ﺋﻮﺑﺎﻣﺎ ﺋﺎﻣﯧﺮﯨﻜﺎ ﺗﺎﺭﯨﺨﯩﺪﺍ ﺑﯘ ﻧﯚﯞﻩﺗﻠﯩﻚ ﭘﺮﯦﺰﯨﺪﯦﻨﺘﻠﯩﻘﻨﻰ ﺗﺎﻟﯩﺸﯩﺪﯨﻐﺎﻥ ﺋﯩﻜﻜﻰ ﭘﺎﺭﺗﯩﻴﯩﻨﯩﯔ ﺑﯩﺮﻯ ﺗﻪﺭﯨﭙﯩﺪﯨﻦ ﺗﯘﻧﺠﻰ ﻗﯧﺘﯩﻢ ﻧﺎﻣﺰﺍﺗﻠﯩﻘﻘﺎ ﻛﯚﺭﺳﯩﺘﯩﻠﮕﻪﻥ ﺋﺎﻓﺮﯨﻘﺎ ﺋﯩﺮﻗﯩﺪﯨﻜﻰ ﺋﺎﻣﯧﺮﯨﻜﯩﻠﯩﻘﺘﯘﺭ. ﺋﯘ ﻧﯘﺗﯘﻗﯩﺪﺍ ﻫﻪﺭ ﺑﯩﺮ ﺋﺎﻣﯧﺮﯨﻜﯩﻠﯩﻘﻨﯩﯔ ﺋﺎﻣﯧﺮﯨﻜﺎ ﻏﺎﻳﯩﺴﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﯩﻐﺎ ﺋﻮﺧﺸﺎﺵ ﭘﯘﺭﺳﻪﺕ ﺑﯩﻠﻪﻥ ﺗﻪﻣﯩﻨﻠﻪﻳﺪﯨﻐﺎﻧﻠﯩﻘﻰ، ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﺪﯨﻜﻰ ﭼﯧﻜﯩﻨﯩﺸﻨﻰ ﺋﻮﯕﺸﺎﻳﺪﯨﻐﺎﻧﻠﯩﻘﻰ ﯞﻩ ﺋﺎﻣﯧﺮﯨﻜﯩﻨﯩﯔ ﺧﻪﻟﻘﺌﺎﺭﺍ ﺋﻮﺭﻧﯩﻨﻰ ﺗﻪﻛﺮﺍﺭ ﺗﯩﻜﻠﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﻮﺑﺎﻣﺎ ﻳﻪﻧﻪ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺳﯩﻴﺎﺳﯩﺘﯩﻨﻰ ﺗﻪﻧﻘﯩﺪ ﻗﯩﻠﯩﭙﻼ ﻗﺎﻟﻤﺎﻱ، ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﻨﯩﯔ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻰ ﺟﻮﻥ ﻣﯩﻜﯧﻴﻨﻨﻰ ﺗﻪﻧﻘﯩﺪ ﻗﯩﻠﯩﭗ، ﻣﯩﻜﯧﻴﯩﻨﻨﯩﯔ ﺑﯘﺵ ﻫﺎﻛﯩﻤﯩﻴﻪﺕ ﺳﻮﺭﯨﻐﺎﻥ 8 ﻳﯩﻞ ﺟﻪﺭﻳﺎﻧﯩﺪﺍ ﺑﯘﺷﻨﯩﯔ ﺳﯩﻴﺎﺳﯩﺘﯩﻨﯩﯔ %90 ﻧﻰ ﻗﻮﻟﻠﯩﻐﺎﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ. ﺋﯘ" ﺋﯚﺗﻜﻪﻧﻜﻰ 8 ﻳﯩﻠﺪﺍ ﺑﯩﺰﻧﯩﯔ ﺋﻪﻫﯟﺍﻟﯩﻤﯩﺰ ﻫﺎﺯﯨﺮﻗﯩﺪﯨﻦ ﻳﺎﺧﺸﻰ ﺑﻮﻟﯘﺷﻰ ﻛﯧﺮﻩﻙ ﺋﯩﺪﻯ. ﺩﯙﻟﯩﺘﯩﻤﯩﺰﻧﯩﯔ ﺋﻪﻫﯟﺍﻟﻰ ﻫﺎﺯﯨﺮﻗﯩﺪﯨﻦ ﺋﻮﺑﺪﺍﻥ ﺑﻮﻟﯘﺷﻰ ﻻﺯﯨﻢ ﺋﯩﺪﻯ،" ﺩﻩﭖ ﻛﯚﺭﺳﻪﺗﺘﻰ.

