ﺩﯗﻧﻴﺎﺩﯨﻜﻰ ﺩﯨﻨﯩﻲ ﺭﻩﻫﺒﻪﺭﻟﻪﺭ ﻫﯩﻨﺪﯨﺴﺘﺎﻧﺪﺍ ﺋﯘﭼﺮﯨﺸﯩﭗ ﺯﻭﺭﺍﯞﺍﻧﻠﯩﻖ - ﯞﻩﻫﺸﯩﻴﻠﯩﻚ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ

ﻫﺎﺯﯨﺮ ﺩﯗﻧﻴﺎﺩﯨﻜﻰ ﺋﺎﺳﺎﺳﻠﯩﻖ ﺩﯨﻨﻼﺭﻧﯩﯔ ﺩﯨﻨﯩﻲ ﺭﻩﻫﺒﻪﺭﻟﯩﺮﻯ ﺩﯛﺷﻪﻧﺒﻪ ﻛﯜﻧﻰ ﻫﯩﻨﺪﯨﺴﺘﺎﻧﻨﯩﯔ ﺋﺎﻣﺮﯨﺘﺴﺎﺭ ﺷﻪﻫﯩﺮﯨﺪﻩ ﺋﯘﭼﺮﯨﺸﯩﭗ، ﻣﻪﺯﻫﻪﭘﻠﻪﺭ ﺋﺎﺭﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﻪﭘﺮﯨﻘﯩﭽﯩﻠﯩﻚ ﯞﻩ ﯞﻩﻫﺸﯩﻴﻠﯩﻜﻠﻪﺭﻧﻰ ﻗﺎﻧﺪﺍﻕ ﺋﺎﻳﺎﻏﻼﺷﺘﯘﺭﯗﺵ ﻣﻪﺳﯩﻠﯩﺴﯩﺪﻩ ﻣﯘﻫﺎﻛﯩﻤﻪ ﺋﯧﻠﯩﭗ ﺑﺎﺭﺩﻯ.

