ﺭﯗﺳﯩﻴﻪ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻖ ﻣﻪﺳﯩﻠﯩﺴﯩﺪﻩ ﻏﻪﺭﺏ ﺋﻪﻟﻠﯩﺮﯨﻨﻰ ﺋﺎﮔﺎﻫﻼﻧﺪﯗﺭﺩﻯ

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﻰ ﻣﯘﺷﯘ ﭼﺎﺭﺷﻪﻧﺒﻪ ﻛﯜﻧﻰ ﻛﻮﺳﻮﯞﺍﻧﯩﯔ ﻛﻪﻟﮕﯜﺳﻰ ﻣﻪﺳﯩﻠﯩﺴﯩﺪﻩ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﻳﯩﻐﯩﻦ ﭼﺎﻗﯩﺮﻣﺎﻗﭽﻰ. ﻣﻪﺯﻛﯘﺭ ﻳﯩﻐﯩﻦ ﻳﯧﻘﯩﻨﻠﯩﺸﯩﭗ ﻛﯧﻠﯩﺸﯩﮕﻪ ﺋﻪﮔﯩﺸﯩﭗ، ﺩﯛﺷﻪﻧﺒﻪ ﻛﯜﻧﻰ ﺭﯗﺳﯩﻴﻪ ﺩﺍﺋﯩﺮﯨﻠﯩﺮﻯ ﻛﻮﺳﻮﯞﺍ ﻣﻪﺳﯩﻠﯩﺴﯩﺪﻩ ﻏﻪﺭﺏ ﺋﻪﻟﻠﯩﺮﯨﻨﻰ ﺋﺎﮔﺎﻫﻼﻧﺪﯗﺭﯗﭖ، ﻛﻮﺳﻮﯞﺍﻏﺎ ﻣﯘﺳﺘﻪﻗﯩﻠﻠﯩﻖ ﺑﯧﺮﯨﺶ " ﺗﯩﺰﮔﯩﻨﻠﯩﮕﯩﻠﻰ ﺑﻮﻟﻤﺎﻳﺪﯨﻐﺎﻥ ﻛﺮﯨﺰﯨﺴﻼﺭﻧﻰ" ﯞﻩ " ﺟﯩﺪﺩﯨﻲ ﺳﻪﻟﺒﯩﻲ ﺋﺎﻗﯩﯟﻩﺗﻠﻪﺭﻧﻰ" ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ ﺩﻩﭖ ﺋﺎﮔﺎﻫﻼﻧﺪﯗﺭﺩﻯ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺭﯗﺳﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﺎﻳﺎﻧﺎﺗﯩﺪﺍ: "ﺋﻪﮔﻪﺭ ﺧﻪﻟﻘﺌﺎﺭﺍﻟﯩﻖ ﻗﺎﻧﯘﻥ ﺋﯩﺠﺮﺍ ﻗﯩﻠﯩﻨﻤﯩﺴﺎ، ﻛﻮﺳﻮﯞﺍﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﺗﯩﺰﮔﯩﻨﻠﯩﮕﯩﻠﻰ ﺑﻮﻟﻤﺎﻳﺪﯨﻐﺎﻥ ﻛﺮﯨﺰﯨﺴﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺶ ﺧﻪﺗﯩﺮﻯ ﺋﺎﺳﺘﯩﺪﺍ ﺗﯘﺭﻣﺎﻗﺘﺎ" ﺩﻩﭖ ﻛﯚﺭﺳﻪﺗﻜﻪﻥ ﯞﻩ ﻛﻮﺳﻮﯞﺍﻧﯩﯔ ﻛﻪﻟﮕﯜﺳﻰ ﻣﻪﺳﯩﻠﯩﺴﻰ ﭼﻮﻗﯘﻡ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻨﻰ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﻰ ﺋﯩﭽﯩﺪﻩ ﺑﯧﻜﯩﺘﯩﻠﯩﺸﻰ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺑﺎﻳﺎﻧﺎﺗﺘﺎ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ، ﻛﻮﺳﻮﯞﺍ ﺋﯚﺯ ﺋﺎﻟﺪﯨﻐﺎ ﺟﺎﻛﺎﺭﻻﻳﺪﯨﻐﺎﻥ ﻣﯘﺳﺘﻪﻗﯩﻠﻠﯩﻖ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺑﺎﺭﻟﯩﻖ ﺋﺎﻗﯩﯟﻩﺗﻠﻪﺭﻧﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﭘﺴﯩﻠﯩﻲ ﺩﻩﯕﺴﻪﭖ ﻛﯚﺭﯛﺷﻜﻪ ﯞﻩ ﭘﺮﯨﺴﺘﯩﻨﺎ ﺑﯩﻠﻪﻥ ﺑﯧﻠﮕﺮﺍﺩ ﺋﺎﺭﯨﺴﯩﺪﺍ ﺳﯚﻫﺒﻪﺗﻨﻰ ﻛﯜﭼﻪﻳﺘﯩﺸﻜﻪ ﭼﺎﻗﯩﺮﻏﺎﻥ.

ﺧﻪﯞﻩﺭﺩﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﻏﻪﺭﺏ ﺋﻪﻟﻠﯩﺮﻯ ﺋﻪﻣﻪﻟﺪﺍﺭﻻﺭ ﯞﻩ ﻣﯘﺗﻪﺧﻪﺳﺴﯩﺴﻠﯩﺮﻯ، ﻛﻮﺳﻮﯞﺍ ﺭﻩﻫﺒﻪﺭﻟﯩﺮﯨﻨﯩﯔ ﻛﯧﻠﻪﺭ ﺋﺎﻳﺪﺍ ﻣﯘﺳﺘﻪﻗﯩﻞ ﺑﻮﻟﯘﺵ ﭘﯩﻜﺮﯨﻨﻰ ﺟﺎﻛﺎﺭﻻﭖ، ﻛﯧﻠﻪﺭ ﻳﯩﻠﻰ ﻣﺎﻳﺪﺍ ﻏﻪﺭﺑﺘﯩﻜﻰ ﺋﯩﺘﺘﯩﭙﺎﻗﺪﺍﺷﻠﯩﺮﯨﺪﯨﻦ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﯞﻩ ﺋﺎﻣﯧﺮﯨﻜﺎ ﺗﻪﺭﻩﭘﻠﻪﺭﻧﯩﯔ ﻣﺎﺳﻠﯩﺸﯩﺶ ﺋﺎﺳﺎﺳﯩﺪﺍ، ﺳﯧﺮﺑﯩﻴﯩﺪﯨﻦ ﭘﯜﺗﯜﻧﻠﻪﻱ ﺋﺎﻳﺮﯨﻠﯩﭗ ﭼﯩﻘﯩﺸﻰ ﻣﯘﻣﻜﯩﻦ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﻫﺎﻟﺒﯘﻛﻰ، ﺳﯧﺮﺑﯩﻴﻪ ﻛﻮﺳﻮﯞﺍﻧﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺳﯧﺮﺑﯩﻴﻪ ﺯﯦﻤﯩﻨﻰ ﺩﻩﭖ ﻗﺎﺭﺍﭖ ﻛﻮﺳﻮﯞﺍﻧﯩﯔ ﻣﯘﺳﺘﻪﻗﯩﻞ ﺑﻮﻟﯘﺵ ﺋﯩﺪﯨﻴﯩﺴﯩﮕﻪ ﻛﯜﭼﻠﯜﻙ ﻗﺎﺭﺷﻰ ﺗﯘﺭﻣﺎﻗﺘﺎ.

ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﻗﻮﺷﯘﻧﻠﯩﺮﻯ ﺳﯧﺮﺑﯩﻴﻪ ﻫﯚﻛﯜﻣﯩﺘﻰ ﻛﻮﺳﻮﯞﺍ ﺋﺎﻟﺒﺎﻧﻠﯩﺮﻯ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺋﯩﺮﻗﯩﻲ ﺗﺎﺯﯨﻼﺷﻨﻰ ﺋﺎﻳﺎﻗﻼﺷﺘﯘﺭﯗﺵ ﺋﯜﭼﯜﻥ 1999- ﻳﯩﻠﻰ ﺳﯧﺮﺑﯩﻴﯩﻨﻰ ﺑﻮﻣﺒﺎﺭﺩﯨﻤﺎﻥ ﻗﯩﻠﯩﭗ، ﺳﯧﺮﺑﯩﻴﻪ ﺋﺎﺭﻣﯩﻴﯩﺴﯩﻨﻰ ﻛﻮﺳﻮﯞﺍﺩﯨﻦ ﭼﯧﻜﯩﻨﺪﯛﺭﮔﻪﻧﺪﯨﻦ ﺑﯘﻳﺎﻥ، ﻛﻮﺳﻮﯞﺍﺩﺍ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﯩﻨﭽﻠﯩﻖ ﺳﺎﻗﻼﺵ ﻗﻮﺷﯘﻧﻠﯩﺮﻯ ﺗﯘﺭﯗﭖ ﻛﻪﻟﻤﻪ. (ﺟﯜﻣﻪ)