ﺋﻮﺑﺎﻣﺎﻧﯩﯔ ﭘﻪﻳﺸﻪﻧﺒﻪ ﻛﯜﻧﻰ ﺩﻩﻧﯟﯦﺮ ﺷﻪﻫﯩﺮﯨﺪﯨﻜﻰ ﺋﯩﻨﯟﻩﺳﻜﻮ ﺗﻪﻧﺘﻪﺭﺑﯩﻴﻪ ﻣﻪﻳﺪﺍﻧﯩﺪﺍ ﺳﯚﺯﻟﯩﮕﻪﻥ ﻧﯘﺗﻘﻰ ﺋﺎﻣﯧﺮﯨﻜﺎ ﺧﻪﻟﻖ ﻫﻮﻗﯘﻗﻰ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﻣﺎﺭﺗﯩﻦ ﻟﯘﺗﯧﺮ ﻛﯩﯖﻨﯩﯔ 1963 ‏ - ﻳﯩﻠﻰ "ﻣﯧﻨﯩﯔ ﺑﯩﺮ ﻏﺎﻳﻪﻡ" ﺩﯦﮕﻪﻥ ﻣﻪﺷﻬﯘﺭ ﻧﯘﺗﯘﻗﯩﻨﻰ ﺋﯧﻼﻥ ﻗﯩﻠﻐﺎﻥ ﻛﯜﻥ ﺑﯩﻠﻪﻥ ﺋﻮﺧﺸﺎﺵ ﺑﯩﺮ ﻛﯜﻧﮕﻪ ﺗﻮﻏﺮﺍ ﻛﻪﻟﺪﻯ.

ﺋﻮﺑﺎﻣﺎ ﺑﯘ ﻧﯚﯞﻩﺗﻠﯩﻚ ﺳﺎﻳﻼﻣﻨﯩﯔ ﺗﺎﺭﯨﺨﯩﻲ ﺋﻪﻫﻤﯩﻴﯩﺘﯩﻨﻰ ﺋﻪﺳﻜﻪﺭﺗﯩﭗ " ﺑﯘ ﻣﯩﻨﯘﺗﻼﺭ ‏ - ﺑﯘ ﻗﯧﺘﯩﻤﻘﻰ ﺳﺎﻳﻼﻡ ﺑﯩﺰ ﺋﯜﭼﯜﻥ 21 - ﺋﻪﺳﯩﺮﺩﻩ ﺋﺎﻣﯧﺮﯨﻜﺎ ﯞﻩﺩﯨﺴﯩﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺳﺎﻗﻠﯩﺸﯩﻤﯩﺰﺩﯨﻜﻰ ﺑﯩﺮ ﭘﯘﺭﺳﻪﺕ،" ﺩﻩﻳﺪﯗ. ﺩﯦﻤﻮﻛﺮﺍﺗﻼﺭ ﺭﯨﻘﺎﺑﻪﺗﭽﻰ ﭘﺎﺭﺗﯩﻴﻪ ﺟﯘﻣﻬﯘﺭﯨﻴﻪﺗﭽﯩﻠﻪﺭﻧﯩﯔ ﺩﯙﻟﻪﺗﻠﯩﻚ ﻗﯘﺭﯗﻟﺘﯩﻴﻰ ﻛﯧﻠﻪﺭ ﺩﯛﺷﻪﻧﺒﻪ ﻛﯜﻧﻰ ﻣﯩﻨﻨﯧﺴﻮﺗﺎ ﺷﺘﺎﺗﯩﻨﯩﯔ ﻣﯩﺌﺎﻧﻨﺎﭘﯩﺌﻮﻟﯩﺲ ﺷﻪﻫﯩﺮﯨﺪﻩ ﺋﯧﭽﯩﻠﯩﺪﯗ.