ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻯ ﻣﯘﺧﺒﯩﺮﻻﺭ ﺋﯚﻣﯩﻜﻰ ﺗﻪﺷﻜﯩﻠﻠﻪﭖ ﺗﯩﺒﻪﺗﻜﻪ ﺋﻪﯞﻩﺗﺘﻰ

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ 25 ‏- ﻣﺎﺭﺕ ﻛﯜﻧﻰ ﺟﻪﻧﯟﻩﺩﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﻳﯧﻘﯩﻨﺪﺍ ﺋﺎﺳﯩﻴﺎﺩﺍ ﻫﯚﻛﯜﻣﻪﺗﻜﻪ ﺑﯧﻘﯩﻨﻤﺎﻳﺪﯨﻐﺎﻥ 65 ﺗﻪﺷﻜﯩﻼﺕ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ ﺗﯩﺒﻪﺕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﻤﯩﺪﻯ، ﺩﻩﭖ ﺗﻪﻧﻘﯩﺪ ﻗﯩﻠﯩﭗ، ﺗﯩﺒﻪﺗﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﺗﻪﻛﺸﯜﺭﯛﺵ ﺋﯜﭼﯜﻥ ﺧﻪﻟﻘﺌﺎﺭﺍﻟﯩﻖ ﺋﯚﻣﻪﻙ ﺋﻪﯞﻩﺗﯩﺸﻨﻰ ﺟﯩﺪﺩﯨﻲ ﺗﻪﻟﻪﭖ ﻗﯩﻠﻐﺎﻥ ﺋﯩﺪﻯ.

ﺏ ﺏ ﺱ ﻧﯩﯔ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﯩﺘﻰ ﺋﯘﭼﯘﺭ ﺋﯩﺸﺨﺎﻧﯩﺴﻰ ﺑﯜﮔﯜﻥ ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺯﯨﻴﺎﺭﻩﺕ ﻗﯩﻠﯩﺶ ﺋﯜﭼﯜﻥ ﺑﯩﺮ ﻣﯘﺧﺒﯩﺮﻻﺭ ﺋﯚﻣﯩﻜﻰ ﺗﻪﺷﻜﯩﻠﻠﻪﭖ ﻟﺨﺎﺳﺎﻏﺎ ﺋﻪﯞﻩﺗﻜﻪﻥ. ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﯩﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯕﻨﯩﯔ ﺋﯧﻴﺘﯩﺸﯩﭽﻪ، ﺑﯘ ﻣﯘﺧﺒﯩﺮﻻﺭ ﺋﯚﻣﯩﻜﻰ ﻟﺨﺎﺳﺎﻏﺎ ﺑﯧﺮﯨﭗ ﺋﯜﭺ ﻛﯜﻥ ﺋﯩﭽﯩﺪﻩ 'ﺩﺍﻻﻱ ﮔﯘﺭﯗﻫﯩﻨﯩﯔ ﻗﺎﻧﯘﻧﺴﯩﺰ ﺋﯘﻧﺴﯘﺭﻟﯩﺮﻯ ﺳﺎﺩﯨﺮ ﻗﯩﻠﻐﺎﻥ ﺋﯘﺭﯗﺵ، ﭼﯧﻘﯩﺶ، ﺑﯘﻻﺵ، ﺋﻮﺕ ﻗﻮﻳﯘﺵ ﻫﻪﺭﯨﻜﯩﺘﯩﻨﯩﯔ ﺩﻩﻟﯩﻞ -ﺋﯩﺴﭙﺎﺗﻠﯩﺮﻯ 'ﻧﻰ ﯞﻩ ﻗﺎﭼﺎﻗﺘﯩﻜﻰ ﻗﺎﻧﯘﻧﺴﯩﺰ ﺋﯘﻧﺴﯘﺭﻻﺭﻧﻰ ﺋﺎﺧﺘﯘﺭﯗﺵ، ﺗﯘﺗﯘﺵ، ﺑﺎﺳﺘﯘﺭﯗﺵ ﺋﻪﻫﯟﺍﻟﯩﻨﻰ ﻛﯚﺭﯛﭖ ﻛﯧﻠﯩﺪﯨﻜﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻯ ﺗﻪﺷﻜﯩﻠﻠﯩﮕﻪﻥ ﺑﯘ ﻣﯘﺧﺒﯩﺮﻻﺭ ﺋﯚﻣﯩﻜﯩﻨﻰ 'ﭼﻪﺗﺌﻪﻝ ﺋﯘﭼﯘﺭ ﯞﺍﺳﺘﯩﻠﯩﺮﻯ' ﺩﻩﭖ ﺟﺎﻛﺎﺭﻟﯩﻐﺎﻥ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﺸﯩﻨﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻳﯘﺷﺘﯘﺭﻏﺎﻥ ﺑﯘ 'ﻣﯘﺧﺒﯩﺮﻻﺭ ﺋﯚﻣﯩﻜﻰ' ﮔﻪ ﺗﻪﻛﻠﯩﭗ ﻗﯩﻠﯩﻨﻐﺎﻥ 30 ﻧﻪﭘﻪﺭ ﻣﯘﺧﺒﯩﺮ ﺋﺎﺳﺎﺳﻪﻥ ﺧﻮﯕﻜﻮﯕﺪﯨﻜﻰ ﺳﯩﻤﺴﯩﺰ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ، ﺳﯘﻣﺮﯗﻕ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ، ﻣﯩﯖﭙﺎﯞ ﮔﯧﺰﯨﺘﻰ، ﺟﻪﻧﯘﺑﯩﻲ ﺧﯩﺘﺎﻱ ﺳﻪﻫﻪﺭﻟﯩﻚ ﮔﯧﺰﯨﺘﻰ، ﯞﯨﻨﺨﯘﻱ ﮔﯧﺰﯨﺘﯩﺌﯩﺪﯨﻦ ﺋﯩﺒﺎﺭﻩﺕ 5 ﺋﻮﺭﯗﻧﺪﯨﻦ؛ ﺗﻪﻳﯟﻩﻧﺪﯨﻜﻰ ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻘﻰ، ﺩﯗﯕﺴﯧﻦ ﺧﻪﯞﻩﺭﻟﯩﺮﻯ، ﺑﯩﺮﻟﻪﺷﻤﻪ ﺧﻪﯞﻩﺭ ﮔﯧﺰﯨﺘﯩﺪﯨﻦ ﺋﯩﺒﺎﺭﻩﺕ 3 ﺋﻮﺭﯗﻧﺪﯨﻦ ﺗﺎﻟﻼﭖ ﺗﻪﻛﻠﯩﭗ ﻗﯩﻠﯩﻨﻐﺎﻥ ﻣﯘﺧﺒﯩﺮﻻﺭ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﻳﻪﻧﻪ ﻳﯧﺮﯨﻢ ﺋﺎﺭﺍﻝ ﺗﯧﻠﯧﯟﯨﺰﯨﻴﯩﺴﻰ، ﻧﻬﻚ ﻗﺎﺗﺎﺭﻟﯩﻖ 9 ﺋﻮﺭﯗﻧﺪﯨﻦ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺑﯩﺮ ﻧﻪﭼﭽﻪ ﻛﯩﺸﯩﻤﯘ ﺑﺎﺭ. ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺏ ﺏ ﺱ ﻗﺎﺗﺎﺭﻟﯩﻖ ﺋﻪﺭﻛﯩﻦ، ﻣﯘﺳﺘﻪﻗﯩﻞ ﺋﯘﭼﯘﺭ ﯞﺍﺳﺘﯩﻠﯩﺮﯨﻨﻰ ﺑﯘ ﺋﯚﻣﻪﻛﻜﻪ ﺗﻪﻛﻠﯩﭗ ﻗﯩﻠﻤﯩﻐﺎﻧﻠﯩﻘﻰ ﺧﻪﻟﻘﺌﺎﺭﺍﺩﺍ ﺋﯚﺯﮔﯩﭽﻪ ﺋﯩﻨﻜﺎﺱ ﭘﻪﻳﺪﺍ ﻗﯩﻠﺪﻯ. (ﯞﻩﻟﻰ)