ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﻛﯜﭼﻠﯩﺮﻯ ﺗﺎﻟﯩﺒﺎﻧﻼﺭ ﺑﯩﻠﻪﻥ ﻳﯧﯖﻰ ﺑﯩﺮ ﻣﻪﻳﺪﺍﻥ ﺟﻪﯓ ﻗﯩﻠﺪﻯ

ﺋﺎﻓﻐﺎﻧﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻨﯩﯔ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺗﺎﻟﯩﺒﺎﻥ ﻗﻮﺭﺍﻟﻠﯩﻖ ﻗﻮﺷﯘﻧﻠﯩﺮﻯ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﻼﺭ ﺩﺍﯞﺍﻣﻼﺷﻤﺎﻗﺘﺎ ﻫﻪﻣﺪﻩ ﺗﺎﻟﯩﺒﺎﻧﻼﺭ ﺷﯘﻧﯩﯖﺪﻩﻙ ﻥ ﺋﺎ ﺕ ﺋﻮ ﻫﻪﺭﺑﯩﻲ ﺧﺎﺩﯨﻤﻠﯩﺮﯨﻨﯩﯔ ﺋﯚﻟﯜﻡ-ﻳﯧﺘﯩﻢ ﺋﻪﻫﯟﺍﻟﻠﯩﺮﯨﻤﯘ ﻛﯜﻧﺴﺎﻳﯩﻦ ﻛﯚﭘﻪﻳﻤﻪﻛﺘﻪ.

ﺷﻪﻧﺒﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﭘﺎﻛﯩﺴﺘﺎﻥ ﭼﯧﮕﺮﯨﻠﯩﻨﯩﺪﯨﻐﺎﻥ ﭘﺎﻛﺘﯩﻴﺎ ﺋﯚﻟﻜﯩﺴﯩﺪﻩ "ﻧﺎﺗﻮ" ﻗﻮﺷﯘﻧﻠﯩﺮﻯ ﺑﯩﻠﻪﻥ ﺗﺎﻟﯩﺒﺎﻧﻼﺭ ﺋﺎﺭﯨﺴﯩﺪﺍ ﺑﯩﺮ ﻣﻪﻳﺪﺍﻥ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، "ﻧﺎﺗﻮ" ﻗﻮﺷﯘﻧﻠﯩﺮﻯ ﺑﯘ ﺟﺎﻳﻼﺭﺩﯨﻜﻰ ﺗﺎﻟﯩﺒﺎﻧﻼﺭﻏﺎ ﺗﯘﻳﯘﻗﺴﯩﺰ ﻫﺎﯞﺍ ﻫﯘﺟﯘﻡ ﺋﯧﻠﯩﭗ ﺑﺎﺭﻏﺎﻥ، ﻧﻪﺗﯩﺠﯩﺪﻩ ﺑﯘ ﻫﯘﺟﯘﻣﺪﺍ ﺋﺎﺯ ﺩﯦﮕﻪﻧﺪﻩ 65 ﺗﺎﻟﯩﺒﺎﻥ ﺋﯘﻧﺴﯘﺭﻯ ﺋﯚﻟﺘﯜﺭﯛﻟﮕﻪﻥ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺋﺎﻓﻐﺎﻧﯩﺴﺘﺎﻥ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﭼﯘﺭﻟﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ ﻫﺎﯞﺍ ﻫﯘﺟﯘﻣﻰ ﺋﯧﻠﯩﭗ ﺑﯧﺮﯨﻠﯩﺸﺘﯩﻦ ﺋﯩﻠﮕﯩﺮﻯ " ﻧﺎﺗﻮ" ﯞﻩ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﻪﺕ ﺋﻪﺳﻜﻪﺭﻟﯩﺮﻯ ﺋﯩﻜﻜﻰ ﻣﺎﺷﯩﻨﺎ ﯞﻩ ﺋﺎﺕ-ﺋﯘﻻﻏﻼﺭ ﺑﯩﻠﻪﻥ ﻗﻮﺭﺍﻝ-ﻳﺎﺭﺍﻕ ﺗﻮﺷﯘﯞﺍﺗﻘﺎﻥ ﺗﺎﻟﯩﺒﺎﻧﻼﺭﻧﻰ ﺳﯧﺰﯨﭗ ﻗﺎﻟﻐﺎﻥ ﺑﻮﻟﯘﭖ، ﻧﻪﺗﯩﺠﯩﺪﻩ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﺑﯩﺮ ﻣﻪﻳﺪﺍﻥ ﺟﻪﯓ ﻳﯜﺯ ﺑﻪﺭﮔﻪﻥ، ﺷﯘﻧﯩﯔ ﺑﯩﻠﻪﻥ ﻧﺎﺗﻮ ﺋﺎﻳﺮﻭﭘﯩﻼﻧﻠﯩﺮﻯ ﻳﯧﺘﯩﭗ ﻛﯧﻠﯩﭗ ﺗﺎﻟﯩﺒﺎﻧﻼﺭﻧﻰ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻥ ﺋﯩﻜﻪﻥ.

ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﺗﺎﻟﯩﺒﺎﻧﻼﺭﻧﯩﯔ ﻫﻪﺭﯨﻜﯩﺘﻰ ﺋﺎﺳﺎﺳﻠﯩﻘﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﺟﻪﻧﯘﺑﯩﺪﯨﻜﻰ ﻫﯧﻠﻤﻮﻧﺪ ﺋﯚﻟﻜﯩﺴﻰ، ﻗﻪﻧﺪﯨﻬﺎﺭ ﺋﯚﻟﻜﯩﺴﻰ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﻣﻪﺭﻛﻪﺯﻟﻪﺷﻜﻪﻥ ﺑﻮﻟﯘﭖ، ﺑﯘ ﺭﺍﻳﻮﻧﻼﺭﺩﺍ ﭘﺎﺷﺘﯘ ﻣﯩﻠﻠﯩﺘﻰ ﻛﯚﭖ ﺳﺎﻧﻠﯩﻘﻨﻰ ﺋﯩﮕﯩﻠﻪﻳﺪﯗ. ﺋﯩﻨﻜﺎﺳﻼﺭﺩﯨﻦ ﻗﺎﺭﯨﻐﺎﻧﺪﺍ، ﺗﺎﻟﯩﺒﺎﻥ ﭘﯩﺪﺍﺋﯩﻴﻠﯩﺮﯨﻨﯩﯔ ﻛﯚﭘﯩﻨﭽﯩﺴﻰ ﭘﺎﺷﺘﯘﻻﺭ ﺑﻮﻟﯘﭖ، ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺧﺎﻣﯩﺪ ﻛﺎﺭﺯﺍﻱ ﺗﺎﻟﯩﺒﺎﻧﻼﺭ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻧﻪﺗﯩﺠﻪ ﻛﯚﺭﯛﻟﻤﯩﮕﻪﻥ ﺋﯩﺪﻯ.

ﺋﺎﻓﻐﺎﻧﯩﺴﺘﺎﻧﺪﺍ ﻣﯘﺷﯘ ﻗﯩﺴﻘﯩﻐﯩﻨﺎ ﺑﯩﺮ ﻳﯩﻠﺪﯨﻦ ﻛﻮﭖ ﯞﺍﻗﯩﺖ ﺋﯩﭽﯩﺪﻩ ﺋﺎﻟﺘﻪ ﻣﯩﯔ ﺋﺎﺩﻩﻣﻨﯩﯔ ﻗﻮﺭﺍﻟﻠﯩﻖ ﺗﻮﻗﯘﻧﯘﺷﻼﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺳﻪﯞﻩﺑﻠﻪﺭ ﺑﯩﻠﻪﻥ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﻜﻪﻥ. (ﺋﯜﻣﯩﺪﯞﺍﺭ)