ﺑﯘﺵ ﺧﯩﺘﺎﻳﻨﯩﯔ ﺷﯩﻤﺎﻟﯩﻲ ﻛﻮﺭﯨﻴﻪ ﯞﻩ ﺋﯩﺮﺍﻥ ﻳﺎﺩﺭﻭ ﻣﻪﺳﯩﻠﯩﺴﯩﺪﻩ ﺋﺎﻣﯧﺮﯨﻜﺎ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻧﻠﯩﻘﯩﻨﻰ ﻣﺎﺧﺘﯩﺪﻯ. ﻟﯧﻜﯩﻦ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺋﯚﻛﺘﯩﭽﯩﻠﻪﺭﻧﻰ ﺑﺎﺳﺘﯘﺭﻏﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺑﯩﺮ ﺳﻮﺋﺎﻟﻐﺎ ﺋﯘﺩﯗﻟﻼ ﺟﺎﯞﺍﺏ ﺑﻪﺭﻣﻪﻱ، ﺧﯩﺘﺎﻳﻨﯩﯔ ﻳﻮﺷﯘﺭﯗﻥ ﺗﯧﺮﺭﻭﺭﻟﯘﻕ ﻫﯘﺟﯘﻣﻼﺭ ﻣﻪﺳﯩﻠﯩﺴﯩﺪﻩ ﻫﻪﺩﺩﯨﺪﯨﻦ ﺯﯨﻴﺎﺩﻩ ﺟﯩﺪﺩﯨﻴﻠﯩﺸﯩﭗ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﯘ ﻣﯘﻧﺪﺍﻕ ﺩﻩﻳﺪﯗ": ﻣﻪﻥ ﺋﯘﻻﺭﻧﯩﯔ ﺑﯩﺨﻪﺗﻪﺭﻟﯩﻜﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﭙﻼ ﻗﺎﻟﻤﺎﻱ، ﺋﻮﻟﯩﻤﭙﯩﻚ ﺭﻭﻫﯩﻨﯩﻤﯘ ﮔﻪﯞﺩﯨﻠﻪﻧﺪﯛﺭﯛﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ ﺷﯘﻧﺪﺍﻗﻼ ﺋﯩﻐﯟﺍﮔﻪﺭﭼﯩﻠﯩﻚ ﯞﻩﻗﻪﺳﻰ ﻳﯜﺯ ﺑﻪﺭﺳﻪ، ﺋﯘﻻﺭﻧﯩﯔ ﺑﯘﻧﻰ ﺯﻭﺭﺍﯞﺍﻧﻠﯩﻖ ﻛﯜﭺ ﺋﯩﺸﻠﻪﺗﻤﻪﻱ، ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ."

ﭘﺮﯦﺰﯨﺪﯦﻨﺖ ﺑﯘﺵ ﺑﯘ ﺳﯚﺯﻟﻪﺭﻧﻰ ﻗﯩﻠﻐﺎﻥ ﺷﯘ ﻛﯜﻧﻰ ﺋﻪﺗﯩﮕﻪﻧﺪﻩ ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺷﻘﻪﺭ ﺷﻪﻫﯩﺮﯨﺪﯨﻜﻰ ﺳﻪﻣﻪﻥ ﻳﻮﻟﯩﺪﺍ ﺋﺎﺑﺪﯗﺭﺍﺧﻤﺎﻥ ﺋﺎﺯﺍﺕ ﯞﻩ ﻗﯘﺭﺑﺎﻧﺠﺎﻥ ﻫﯧﻤﯩﺖ ﺋﯩﺴﯩﻤﻠﯩﻚ 2 ﺋﯘﻳﻐﯘﺭ ﻳﺎﺵ، ﻗﻪﺷﻘﻪﺭﺩﻩ ﺋﻪﺗﯩﮕﻪﻧﻠﯩﻚ ﻣﻪﺷﻘﻘﻪ ﭼﯩﻘﻘﺎﻥ ﺧﯩﺘﺎﻱ ﮊﺍﻧﺪﺍﺭﻣﯩﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، 16 ﺋﻪﺳﻜﻪﺭﻧﻰ ﺋﯚﻟﺘﯜﺭﮔﻪﻥ، 16 ﺳﯩﻨﻰ ﻳﺎﺭﯨﻼﻧﺪﯗﺭﻏﺎﻥ ﺋﯩﺪﻯ.

ﭼﻪﺗﺌﻪﻟﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﮕﻪ ﺋﻮﺧﺸﺎﺵ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ ﺯﻭﺭﺍﯞﺍﻧﻠﯩﻘﻨﻰ ﺋﻪﻳﯩﺒﻠﯩﮕﻪﻥ، ﻟﯧﻜﯩﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺑﯘ ﯞﻩﻗﻪﻧﻰ ﺑﺎﻫﺎﻧﻪ ﻗﯩﻠﯩﭗ، ﺋﯘﻳﻐﯘﺭﻻﺭﺩﯨﻦ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﺋﯚﭺ ﺋﺎﻟﻤﺎﺳﻠﯩﻘﻘﺎ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ ﺑﯘﻧﯩﯖﻐﺎ ﺩﯨﻘﻘﻪﺕ ﻗﯩﻠﯩﺸﻘﺎ ﭼﺎﻗﯩﺮﻏﺎﻥ ﺋﯩﺪﻯ.