ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻳﻨﻰ، ﻣﻪﺷﻬﯘﺭ ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﺴﻰ ﺧﯘ ﺟﻴﺎﻧﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﺩﻯ

ﻣﻪﺭﻛﯩﺰﻯ ﭘﺎﺭﯨﮋﻏﺎ ﺟﺎﻳﻼﺷﻘﺎﻥ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ، 28 ‏- ﺩﯦﻜﺎﺑﯩﺮ ﻛﯜﻧﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ، ﻣﻪﺷﻬﯘﺭ ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﺴﻰ ﺧﯘ ﺟﻴﺎﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ ﯞﻩ ﺋﯘﻧﻰ ﻗﻮﻳﯘﯞﯦﺘﯩﺸﻜﻪ ﭼﺎﻗﯩﺮﺩﻯ.

ﺧﯘ ﺟﻴﺎ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﯞﻩ ﺋﯘﻧﯩﯔ ﺧﻪﺗﯩﺮﻯ ﻫﻪﻗﻘﯩﺪﻩ، ﺋﯜﺯﻟﯜﻛﺴﯩﺰ ﺋﻪﻫﯟﺍﻝ ﺋﯩﮕﯩﻠﻪﭖ، ﺑﯩﺮ ﺗﻪﺭﻩﭘﺘﯩﻦ ﺋﻪﻳﺪﯨﺰ ﺑﯩﻤﺎﺭﻟﯩﺮﯨﻨﻰ ﻛﯧﺴﻪﻟﺪﯨﻦ ﻣﯘﺩﺍﭘﯩﺌﻪﻟﯩﻨﯩﺸﻜﻪ ﭼﺎﻗﯩﺮﺳﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ، ﺑﯘ ﻫﻪﻗﺘﻪ ﺟﯩﺪﺩﯨﻲ ﺗﻪﺩﺑﯩﺮ ﺋﯧﻠﯩﺸﻘﺎ ﭼﺎﻗﯩﺮﻏﺎﻥ ﻫﻪﻡ ﺩﯗﻧﻴﺎﻏﺎ ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﯞﻩﺯﯨﻴﯩﺘﯩﻨﻰ ﭘﺎﺵ ﻗﯩﻠﯩﭗ ﻛﻪﻟﮕﻪﻥ ﺋﯩﺪﻯ.

ﺧﯘ ﺟﻴﺎﻧﯩﯔ ﺑﯘ ﭘﺎﺋﺎﻟﯩﻴﻪﺗﻠﯩﺮﻯ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻗﯘﺗﺮﺍﺗﻘﯘﻟﯘﻕ ﺩﻩﭖ ﻗﺎﺭﯨﻠﯩﭗ، ﺋﯘ ﻛﯚﭖ ﻗﯧﺘﯩﻢ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﯧﻠﯩﻨﻐﺎﻥ ﯞﻩ ﺳﻮﺭﺍﻗﻘﺎ ﺗﺎﺭﺗﯩﻠﻐﺎﻥ ﺋﯩﺪﻯ. ﻳﯧﻘﯩﻨﺪﺍ ﺋﯘ، ﺩﯙﻟﻪﺕ ﻫﺎﻛﯩﻤﯩﻴﯩﺘﯩﻨﻰ ﺋﺎﻏﺪﯗﺭﯗﺷﻘﺎ ﺋﯘﺭﯗﻧﯘﺵ ﺟﯩﻨﺎﻳﯩﺘﻰ ﺑﯩﻠﻪﻥ ﺋﻪﻳﯩﺒﻠﯩﻨﯩﭗ ﺗﻪﻛﺮﺍﺭ ﻗﻮﻟﻐﺎ ﺋﯧﻠﯩﻨﻐﺎﻥ. ﺧﯘ ﺟﻴﺎﻧﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﺑﻮﻟﺴﺎ، ﭼﻪﺗﺌﻪﻟﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺟﻪﻣﺌﯩﻴﻪﺗﻠﯩﺮﯨﻨﯩﯔ ﺋﺎﻟﻘﯩﺸﯩﻐﺎ ﺋﯧﺮﯨﺸﻜﻪﻥ ﯞﻩ ﺋﺎﺋﯩﻠﯩﺴﻰ ﺑﯘﻳﯩﭽﻪ ﺑﯘ ﻳﯩﻞ 5 ‏- ﺩﯦﻜﺎﺑﯩﺮﺩﺍ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺋﯜﭼﯜﻥ ﺗﻪﺳﯩﺲ ﻗﯩﻠﻐﺎﻥ ﺋﺎﻻﻫﯩﺪﻩ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ ﺋﯩﺪﻯ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺑﯘ ﻗﯧﺘﯩﻤﻘﻰ ﺑﺎﻳﺎﻧﺎﺗﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺧﯘ ﺟﻴﺎﻧﻰ ﺩﻩﺭﻫﺎﻝ ﻗﻮﻳﯘﯞﯦﺘﯩﺸﻜﻪ ﭼﺎﻗﯩﺮﯨﺶ ﺑﯩﻠﻪﻥ ﺗﻪﯓ ﻳﺎﯞﺭﻭﭘﺎ ﺑﯩﺮﻟﯩﻜﯩﻨﻰ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﺩﻯ. (ﺷﯚﻫﺮﻩﺕ ﻫﻮﺷﯘﺭ)