ﺑﯘﺗﺘﻮﻧﯩﯔ ﻳﻮﻟﺪﯨﺸﻰ، ﺏ ﺩ ﺕ ﻧﻰ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﺩﻯ

27‏- ﺩﯦﻜﺎﺑﯩﺮ ﻛﯜﻧﻰ، ﺑﯩﺮ ﺳﯜﻳﯩﻘﻪﺳﺖ ﻧﻪﺗﯩﺠﯩﺴﯩﺪﻩ ﺋﯚﻟﺘﯜﺭﯛﻟﮕﻪﻥ، ﭘﺎﻛﯩﺴﺘﺎﻧﻨﯩﯔ ﺳﺎﺑﯩﻖ ﺑﺎﺵ ﻣﯩﻨﺴﺘﯩﺮﻯ ﯞﻩ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﺋﯩﺴﻰ ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﻳﻮﻟﺪﯨﺸﻰ ﺋﺎﺳﯩﻒ ﺋﻪﻟﻰ ﺯﻩﺭﺩﺍﺭﻯ، ﺷﻪﻧﺒﻪ ﻛﯜﻧﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ ﺑﯘﺗﺘﻮﻧﯩﯔ ﺋﯚﻟﺘﯜﺭﯛﻟﯜﺷﻰ ﻣﻪﺳﯩﻠﺴﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﺩﻯ.

ﺋﻪﻟﻰ ﺯﻩﺭﺩﺍﺭﻯ، ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ " ﯞﺍﺷﯩﻨﮕﯩﺘﻮﻥ ﯞﺍﻗﺘﻰ"ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﻐﺎﻥ ﺑﯩﺮ ﻣﯘﻻﻫﯩﺰﯨﺴﯩﺪﻩ، "ﭘﺎﻛﯩﺴﺘﺎﻧﺪﺍ ﻳﺎﻛﻰ ﻫﻪﺭﻗﺎﻧﺪﺍﻕ ﺑﯩﺮ ﺟﺎﻳﺪﺍ ﺑﯘﺗﺘﻮﻧﯩﯔ ﺋﯚﻟﯜﻣﻰ ﺗﻮﻏﺮﯨﺴﯩﺪﺍ، ﭘﺎﻛﯩﺴﺘﺎﻥ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﻪﻛﺸﯜﺭﯛﺵ ﻫﯧﭽﻘﺎﻧﺪﺍﻕ ﺋﯩﺸﻪﻧﭽﯩﮕﻪ ﺋﯩﮕﻪ ﺑﻮﻻﻟﻤﺎﻳﺪﯗ" ﺩﯦﮕﻪﻥ.

ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﺍﺯ ﻣﯘﺷﻪﺭﺭﻩﭖ، ﺋﻪﻧﮕﯩﻠﯩﻴﻪ ﻫﯚﻛﯜﻣﯩﺘﯩﺪﯨﻦ ﺑﯘﺗﺘﻮﻧﯩﯔ ﻗﺎﻧﺪﺍﻕ ﯞﻩ ﻛﯩﻤﻠﻪﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﻪﻛﺸﯜﺭﯛﺷﺘﻪ، ﭘﺎﻛﯩﺴﺘﺎﻥ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﮕﻪ ﻳﺎﺭﺩﻩﻡ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﯘﭖ، ﺋﻪﻧﮕﻠﯩﻴﯩﺪﯨﻦ ﻛﻪﻟﮕﻪﻥ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﻣﯘﺗﻪﺧﻪﺳﺴﯩﺴﻠﻪﺭ، ﺷﻪﻧﺒﻪ ﻛﯜﻧﻰ ﺗﻪﻛﺸﯜﺭﯛﺵ ﭘﺎﺋﺎﻟﯩﻴﯩﺘﯩﮕﻪ ﺑﺎﺷﻠﯩﻐﺎﻥ. ﺋﻪﻣﻤﺎ، ﺑﯘﺗﺘﻮﻧﯩﯔ ﺋﯚﻟﯜﻣﻰ ﺗﻮﻏﺮﯨﺴﯩﺪﺍ ﺧﻪﻟﻘﺌﺎﺭﺍﻟﯩﻖ ﺑﯩﺮ ﻣﯘﺗﻪﺧﻪﺳﺴﯩﺴﻠﻪﺭ ﮔﯘﺭﯗﭘﭙﯩﺴﻰ ﺗﻪﺭﯨﭙﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﺶ ﺑﯧﺮﯨﻠﯩﺸﻰ ﻫﻪﻗﻘﯩﺪﯨﻜﻰ ﺗﻪﻟﻪﭘﻠﻪﺭ ﻛﯜﻧﺴﯩﺮﻯ ﻛﯜﭼﻪﻳﻤﻪﻛﺘﻪ.

