ﺋﯘﻛﺮﺍﺋﯩﻨﯩﻴﻪ ﺩﯨﻚ ﭼﯧﻨﯩﻴﻨﯩﯔ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻜﻰ 3 ﺟﯘﻣﻬﯘﺭﯨﻴﻪﺗﺘﻪ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﯩﻨﯩﯔ ﺋﺎﺧﯩﺮﻗﻰ ﺑﯧﻜﯩﺘﻰ ﺑﻮﻟﯘﭖ، ﺋﯘ ﺋﯘﻛﺮﺍﺋﯩﻨﯩﻴﯩﮕﻪ ﻛﯧﻠﯩﺸﺘﯩﻦ ﺑﯘﺭﯗﻥ ﮔﺮﻭﺯﯨﻴﻪ ﺑﯩﻠﻪﻥ ﺋﻪﺯﻩﺭﺑﻪﻳﺠﺎﻧﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ.

ﮔﺮﻭﺯﯨﻴﻪ ﺑﻮﻟﺴﺎ ﺗﯧﺨﻰ ﻳﯧﻘﯩﻨﺪﯨﻼ ﺭﯗﺳﯩﻴﯩﻨﯩﯔ ﻫﯘﺟﯘﻣﯩﻐﺎ ﺋﯘﭼﺮﯨﻐﺎﻥ ﺋﯩﺪﻯ. ﺩﯨﻚ ﭼﯧﻨﯩﻲ ﺋﯘﻛﺮﺍﺋﯩﻨﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺗﯧﻤﯩﺸﯩﻨﻜﻮ ﯞﻩ ﭘﺮﯦﺰﯨﺪﯦﻨﺖ ﻳﯘﺷﯩﻨﻜﻮﻻﺭ ﺑﯩﻠﻪﻥ ﺋﯘﭼﺮﺍﺷﻘﺎﻥ. ﺩﯨﻚ ﭼﯧﻨﯩﻲ ﺋﯘﻛﺮﺍﺋﯩﻨﯩﻴﻪ ﭘﺮﯦﺰﯨﺪﯦﻨﺘﻰ ﻳﯘﺷﯩﻨﻜﻮﻏﺎ ﺋﻮﻛﺮﺍﺋﯩﻨﯩﻴﯩﻨﯩﯔ ﺑﯩﺨﻪﺗﻪﺭﻟﯩﻜﻰ ﺋﺎﻣﯧﺮﯨﻜﯩﻨﯩﯔ "ﭼﻮﯕﻘﯘﺭ ﯞﻩ ﺋﯘﺯﯗﻥ ﻣﯘﺩﺩﻩﺗﻠﯩﻚ ﻣﻪﻧﭙﻪﺋﻪﺗﻰ" ﮔﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﻛﯚﺯﻩﺗﻜﯜﭼﯩﻠﻪﺭ ﺋﻮﻛﺮﺍﺋﯩﻨﯩﻴﯩﻨﻰ ﻏﻪﺭﺏ ﺑﯩﻠﻪﻥ ﺭﯗﺳﯩﻴﯩﻨﯩﯔ ﻛﯧﻴﯩﻨﻜﻰ ﻗﻪﺩﻩﻣﺪﯨﻜﻰ ﺗﻮﻗﯘﻧﯘﺵ ﻧﯘﻗﺘﯩﺴﻰ ﺑﻮﻟﯘﭖ ﻗﺎﻟﯩﺪﯗ، ﺩﻩﭖ ﺋﺎﻧﺎﻟﯩﺰ ﻗﯩﻠﯩﺸﻤﺎﻗﺘﺎ. ﺩﯨﻚ ﭼﯧﻨﯩﻲ ﻣﯘﻧﺪﺍﻕ ﺩﻩﻳﺪﯗ": ﺑﯩﺰ ﻛﯩﺸﯩﻠﻪﺭﻧﯩﯔ ﺯﯗﻟﯘﻣﻜﺎﺭ ﻛﯜﭼﻠﻪﺭﻧﯩﯔ ﺗﻪﻫﺪﯨﺘﻰ، ﺋﯩﻘﺘﯩﺴﺎﺩﻯ ﺳﺎﺭﺍﺳﯩﻤﻰ ﯞﻩ ﻫﻪﺭﺑﯩﻲ ﺋﯩﺸﻐﺎﻟﯩﻴﯩﺘﻰ ﻫﻪﻡ ﻗﻮﺭﻗﯘﺗﯘﺷﯩﺪﯨﻦ ﺧﺎﻟﻰ ﻫﺎﻟﺪﺍ ﻣﻪﯞﺟﯜﺕ ﺑﻮﻟﯘﭖ ﺗﯘﺭﯗﺵ ﻫﻮﻗﯘﻗﻰ ﺑﺎﺭﻟﯩﻘﯩﻐﺎ ﺋﯩﺸﯩﻨﯩﻤﯩﺰ".

ﺩﯨﻚ ﭼﯧﻨﯩﻴﻨﯩﯔ ﺋﯘﻛﺮﺍﺋﯩﻨﯩﻴﻪ ﺯﯨﻴﺎﺭﯨﺘﻰ ﺭﯗﺳﯩﻴﯩﻨﯩﯔ ﮔﺮﯗﺯﯨﻴﯩﮕﻪ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻫﻪﺭﺑﯩﻲ ﻫﯘﺟﯘﻣﻰ ﺗﯜﭘﻪﻳﻠﻰ ﺋﯘﻛﺮﺍﺋﯩﻨﯩﻴﻪ ﺳﯩﻴﺎﺳﻰ ﻣﯘﻗﯘﻣﺴﯩﺰﻟﯩﻘﻘﺎ ﭼﯜﺷﯜﭖ ﻗﺎﻟﻐﺎﻥ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﺪﻯ. ﭼﯜﻧﻜﻰ ﻳﯧﻘﯩﻨﺪﺍ ﺋﯘﻛﺮﺍﺋﯩﻨﯩﻴﻪ ﭘﺎﺭﻻﻣﯧﻨﺘﯩﺪﯨﻜﻰ ﺭﯗﺳﯩﻴﻪﭘﻪﺭﻩﺱ ﻛﯜﭼﻠﻪﺭ ﺋﯘﻛﺮﺍﺋﯩﻨﯩﻴﻪ ﭘﺎﺭﻻﻣﯧﻨﺘﯩﺪﺍ ﺑﺎﺵ ﻣﯩﻨﯩﺴﺘﯩﺮ ﺗﯧﻤﻮﺷﯩﻨﻜﻮﻧﯩﯔ ﭘﺎﺭﺗﯩﻴﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺭﯗﺳﯩﻴﯩﻨﯩﯔ ﮔﺮﯗﺯﯨﻴﯩﺪﯨﻜﻰ ﻫﻪﺭﺑﯩﻲ ﻫﻪﺭﯨﻜﯩﺘﯩﻨﻰ ﺗﻪﻧﻘﯩﺪ ﻗﯩﻠﯩﺶ ﺗﻮﻏﺮﯨﺴﯩﺪﯨﻜﻰ ﻗﺎﺭﺍﺭ ﻻﻳﯩﻬﯩﺴﯩﻨﯩﯔ ﻣﺎﻗﯘﻟﻠﯩﻨﯩﺸﯩﻨﻰ ﺗﻮﺳﯘﭖ ﻗﺎﻟﻐﺎﻥ.