ﺗﺎﻟﯩﺒﺎﻧﻼﺭ ﺑﯩﻠﻪﻥ ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺋﻮﺗﺘﯘﺭﯨﺴﯩﺪﯨﻜﻰ ﺳﯚﻫﺒﻪﺕ ﺩﺍﯞﺍﻣﻼﺷﻤﺎﻗﺘﺎ

ﺗﺎﻟﯩﺒﺎﻧﻼﺭ ﺗﻪﺭﯨﭙﯩﺪﯨﻦ 19‏- ﺋﯩﻴﯘﻝ ﻛﯜﻧﻰ ﺋﺎﻓﻐﺎﻧﯩﺴﺘﺎﻧﺪﺍ ﮔﯚﺭﯙﮔﻪ ﺋﯧﻠﯩﻨﻐﺎﻥ 21 ﻧﻪﭘﻪﺭ ﺟﻪﻧﯘﺑﯩﻲ ﻛﻮﺭﯨﻴﻪ ﭘﯘﻗﺮﺍﺳﯩﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﺋﯜﭼﯜﻥ، ﺋﺎﻓﻐﺎﻧﯩﺴﺘﺎﻧﻨﯩﯔ ﻏﻪﺯﻧﻰ ﺷﻪﻫﯩﺮﯨﺪﻩ ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺑﯩﻠﻪﻥ ﺗﺎﻟﯩﺒﺎﻥ ﯞﻩﻛﯩﻠﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺳﯚﻫﺒﻪﺗﻠﻪﺭ ﺩﺍﯞﺍﻣﻠﯩﺸﯩﯟﺍﺗﯩﺪﯗ.

ﺗﺎﻟﯩﺒﺎﻥ ﺭﻩﻫﺒﻪﺭﻟﯩﺮﻯ 21 ﻧﻪﭘﻪﺭ ﺟﻪﻧﯘﺑﯩﻲ ﻛﻮﺭﯨﻴﻪ ﭘﯘﻗﺮﺍﺳﯩﻨﻰ ﻗﻮﻳﯘﭖ ﺑﯧﺮﯨﺶ ﺋﯜﭼﯜﻥ، ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺗﯜﺭﻣﯩﺪﯨﻜﻰ 21 ﻧﻪﭘﻪﺭ ﺗﺎﻟﯩﺒﺎﻥ ﻣﻪﻫﺒﯘﺳﯩﻨﻰ ﻗﻮﻳﯘﭖ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ. ﮔﻪﺭﭼﻪ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﻰ، ﺗﺎﻟﯩﺒﺎﻥ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﻠﯩﺸﯩﻐﺎ ﺭﯗﺧﺴﻪﺕ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﯜﺭﻣﯩﺪﯨﻜﻰ ﺗﺎﻟﯩﺒﺎﻥ ﻣﻪﻫﺒﯘﺳﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺸﻨﻰ ﺭﻩﺕ ﻗﯩﻠﻤﺎﻗﺘﺎ. ﺋﺎﻓﻐﺎﻥ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺗﺎﻟﯩﺒﺎﻥ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﺋﺎﺭﻗﯩﻠﯩﻖ ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭﻧﯩﯔ ﻣﻪﺳﯩﻠﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ ﺋﯩﻜﻪﻥ.