ﭘﺎﻛﯩﺴﺘﺎﻧﺪﯨﻜﻰ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭ، ﻫﯚﻛﯜﻣﻪﺗﻨﯩﯔ ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﺋﯩﺴﻼﻣﯩﻲ ﻣﯩﻠﯩﺘﺎﻧﻼﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﻨﻰ ﻗﻪﺗﺌﯩﻲ ﺭﻩﺕ ﻗﯩﻠﻤﺎﻗﺘﺎ. ﺋﯘﻻﺭ ﺑﯘﺗﺘﻮﻧﯩﯔ ﺋﯚﻟﺘﯜﺭﯛﻟﯩﺸﯩﺪﻩ، ﭘﺎﻛﯩﺴﺘﺎﻥ ﺭﺍﺯﯞﯦﺘﻜﺎ ﺋﯩﺪﺍﺭﯨﺴﻰ ﺧﺎﺩﯨﻤﻠﯩﺮﯨﻨﯩﯔ ﻗﻮﻟﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﻗﺎﻧﺪﺍﻕ ﺋﯚﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﭘﺎﻛﯩﺴﺘﺎﻥ ﺋﯩﭽﻜﻰ ﺋﯩﺸﻼﺭ ﻣﯩﻨﺴﺘﯩﺮﻟﯩﻘﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ، ﺑﯩﺮ-ﺑﯩﺮﯨﮕﻪ ﺋﻮﺧﺸﯩﻤﯩﻐﺎﻥ ﺑﺎﻳﺎﻧﺎﺗﻼﺭ ﭘﺎﻛﯩﺴﺘﺎﻧﺪﯨﻜﻰ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭ ﺷﯘﻧﯩﯖﺪﻩﻙ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺑﯘﺗﺘﻮﻧﯩﯔ ﺋﯚﻟﯜﻣﻰ ﻫﻪﻗﻘﯩﺪﯨﻜﻰ ﮔﯘﻣﺎﻧﻠﯩﺮﯨﻨﻰ ﺗﯧﺨﯩﻤﯘ ﻛﯜﭼﻪﻳﺘﻤﻪﻛﺘﻪ.

ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﻳﻮﻟﺪﯨﺸﻰ ﺋﻪﻟﻰ ﺯﻩﺭﺩﺍﺭﻯ، ﯞﺍﺷﯩﻨﮕﺘﻮﻥ ﯞﺍﻗﺘﻰ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﻐﺎﻥ ﻣﯘﻻﻫﯩﺰﯨﺴﯩﺪﻩ، "ﭘﻪﻗﻪﺕ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺑﯩﺮ ﺗﻪﻛﺸﯜﺭﯛﺷﻨﻰ ﺋﯩﺸﻪﻧﭽﯩﻠﯩﻚ ﺩﻩﭖ ﻗﺎﺭﺍﻳﻤﻪﻥ " ﺩﯦﮕﻪﻥ. (ﺋﯚﻣﻪﺭ ﻗﺎﻧﺎﺕ)