ﻧﺎﺯﺭﺍﻥ ﺷﻪﻫﯩﺮﯨﺪﻩ ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﻮﺗﺘﯘﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﺩﻯ

2007 - ﻳﯩﻠﻰ ﺳﯧﻨﺘﻪﺑﯩﺮﺩﻩ ﺋﯧﻠﯩﭗ ﺑﯧﺮﯨﻠﻐﺎﻥ، ﭼﯧﭽﯩﻨﯩﻴﻪﺩﯨﻜﻰ ﺑﯩﺮ ﺗﯧﺮﺭﻭﺭﯨﺰﯨﻤﻐﺎ ﻗﺎﺭﺷﻰ ﻣﺎﻧﯩﯟﯦﺮﺩﯨﻦ ﻛﯚﺭﯛﻧﯜﺵ. AFP Photo

ﺷﻪﻧﺒﻪ ﻛﯜﻧﻰ، ﺭﯗﺳﯩﻴﻪ ﻓﯧﺪﯦﺮﺍﺗﺴﯩﻴﯩﺴﻰ ﺋﯩﭽﯩﺪﯨﻜﻰ ﻣﯘﺳﯘﻟﻤﺎﻥ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ ﺑﯧﺮﻯ ﺑﻮﻟﻐﺎﻥ، ﺋﯩﯖﮕﯘﺷﯩﺘﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﭘﺎﻳﺘﻪﺧﺘﻰ ﻧﺎﺯﺭﺍﻥ ﺷﻪﻫﯩﺮﯨﺪﻩ، ﻫﯚﻛﯜﻣﻪﺗﻜﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﻏﺎﻥ ﺋﯩﯖﮕﯘﺵ ﻳﺎﺷﻠﯩﺮﻯ ﺑﯩﻠﻪﻥ ﺭﯗﺱ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺷﻼﺭﺩﺍ ﺋﺎﺯ ﺩﯦﮕﻪﻧﺪﻩ ﺑﯩﺮ ﻧﺎﻣﺎﻳﯩﺸﭽﻰ ﻳﺎﺭﯨﻼﻧﻐﺎﻥ ﯞﻩ 40 ﻛﯩﺸﻰ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺳﺎﻗﭽﯩﻼﺭ، ﻧﺎﺯﺭﺍﻥ ﺷﻪﻫﺮﯨﻨﯩﯔ ﻣﻪﺭﻛﯩﺰﯨﺪﻩ ﺗﻮﭘﻠﯩﻨﯩﭗ، ﺭﯗﺳﯩﻴﻪ ﭘﺮﯦﺰﯨﺪﯦﻨﺘﯩﻨﯩﯔ ﺋﯩﺘﺘﯩﭙﺎﻗﺪﯨﺸﻰ ﻫﯧﺴﺎﺑﻼﻧﻐﺎﻥ، ﺋﯩﯖﮕﯘﺷﯩﺘﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﻣﯘﺭﺍﺕ ﺯﯨﻴﺎﺯﯨﻜﻮﻑ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ، ﺷﯘﺋﺎﺭ ﺗﻮﯞﻻﺷﻘﺎ ﺑﺎﺷﻠﯩﻐﺎﻥ ﻧﺎﻣﺎﻳﯩﺸﭽﯩﻼﺭﻧﻰ ﺋﯘﺭﯗﭖ، ﺋﯘﻻﺭﻧﻰ ﺋﻮﻗﻘﺎ ﺗﯘﺗﻘﺎﻥ. ﻧﺎﻣﺎﻳﯩﺸﭽﯩﻼﺭ ﺑﻮﻟﺴﺎ، ﻧﺎﺯﺭﺍﻥ ﺷﻪﻫﯩﺮﯨﺪﯨﻜﻰ ﺑﯩﺮ ﻣﯩﻬﻤﺎﻧﺨﺎﻧﺎ ﯞﻩ ﻳﻪﺭﻟﯩﻚ ﻫﯚﻛﯜﻣﻪﺗﻨﯩﯔ ﻛﻮﻧﺘﺮﻭﻟﻠﯩﻘﯩﺪﯨﻜﻰ ﺑﯩﺮ ﮔﯧﺰﯨﺘﺨﺎﻧﺎ ﺑﯩﻨﺎﺳﯩﻐﺎ ﺋﻮﺕ ﻗﻮﻳﯘﭖ ﺑﻪﺭﮔﻪﻥ.

ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭ، ﺭﯗﺱ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﯨﻨﯩﯔ ﺑﯘ ﻫﻪﺭﯨﻜﯩﺘﻰ، ﺭﯗﺳﯩﻴﻪ ﻓﯧﺪﯦﺮﺍﺗﺴﯩﻴﯩﺴﻰ ﺗﻪﺭﻛﯩﺒﯩﺪﯨﻜﻰ ﻧﺎﻣﺮﺍﺕ ﻣﯘﺳﯘﻟﻤﺎﻥ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻼﻧﻐﺎﻥ، ﺋﯩﯖﮕﯘﺷﯩﺘﯩﻴﯩﺪﯨﻜﻰ ﯞﻩﺯﯨﻴﻪﺗﻨﻰ ﺗﯧﺨﯩﻤﯘ ﺟﯩﺪﺩﯨﻴﻠﻪﺷﺘﯜﺭﯛﺩﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﯩﯖﮕﯘﺷﯩﺘﯩﻴﻪ، ﭼﯩﭽﻪﻧﯩﺴﺘﺎﻧﻐﺎ ﻗﻮﺷﻨﺎ ﺑﻮﻟﯘﭖ، ﺋﯩﯖﮕﯘﺵ ﺧﻪﻟﻘﻰ ﺗﯩﻞ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻦ ﭼﯧﭽﻪﻥ ﺧﻪﻟﻘﻰ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺗﻠﻪﺭﮔﻪ ﺋﯩﮕﻪ. ﭼﯧﭽﻪﻧﯩﺴﺘﺎﻥ ﺋﯘﺭﯗﺷﻰ ﺟﻪﺭﻳﺎﻧﯩﺪﺍ ﻧﻪﭼﭽﻪ ﺋﻮﻥ ﻣﯩﯖﻠﯩﻐﺎﻥ ﭼﯧﭽﻪﻥ، ﺋﯩﯖﮕﯘﺷﯩﺘﯩﻴﯩﺪﻩ ﭘﺎﻧﺎﻫﻼﻧﻐﺎﻥ ﯞﻩ ﺋﯘﻻﺭﻧﯩﯔ ﺑﯩﺮ ﻗﯩﺴﯩﻤﻰ ﻫﯧﻠﯩﻤﯘ ﺋﯩﯖﮕﯘﺷﯩﺘﯩﻴﯩﺪﻩ ﻳﺎﺷﯩﻤﺎﻗﺘﺎ. ﺭﯗﺳﻼﺭﻧﯩﯔ ﭼﯧﭽﻪﻧﯩﺴﺘﺎﻧﺪﺍ ﺋﯧﻠﯩﭗ ﺑﺎﺭﻏﺎﻥ ﻫﻪﺭﺑﯩﻲ ﻫﻪﺭﯨﻜﯩﺘﻰ، ﭼﯧﭽﻪﻧﻠﻪﺭﮔﻪ ﻳﯧﻘﯩﻦ ﻫﯧﺴﺪﺍﺷﻠﯩﻖ ﺑﯩﻠﺪﯛﺭﮔﻪﻥ ﺋﯩﯖﮕﯘﺵ ﺧﻪﻟﻘﻰ ﺋﯩﭽﯩﺪﻩ ﭼﻮﯕﻘﯘﺭ ﺗﻪﺳﯩﺮ ﻗﺎﻟﺪﯗﺭﻏﺎﻥ ﻫﻪﻣﺪﻩ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﻪﻟﻘﯩﻨﯩﯔ، ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﭘﯘﺗﯩﻨﻨﯩﯔ ﺋﯩﺘﺘﯩﭙﺎﻗﺪﯨﺸﻰ ﻫﻪﻣﺪﻩ ﭘﯘﺗﯩﻨﻐﺎ ﺋﻮﺧﺸﺎﺷﻼ ﺳﺎﺑﯩﻖ ﺭﯗﺱ ﺭﺍﺯﯞﯦﺘﻜﺎ ﺧﺎﺩﯨﻤﻰ ﺑﻮﻟﻐﺎﻥ، ﺋﯩﯖﮕﯘﺷﯩﺘﯩﻴﻪ ﭘﺮﯦﺰﯨﺪﯦﻨﺘﻰ ﺯﯨﻴﺎﺯﯨﻜﻮﻑ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻘﻰ ﻛﯜﭼﻪﻳﻤﻪﻛﺘﻪ ﺋﯩﺪﻯ.

ﺋﯩﯖﮕﯘﺷﯩﺘﯩﻴﻪ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺟﯜﻣﻪ ﻛﯜﻧﻰ، ﭘﺮﯦﺰﯨﺪﯦﻨﺖ ﻣﯘﺭﺍﺕ ﺯﯨﻴﺎﺯﯨﻜﻮﻓﻨﯩﯔ ﺑﯘﻳﺮﯗﻗﻰ ﺑﯩﻠﻪﻥ، 500 ﻣﯩﯔ ﻧﻮﭘﯘﺳﻘﺎ ﺋﯩﮕﻪ ﺋﯩﯖﮕﯘﺷﯩﺘﯩﻴﯩﺪﻩ ﻛﻪﯓ ﻛﯚﻟﻪﻣﻠﯩﻚ ﺑﯩﺮ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺑﺎﺷﻼﺗﻘﺎﻥ. (ﺋﯚﻣﻪﺭ ﻗﺎﻧﺎﺕ)