ﺋﻪﻣﻤﺎ ﺳﯚﻫﺒﻪﺗﻜﻪ ﻗﺎﺗﻨﯩﺸﯩﯟﺍﺗﻘﺎﻥ ﺋﯩﻜﻜﻰ ﺗﺎﻟﯩﺒﺎﻥ ﯞﻩﻛﯩﻠﯩﻨﯩﯔ ﺑﯩﺮﻯ ﺑﻮﻟﻐﺎﻥ ﻣﯘﻟﻼ ﻗﺎﺭﻯ ﺑﻪﺷﯩﺮ ﺷﻪﻧﺒﻪ ﻛﯜﻧﻰ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺳﯚﻫﺒﻪﺗﻨﯩﯔ ﻧﺎﻫﺎﻳﯩﺘﻰ ﻳﺎﺧﺸﻰ ﻛﯩﺘﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ،"ﮔﯚﺭﯙﮔﻪ ﺋﯧﻠﯩﻨﻐﺎﻧﻼﺭ ﺑﯜﮔﯜﻥ ﻳﺎﻛﻰ ﺋﻪﺭﺗﻪ ﻗﻮﻳﯘﭖ ﺑﯧﺮﯨﻠﯩﺸﻰ ﻣﯘﻣﻜﯩﻦ" ﺩﯦﮕﻪﻥ.

ﺑﯘ ﺋﺎﺭﯨﺪﺍ 2001‏- ﻳﯩﻠﻰ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﻐﺎ ﻗﺎﺭﺍﺗﻘﺎﻥ ﻫﻪﺭﺑﯩﻲ ﻫﻪﺭﯨﻜﯩﺘﻰ ﺑﯩﻠﻪﻥ ﻫﺎﻛﯩﻤﯩﻴﯩﺘﻰ ﮔﯘﻣﺮﺍﻥ ﺑﻮﻟﻐﺎﻥ ﺗﺎﻟﯩﺒﺎﻧﻼﺭ ﯞﻩﻛﯩﻠﻠﯩﺮﯨﻨﯩﯔ ﺋﺎﻓﻐﺎﻧﯩﺴﺘﺎﻧﻨﯩﯔ ﻏﻪﺯﻧﻰ ﺷﻪﻫﯩﺮﯨﺪﻩ ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺑﯩﻠﻪﻥ ﮔﯚﺭﯙﮔﻪ ﺋﯧﻠﯩﻨﻐﺎﻥ ﺟﻪﻧﯘﺑﯩﻲ ﻛﻮﺭﯨﻴﻪ ﭘﯘﻗﺮﺍﻟﯩﺮﻯ ﻣﻪﺳﯩﻠﺴﯩﺪﻩ ﺳﯚﻫﺒﻪﺗﻜﻪ ﺋﻮﻟﺘﯘﺭﻏﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﯞﻩ ﻛﯚﺭﯛﻧﯜﺷﻠﻪﺭﻧﯩﯔ ﺋﺎﻓﻐﺎﻧﯩﺴﺘﺎﻥ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﺋﻮﺭﯗﻥ ﺋﯧﻠﯩﺸﻰ، ﻧﯘﺭﻏﯘﻥ ﻛﯩﺸﯩﻠﻪﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻥ. ﺑﯘ ﺧﻪﯞﻩﺭ ﯞﻩ ﻛﯚﺭﯛﻧﯜﺷﻠﻪﺭﻧﯩﯔ ﺋﺎﻓﻐﺎﻧﯩﺴﺘﺎﻥ ﺧﻪﻟﻘﻰ ﺋﺎﺭﯨﺴﯩﺪﺍ ﻳﺎﺭﯨﺘﯩﺪﯨﻐﺎﻥ ﺳﻪﻟﺒﯩﻲ ﺗﻪﺳﯩﺮﯨﺪﯨﻦ ﺋﻪﻧﺪﯨﺸﯩﻠﻪﻧﮕﻪﻥ ﻫﯚﻛﯜﻣﻪﺕ، ﻳﻪﻛﺸﻪﻧﺒﻪ ﻛﯜﻧﻰ ﻣﯘﺧﺒﯩﺮﻻﺭﻧﯩﯔ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺭﺍﻳﻮﻧﻐﺎ ﻛﯩﺮﯨﺸﯩﻨﻰ ﯞﻩ ﺗﺎﻟﯩﺒﺎﻥ ﯞﻩﻛﯩﻠﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﭼﻪﻛﻠﯩﺪﻯ. (ﺋﯚﻣﻪﺭ ﻗﺎﻧﺎﺕ)