ﭼﯧﮕﺮﺍﺳﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ Google ﻧﯩﯔ ﺧﯩﺘﺎﻳﻨﯩﯔ ﺗﻪﻟﯩﭙﯩﮕﻪ ﻗﻮﺷﯘﻟﻐﺎﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ

ﭼﯧﮕﺮﺍﺳﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﭼﺎﺭﺷﻪﻧﺒﻪ ﻛﯜﻧﻰ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﯩﻨﺘﯧﺮﻧﯧﺖ ﺗﻮﺭﯨﻨﻰ ﺋﯩﺰﺩﻩﺵ ﭘﻮﻧﻜﯩﺘﻰ ﺑﻮﻟﻐﺎﻥ Google ﻧﻰ ﺋﻪﻳﯩﺒﻠﻪﭖ، ﺋﯘﻧﯩﯔ ﺧﯩﺘﺎﻳﻨﯩﯔ ﺗﻮﺭ ﻣﯘﻻﺯﯨﻤﻪﺕ ﻣﻪﺯﻣﯘﻧﻠﯩﺮﯨﻨﻰ ﺗﻪﻛﺸﯜﺭﯛﺵ ﺗﻪﻟﯩﭙﯩﮕﻪ ﻗﻮﺷﯘﻟﯘﺷﯩﻨﯩﯔ، ﺳﯚﺯ ﺋﻪﺭﻛﯩﻨﻠﯩﻜﻰ ﺋﯜﭼﯜﻥ ﺑﯩﺮ ﻗﺎﺑﺎﻫﻪﺗﻠﯩﻚ ﺧﻪﯞﻩﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﭼﯧﮕﺮﺍﺳﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺑﺎﻳﺎﻧﺎﺗﯩﺪﺍ، " Google ﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺶ ﻗﺎﺭﺍﺭﻯ، ﻧﻮﻣﯘﺳﺴﯩﺰﻟﯩﻖ. Google ﻧﯧﻤﯩﺸﻘﺎ ﺋﺎﻣﯧﺮﯨﻜﯩﺪﺍ ﺗﻮﺭﻏﺎ ﭼﯩﻘﻘﯘﭼﯩﻼﺭﻧﯩﯔ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﻳﺪﯨﻴﯘ، ﺧﯩﺘﺎﻳﺪﯨﻜﻰ ﺗﻮﺭﻏﺎ ﭼﯩﻘﻘﯘﭼﯩﻼﺭﻧﯩﯔ ﺋﯩﺰﺩﻩﺵ ﻫﻮﻗﯘﻗﯩﻨﻰ ﭼﻪﻛﻠﻪﻳﺪﯗ؟" ﺩﻩﻳﺪﯗ.

Google ﻧﯩﯔ ﺋﯩﻠﮕﯩﺮﻯ ﺧﯩﺘﺎﻳﻐﺎ ﻛﯩﺮﮔﯜﺯﮔﻪﻥ ﺋﯩﺰﺩﻩﺵ ﺋﻪﺳﯟﺍﺑﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﺎﻗﺘﯩﯟﯦﺘﯩﻠﮕﻪﻥ ﺋﯩﺪﻯ. ﺋﻪﻣﻤﺎ ﺑﯘ ﻗﯧﺘﯩﻢ Google ﺧﯩﺘﺎﻳﻨﯩﯔ ﺑﯩﺮ ﻗﯩﺴﯩﻢ ﺗﻪﻟﻪﭘﻠﯩﺮﯨﮕﻪ ﻗﻮﺷﯘﻟﯘﭖ، ﺧﯩﺘﺎﻳﺪﯨﻜﻰ ﻣﯘﻻﺯﯨﻤﻪﺕ ﻣﻪﺯﻣﯘﻧﻠﯩﺮﯨﻨﻰ ﺗﻪﻛﺸﯜﺭﯛﺷﻜﻪ ﻣﺎﻗﯘﻝ ﺑﻮﻟﻐﺎﻥ.

ﺑﯘﻧﺪﺍﻕ ﺑﻮﻟﻐﺎﻧﺪﺍ، ﺧﯩﺘﺎﻳﺪﯨﻜﻰ ﺋﯩﻨﺘﯧﺮﻧﯧﺘﻜﻪ ﭼﯩﻘﻘﯘﭼﯩﻼﺭ " ﻛﯩﺸﯩﻠﯩﻚ ﻫﻮﻗﯘﻕ، ﺋﻪﺭﻛﯩﻨﻠﯩﻚ ﯞﻩ ﺗﯩﺒﻪﺕ" ﺩﯦﮕﻪﻧﮕﻪ ﺋﻮﺧﺸﺎﺵ ﺳﯚﺯﻟﻪﺭﻧﻰ ﻛﯩﺮﮔﯜﺯﮔﻪﻧﺪﻩ، ﺑﯘ ﺋﺎﯞﺍﻝ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻮﺭ ﺑﻪﺗﻠﯩﺮﯨﺪﯨﻜﻰ ﺑﯘ ﺳﯚﺯﻟﻪﺭ ﺑﺎﺭ ﺑﻪﺗﻠﻪﺭﮔﻪ ﺋﯘﻟﯩﻨﯩﺪﯨﻜﻪﻥ. ﺑﯘﻧﯩﯖﻐﺎ ﻫﻪﺭ ﻗﺎﻳﺴﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﻛﯜﭼﻠﯜﻙ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﻣﻪﻛﺘﻪ. ﺋﻪﻣﻤﺎ Google ﺗﻪﺭﻩﭖ ﺑﻮﻟﺴﺎ ﺑﯘ ﻫﻪﻗﺘﻪ ﺋﯚﺯﯨﻨﻰ ﺋﺎﺧﻼﭖ، ﺧﯩﺘﺎﻱ ﺑﺎﺯﯨﺮﯨﻐﺎ ﻛﯩﺮﯨﺶ ﺋﯜﭼﯜﻥ ﻣﯘﺷﯘﻧﺪﺍﻕ ﻗﯩﻠﻤﺎﻱ ﺋﺎﻣﺎﻟﺴﯩﺰ ﻗﺎﻟﻐﺎﻧﻠﯩﻘﯩﻨﻰ، ﺧﯩﺘﺎﻱ ﺑﺎﺯﯨﺮﯨﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺋﺎﻧﺪﯨﻦ ﺋﯘﻻﺭﻧﯩﯔ ﺗﻪﺳﯩﺮ ﻛﯜﭼﯩﻨﯩﯔ ﺗﯧﺨﯩﻤﯘ ﭼﻮﯓ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﭘﻪﺭﯨﺪﻩ)