﯩﻴﯘﻧﻨﯩﯔ ﺋﺎﺧﯩﺮﻗﻰ ﻛﯜﻧﻠﯩﺮﻯ ﺋﺎﻓﻐﺎﻧﯩﺴﺘﺎﻥ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ ﺋﯘﺯﯗﻧﺪﯨﻦ ﺑﯘﻳﺎﻥ ﺋﺎﻓﻐﺎﻧﯩﺴﺘﺎﻧﺪﺍ ﭘﺎﺋﺎﻟﯩﻴﻪﺕ ﻗﯩﻠﯩﯟﺍﺗﻘﺎﻥ ﺋﯚﺯﺑﯧﻜﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ ﺗﻪﺷﻜﯩﻼﺗﯩﻨﯩﯔ ﺭﻩﻫﺒﯩﺮﻯ ﺗﺎﻫﯩﺮ ﻳﻮﻟﺪﺍﺷﻨﯩﯔ ﻳﯧﻘﯩﻦ ﻗﻮﻣﺎﻧﺪﺍﻧﻠﯩﺮﯨﺪﯨﻦ ﻗﺎﺭﻯ ﺋﺎﺑﯘﻝ ﻗﺎﺩﯨﺮ ﺑﯩﻠﻪﻥ ﻗﺎﺭﻯ ﻫﯧﻜﻤﻪﺗﯘﻟﻼﻧﻰ ﻗﻮﻟﻐﺎ ﭼﯜﺷﯜﺭﮔﻪﻥ.

ﻧﯚﯞﻩﺗﺘﻪ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﻯ، ﺋﯚﺯﺑﯧﻜﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺋﻪﺯﺍﻟﯩﺮﻯ ﯞﻩ ﺑﺎﺷﻘﺎ ﭼﻪﺕ ﻣﻪﻣﻠﯩﻜﻪﺗﻠﻪﺭﺩﯨﻦ ﻛﻪﻟﮕﻪﻥ، ﺋﯚﺯﻟﯩﺮﯨﻨﻰ ﺋﯩﺴﻼﻣﯩﻲ ﮔﯘﺭﯗﭘﭙﯩﻼﺭ ﺩﻩﭖ ﺋﺎﺗﺎﯞﺍﺗﻘﺎﻥ ﻗﻮﺭﺍﻟﻠﯩﻖ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﯜﭼﻠﻪﺭ ﻧﺎﺗﻮ ، ﺋﺎﻣﯧﺮﯨﻜﺎ ﯞﻩ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﻪﺕ ﻛﯜﭼﻠﯩﺮﯨﻨﯩﯔ ﺑﯩﺮﻟﻪﺷﻤﻪ ﻫﯘﺟﯘﻣﻠﯩﺮﯨﻐﺎ ﺩﯗﭺ ﻛﻪﻟﻤﻪﻛﺘﻪ ﺋﯩﻜﻪﻥ. (ﺋﯜﻣﯩﺪﯞﺍﺭ)