ﺑﯘﺵ ﺑﯘ ﺳﯚﺯﻟﻪﺭﻧﻰ ﻳﻪﻛﺸﻪﻧﺒﻪ ﻛﯜﻧﻰ ﺑﯧﻴﺠﯩﯖﺪﯨﻜﻰ ﻛﯘﺍﻧﺠﻴﯥ ﭼﯧﺮﻛﺎﯞﯨﻨﯩﯔ ﺩﯨﻨﯩﻲ ﺋﯩﺒﺎﺩﻩﺕ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﺎﺷﻘﺎﻧﺪﺍ ﺗﻪﻛﯩﺘﻠﯩﮕﻪﻥ ﺑﻮﻟﯘﭖ، ﺑﯘﺵ ﻛﯘﺍﻧﺠﻴﯥ ﭼﯧﺮﻛﺎﯞﯨﺪﺍ ﺧﯩﺘﺎﻱ ﺧﺮﯨﺴﺘﯩﺌﺎﻥ ﺑﺎﻟﯩﻼﺭﻧﯩﯔ ﻳﻪﻛﺸﻪﻧﺒﯩﻠﯩﻚ ﺩﯨﻨﯩﻲ ﺧﻮﺭﯨﻨﻰ ﺋﺎﯕﻠﯩﻐﺎﻥ ﯞﻩ ﺑﺎﻟﯩﻼﺭ ﺑﯩﻠﻪﻥ ﺧﺎﺗﯩﺮﻩ ﺭﻩﺳﯩﻤﮕﻪ ﭼﯜﺷﻜﻪﻥ ﺋﯩﺪﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ: "ﺑﯘ ﺷﯘﻧﻰ ﻛﯚﺭﺳﯩﺘﯩﺪﯗﻛﻰ، ﺗﻪﯕﺮﻯ ﺑﻮﻟﻤﯩﻐﺎﻥ ﻳﻪﺭ ﻣﻪﯞﺟﯘﺕ ﺋﻪﻣﻪﺱ. ﻫﻪﺭ ﻗﺎﻧﺪﺍﻕ ﺩﯙﻟﻪﺕ، ﻫﻪﺭ ﻗﺎﻧﺪﺍﻕ ﺷﻪﺧﺲ ﺋﺎﺩﻩﻣﮕﻪﺭﭼﯩﻠﯩﻜﻨﻰ ﺋﯚﮔﯩﺘﯩﺪﯨﻐﺎﻥ ﺩﯨﻨﻨﯩﯔ ﺗﻪﺳﯩﺮ ﻛﯜﭼﯩﺪﯨﻦ ﻗﻮﺭﻗﻤﺎﺳﻠﯩﻘﻰ ﻛﯧﺮﻩﻙ."

 ﻟﯧﻜﯩﻦ ﺷﯘ ﻛﯜﻧﻰ ﺧﯩﺘﺎﻱ ﺳﺎﻗﭽﯩﻼﺭ ﻛﯘﺍﻧﺠﻴﯥ ﭼﯧﺮﻛﺎﯞﯨﺪﯨﻜﻰ ﺋﯩﺒﺎﺩﻩﺗﻜﻪ ﻗﺎﺗﻨﺎﺷﻤﺎﻗﭽﻰ ﺑﻮﻟﻐﺎﻥ ﺑﯧﻴﺠﯩﯖﺪﯨﻜﻰ ﺑﯩﺮ ﻳﻪﺭ ﺋﺎﺳﺘﻰ ﭘﺮﻭﺗﯧﺴﺘﺎﻧﺖ ﭼﯧﺮﻛﺎﯞﯨﻨﯩﯔ ﻣﻪﺳﺌﯘﻟﻰ ﻟﻴﯘ ﺧﯘﻳﭽﯩﻨﻰ ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﺘﯘﺭﻣﺎﻱ ﺗﯘﺗﯘﭖ ﻛﻪﺗﻜﻪﻥ. ﻟﻴﯘ ﺧﯘﻳﭽﯩﻨﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﯩﺪﯨﻜﯩﻠﻪﺭ، ﻟﻴﯘ ﺧﯘﻳﭽﯩﻨﯩﯔ ﻛﯘﺍﻧﺠﻴﯥ ﭼﯧﺮﻛﺎﯞﯨﺪﯨﻜﻰ ﻳﻪﻛﺸﻪﻧﺒﯩﻠﯩﻚ ﺋﯩﺒﺎﺩﻩﺕ ﭘﺎﺋﺎﻟﯩﻴﯩﺘﯩﮕﻪ ﻛﯧﺘﯩﯟﺍﺗﻘﺎﻧﺪﺍ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﮕﻪﻧﻠﯩﻜﯩﻨﻰ، ﺋﯘﻧﯩﯔ ﻫﺎﺯﯨﺮﻏﺎ ﻗﻪﺩﻩﺭ ﻗﻮﻳﯘﭖ ﺑﯧﺮﯨﻠﻤﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻟﻴﯘ ﺧﯘﻳﭽﻰ ﻛﯘﺍﻧﺠﻴﯥ ﭼﯧﺮﻛﺎﯞﯨﺪﺍ ﭼﯚﻣﯜﻟﺪﯛﺭﯛﻟﮕﻪﻥ ﺑﻮﻟﯘﭖ، ﺋﯘ ﭘﺮﯦﺰﯨﺪﯦﻨﺖ ﺑﯘﺵ ﺑﯩﻠﻪﻥ ﺋﯘﭼﺮﯨﺸﯩﭗ ﻗﯧﻠﯩﺶ ﺋﯜﻣﯩﺪﯨﻨﻰ ﻛﯚﯕﻠﯩﮕﻪ ﭘﯜﻛﯜﭖ ﻳﻪﻛﺸﻪﻧﺒﯩﻠﯩﻚ ﺋﯩﺒﺎﺩﻩﺗﻨﻰ ﻣﻪﺯﻛﯘﺭ ﭼﯧﺮﻛﺎﯞﺩﺍ ﺋﯚﺗﻜﯜﺯﻣﻪﻛﭽﻰ ﺑﻮﻟﻐﺎﻥ ﺋﯩﻜﻪﻥ. ﺑﯘﺵ ﻛﯘﺍﻧﺠﻴﯥ ﭼﯧﺮﻛﺎﯞﯨﺪﺍ ﺋﯩﺒﺎﺩﻩﺗﻜﻪ ﻗﺎﺗﻨﺎﺷﻘﺎﻥ ﺷﯘ ﻛﯜﻧﻰ ﻳﻪﻧﻪ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﯜﭖ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺑﺎﺷﻘﺎ ﺳﻪﺯﮔﯜﺭ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﺳﯚﻫﺒﻪﺕ ﺋﯚﺗﻜﯜﺯﮔﻪﻥ.