ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ": ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺧﯩﺘﺎﻳﺪﯨﻜﻰ ﯞﻩﺯﯨﻴﯩﺘﯩﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﯩﺪﻯ"

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ 7‏ - ﻣﺎﺭﺕ ﻛﯜﻧﻰ ﺑﯩﺮ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﻣﻪﺳﯩﻠﺴﯩﺪﻩ ﺧﻪﻟﻘﺌﺎﺭﺍﺩﯨﻜﻰ ﺑﯧﺴﯩﻤﻐﺎ ﻗﺎﺭﯨﻤﺎﻱ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮﻏﯩﭽﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﯞﻩ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﻰ ﻣﻪﺳﯩﻠﺴﯩﺪﻩ ﻫﯧﭽﻘﺎﻧﺪﺍﻕ ﺋﯩﺠﺎﺑﯩﻲ ﻗﺎﺭﺍﺭ ﺋﺎﻟﻤﯩﻐﺎﻧﻠﯩﻘﯩﻨﻰ، ﺑﯩﻠﺪﯛﺭﺩﻯ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﯞﯦﻨﺴﯩﻦ ﺑﺮﻭﺳﻪﻝ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺧﯩﺘﺎﻳﺪﯨﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺑﯧﺴﯩﻤﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﺸﻰ ﻛﯧﺮﻩﻙ" ﺩﯦﮕﻪﻥ. ﺋﯘ، ﺧﻪﻟﻘﺌﺎﺭﺍﺩﯨﻜﻰ ﺧﯩﺘﺎﻳﻐﺎ ﻗﺎﺭﯨﺘﯩﻠﻐﺎﻥ ﺑﯧﺴﯩﻤﻨﯩﯔ، ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺧﯩﺘﺎﻳﺪﯨﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﻣﻪﺳﯩﻠﺴﯩﺪﻩ ﺩﯦﮕﻪﻧﺪﻩﻙ ﺗﻪﺳﯩﺮ ﻛﯚﺭﺳﻪﺗﻤﯩﮕﻪﻥ ﺑﻮﻟﺴﯩﻤﯘ ﺋﻪﻣﻤﺎ، ﺩﺍﺭﻓﯘﺭ ﻣﻪﺳﯩﻠﺴﯩﻰ ﻗﺎﺗﺎﺭﻟﯩﻖ ﺑﺎﺷﻘﺎ ﻣﻪﺳﯩﻠﯩﻠﻪﺭﺩﻩ ﺋﯚﺯ ﺗﻪﺳﯩﺮﯨﻨﻰ ﻛﯚﺭﺳﻪﺗﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﻳﺎﻧﺎﺗﭽﯩﺴﯩﻨﯩﯔ ﺋﯧﻴﺘﯩﺸﯩﭽﻪ، 2008‏ - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯩﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﯘﺭﺝ ﺑﯘﺵ ﯞﻩ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﻯ، ﻗﺎﺗﺎﺭﻟﯩﻖ ﺭﻩﻫﺒﻪﺭﻟﻪﺭﻧﯩﯔ ﺑﯧﺴﯩﻤﻰ ﺗﯧﺨﯩﻤﯘ ﺋﯩﺠﺎﺑﯩﻲ ﺗﻪﺳﯩﺮ ﻗﻮﺯﻏﺎﻳﺪﯨﻜﻪﻥ.

2008‏ - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﯞﻩ ﺧﯩﺘﺎﻱ ﺧﻪﻟﻘﯩﻨﯩﯔ ﺩﯨﻘﻘﯩﺘﯩﻨﻰ، ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﺴﯩﮕﻪ ﺗﺎﺭﺗﯩﺶ ﺋﯜﭼﯜﻥ ﺧﯩﺘﺎﻱ ﺋﯩﭽﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﻪﺭﻧﯩﯔ ﺋﯧﻐﯩﺮ ﺑﻪﺩﻩﻝ ﺗﯚﻟﻪﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﯞﯨﻨﺴﻮﻥ ﺑﻮﺭﺳﻪﻝ، "ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﺪﺍﻕ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﺩﯙﻟﻪﺕ ﻫﺎﻛﯩﻤﯩﻴﯩﺘﯩﻨﻰ ﺋﺎﻏﺪﯗﺭﯗﺷﻘﺎ ﺋﯘﺭﯗﻧﻐﺎﻥ ﺩﻩﭖ، ﻗﻮﻟﻐﺎ ﺋﯧﻠﯩﯟﺍﺗﯩﺪﯗ" ﺩﯦﺪﻯ. (ﺋﯚﻣﻪﺭ ﻗﺎﻧﺎﺕ)