ﺋﯧﻠﯩﺠﺎﻫ ﺩﯗﻧﻴﺎ ﺩﯨﻨﯩﻲ ﺭﻩﻫﺒﻪﺭﻟﻪﺭ ﻣﻪﺟﻠﯩﺴﻰ ﺩﯗﻧﻴﺎﺩﯨﻜﻰ ﺋﺎﺳﺎﺳﻠﯩﻖ ﺩﯨﻨﻼﺭﺩﯨﻦ ﺋﯩﺴﻼﻡ، ﺧﺮﯨﺴﺘﯩﺌﺎﻥ، ﻫﯩﻨﺪﻯ، ﺳﯩﻜﻬﺲ ﯞﻩ ﻳﻪﻫﯘﺩﯨﻲ ﺩﯨﻨﻠﯩﺮﻯ ﺋﺎﺭﯨﺴﯩﺪﺍ ﺋﯚﺯ-ﺋﺎﺭﺍ ﺩﯨﺌﺎﻟﻮﮔﻨﻰ ﺋﯩﻠﮕﯩﺮﻯ ﺳﯜﺭﯛﺵ ﻣﻪﻗﺴﯩﺘﯩﺪﻩ 1996- ﻳﯩﻠﻰ، ﻗﯘﺭﯗﻟﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﻣﻪﺟﻠﯩﺴﻨﯩﯔ ﺗﻮﺭ ﺑﯧﺘﯩﺪﻩ ﺑﯧﺮﯨﻠﮕﻪﻥ ﺋﯘﭼﯘﺭﻻﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺕ ﻫﯩﻨﺪﯨﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺩﯨﻨﯩﻲ ﺭﻩﻫﺒﻪﺭﻟﻪﺭ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﯩﯔ ﺑﺎﺵ ﺗﯧﻤﯩﺴﻰ " ﻣﯘﻫﻪﺑﺒﻪﺕ ﯞﻩ ﺋﻪﭘﯘ ﻗﯩﻠﯩﺶ ﺗﯧﻤﯩﺴﯩﺪﺍ ﭘﺎﺭﺍﺳﻪﺕ ﺋﺎﻟﻤﺎﺷﺘﯘﺭﯗﺵ" ﻗﯩﻠﯩﭗ ﺑﯧﻜﯩﺘﯩﻠﮕﻪﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺗﻠﯩﻚ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﻰ ﺑﻮﻟﺴﺎ، ﺩﯗﻧﻴﺎﺩﯨﻜﻰ ﺋﺎﺳﺎﺳﻠﯩﻖ ﺩﯨﻨﻼﺭ ﺋﺎﺭﯨﺴﯩﺪﯨﻜﻰ ﺋﯚﺯ -ﺋﺎﺭﺍ ﭼﯜﺷﻪﻧﭽﯩﻨﻰ ﻛﯜﭼﻪﻳﺘﯩﺶ ﯞﻩ ﺩﯨﻨﻐﺎ ﺑﺎﻏﻼﻧﻐﺎﻥ ﯞﻩﻫﺸﯩﻴﻠﯩﻜﻠﻪﺭﻧﻰ ﻛﯧﻤﻪﻳﺘﯩﺶ ﺋﯜﭼﯜﻥ، ﺋﺎﻟﺪﯨﻨﻘﻰ ﻧﯚﯞﻩﺗﻠﯩﻚ ﺋﯘﭼﺮﯨﺸﯩﺸﻼﺭﺩﺍ ﻫﺎﺳﯩﻞ ﺑﻮﻟﻐﺎﻥ ﻧﻪﺗﯩﺠﯩﻠﻪﺭﻧﻰ ﺑﯩﺮﯨﻜﺘﯜﺭﯛﭖ ﺑﯩﺮ ﺗﻪﺭﺑﯩﻴﯩﯟﯨﻲ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺩﻩﺭﺳﻠﯩﻚ ﺗﯜﺯﯛﭖ ﭼﯩﻘﯩﺶ ﺋﯩﻜﻪﻥ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﺪﺍ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ، ﻣﻪﺯﻛﯘﺭ ﻳﯩﻐﯩﻨﻨﯩﯔ ﺑﺎﻳﺎﻧﺎﺗﭽﯩﺴﻰ ﺳﯩﻤﻮﻥ ﻛﻮﻫﻪﻧﻨﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺋﯘ "ﻣﯘﻫﻪﺑﺒﻪﺕ ﺑﯧﺮﯨﺶ، ﻗﻮﺑﯘﻝ ﻗﯩﻠﯩﺶ ﯞﻩ ﻛﻪﭼﯜﺭﯛﻡ ﭼﯜﺷﻪﻧﭽﯩﺴﻰ ﻫﻪﻣﻤﻪﻳﻠﻪﻥ ﭘﯩﻜﯩﺮ ﺑﯩﺮﻟﯩﻜﻰ ﻫﺎﺳﯩﻞ ﻗﯩﻠﻐﺎﻥ ﺑﯩﺮ ﺗﻪﺭﻩﭖ ﺑﻮﻟﯘﭖ، ﺑﯩﺰ ﺑﯘﻧﻰ ﺭﯦﺌﺎﻝ ﺩﯗﻧﻴﺎﻏﺎ ﺋﯧﻠﯩﭗ ﻛﯧﻠﯩﺸﻨﻰ ﺧﺎﻻﻳﻤﯩﺰ" ﺩﯦﮕﻪﻥ.

ﺑﯘ، ﺋﯧﻠﯩﺠﺎﻫ ﺩﯗﻧﻴﺎ ﺩﯨﻨﯩﻲ ﺭﻩﻫﺒﻪﺭﻟﻪﺭ ﻣﻪﺟﻠﯩﺴﻨﯩﯔ 3- ﻗﯧﺘﯩﻢ ﺋﯘﭼﺮﯨﺸﯩﺸﻰ ﺑﻮﻟﯘﭖ، ﻣﻪﺯﻛﯘﺭ ﻣﻪﺟﻠﯩﺲ 2003- ﻳﯩﻠﻰ ﺋﯩﺴﭙﺎﻧﯩﻴﯩﺪﻩ ﯞﻩ 2005- ﻳﯩﻠﻰ ﺗﻪﻳﯟﻩﻧﺪﻩ ﻣﯘﺷﯘ ﺧﯩﻠﺪﯨﻜﻰ ﻣﯘﻫﺎﻛﯩﻤﻪ ﻳﯩﻐﯩﻨﻠﯩﺮﯨﻨﻰ ﺋﯧﭽﯩﭗ ﺩﯨﻨﻼﺭ ﺋﺎﺭﺍ ﺩﯨﺌﺎﻟﻮﮔﻨﻰ ﻛﯜﭼﻪﻳﺘﯩﺶ ﺋﯜﺳﺘﯩﺪﻩ ﻣﯘﻫﺎﻛﯩﻤﻪ ﺋﯧﻠﯩﭗ ﺑﺎﺭﻏﺎﻥ ﺋﯩﺪﻯ. (ﺟﯜﻣﻪ‏)