ﺑﺎﻏﺪﺍﺗﺘﯩﻜﻰ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭﺩﺍ 99 ﻛﯩﺸﻰ ﺋﯚﻟﺪﻯ

ﺟﯜﻣﻪ ﻛﯜﻧﻰ ﺋﯩﺮﺍﻗﻨﯩﯔ ﭘﺎﻳﺘﻪﺧﺘﻰ ﺑﺎﻏﺪﺍﺗﺘﺎ، ﺋﯩﻜﻜﻰ ﺋﺎﻳﺎﻝ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﺪﺍ 99 ﻛﯩﺸﻰ ﺋﯚﻟﺪﻯ.

ﺋﯩﺮﺍﻕ ﺋﺎﺭﻣﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺗﯧﺮﺭﻭﺭﭼﯩﻼﺭ، ﺑﺎﻏﺪﺍﺗﻨﯩﯔ ﺋﯩﻜﻜﻰ ﭼﻮﯓ ﺑﺎﺯﯨﺮﯨﺪﺍ ﺋﺎﺭﻗﺎ-ﺋﺎﺭﻗﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯜﭼﯜﻥ، ﺋﻪﻗﻠﻰ-ﻫﯘﺷﻰ ﺟﺎﻳﯩﺪﺍ ﺑﯘﻟﯩﻤﯩﻐﺎﻥ ﺋﯩﻜﻜﻰ ﺋﺎﻳﺎﻟﻨﻰ ﺋﯩﺸﻠﻪﺗﻜﻪﻥ. ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ. ﺋﺎﻳﺎﻟﻼﺭﻧﯩﯔ ﺑﻪﺩﯨﻨﯩﮕﻪ ﺑﺎﻏﻼﻧﻐﺎﻥ ﺑﻮﻣﺒﯩﻼﺭ ﺋﯘﺯﺍﻗﺘﯩﻦ ﻛﻮﻧﺘﺮﻭﻝ ﻗﯩﻠﯩﻨﯩﺪﯨﻐﺎﻥ ﺋﯜﺳﻜﯜﻧﻪ ﺑﯩﻠﻪﻥ ﭘﺎﺭﺗﯩﻠﯩﺘﯩﻠﻐﺎﻥ.

ﺋﻪﻣﻤﺎ، ﺋﺎﻣﯧﺮﯨﻜﯩﻨﯩﯔ ﺋﯩﺮﺍﻗﺘﯩﻜﻰ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﺑﺎﻳﺎﻧﺎﺗﭽﯩﺴﻰ، ﺷﻪﻧﺒﻪ ﻛﯜﻧﻰ ﺑﺎﻏﺪﺍﺗﺘﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ " ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻨﻰ ﺋﯧﻠﯩﭗ ﺑﺎﺭﻏﺎﻥ ﺋﯩﻜﻜﻰ ﺋﺎﻳﺎﻟﻨﯩﯔ ﺋﻪﻗﻠﻰ ﻫﯘﺷﯩﻨﯩﯔ ﺟﺎﻳﯩﺪﺍ ﺑﻮﻟﻤﯩﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻐﺎﻥ ﻫﯧﭽﻘﺎﻧﺪﺍﻕ ﭘﺎﻛﯩﺖ ﻣﻪﯞﺟﯘﺕ ﺋﻪﻣﻪﺱ" ﺩﯦﺪﻯ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﮔﻪﺭﭼﻪ ﺋﯩﺮﺍﻕ ﺑﺎﺵ ﻣﯩﻨﯩﺴﺘﯩﺮﻯ ﻧﯘﺭﻯ ﺋﻪﻟﻤﺎﻟﯩﻜﻰ، ﺟﯜﻣﻪ ﻛﯜﻧﻰ ﺑﺎﻏﺪﺍﺗﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭﻧﯩﯔ ﻳﯧﻘﯩﻨﺪﯨﻦ ﺑﯧﺮﻯ ﻳﺎﺧﺸﯩﻠﯩﻨﯩﺸﻘﺎ ﺑﺎﺷﻠﯩﻐﺎﻥ ﺑﯩﺨﻪﺗﻪﺭﻟﯩﻚ ﯞﻩﺯﯨﻴﯩﺘﯩﮕﻪ ﺗﻪﺳﯩﺮ ﻳﻪﺗﻜﯜﺯﻣﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﻪﺯﻛﯘﺭ ﻫﯘﺟﯘﻣﻼﺭ، ﺧﻪﻟﻘﻨﯩﯔ ﻫﯚﻛﯜﻣﻪﺗﻜﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﯩﯔ ﺗﯧﺨﯩﻤﯘ ﺋﺎﺯﻳﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ.

ﺟﯜﻣﻪ ﻛﯜﻧﻰ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻼﺭ، ﺋﯚﺗﻜﻪﻥ ﻳﯩﻠﻰ 18‏- ﺋﺎﭘﺮﯨﻞ ﻛﯜﻧﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻣﻼﺭﺩﯨﻦ ﻛﯧﻴﯩﻦ، ﺑﺎﻏﺪﺍﺗﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﺋﻪﯓ ﻗﺎﻧﻠﯩﻖ ﻫﯘﺟﯘﻡ ﻫﯧﺴﺎﺑﻠﯩﻨﯩﺪﯨﻜﻪﻥ. 18‏- ﺋﺎﭘﺮﯨﻞ ﻛﯜﻧﻰ ﺑﺎﻏﺪﺍﺩ ﺷﻪﻫﯩﺮﻯ ﯞﻩ ﺋﻪﺗﺮﺍﭘﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻣﻼﺭﺩﺍ 191 ﻛﯩﺸﻰ ﺋﯚﻟﮕﻪﻥ ﺋﯩﺪﻯ. (ﺋﯚﻣﻪﺭ ﻗﺎﻧﺎﺕ)