ﭘﺎﻛﯩﺴﺘﺎﻧﻨﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﺑﻪﻧﻪﺯﯨﺮ ﺑﯘﺗﺘﻮ ﺧﺎﻧﯩﻢ ﺳﯜﻳﯩﻘﻪﺳﺖ ﺑﯩﻠﻪﻥ ﺋﯚﻟﺘﯜﺭﯛﻟﺪﻯ

ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﻫﺒﯩﺮﻯ، ﺳﺎﺑﯩﻖ ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ ﺑﯩﻨﻪﺯﻩﺭ ﺑﯘﺗﺘﻮ ﭘﻪﻳﺸﻪﻧﺒﻪ ﻛﯜﻧﻰ ﭘﺎﻛﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﺋﯩﺴﻼﻡ ﺋﺎﺑﺎﺩﻧﯩﯔ ﻳﯧﻨﯩﺪﯨﻜﻰ ﻻﯞﯗﺭﭘﯧﻨﺪﻯ ﺷﻪﻫﯩﺮﯨﺪﻩ ﺳﺎﻳﻼﻡ ﺗﻪﻳﻴﺎﺭﻟﯩﻘﻠﯩﺮﻯ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﻐﺎﻥ ﻛﻮﻟﻠﯩﻜﺘﯩﭗ ﻳﯩﻐﯩﻠﯩﺸﺘﺎ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻐﺎ ﺋﯘﭼﺮﺍﭖ ﻗﺎﺯﺍ ﻗﯩﻠﺪﻯ.

ﭘﺎﺭﺗﻼﺷﺘﺎ ﺋﺎﺯ ﺩﯦﮕﻪﻧﺪﻩ 16 ﺋﺎﺩﻩﻡ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﯞﻩ ﻧﯘﺭﻏﯘﻥ ﺋﺎﺩﻩﻡ ﻳﺎﺭﯨﻼﻧﻐﺎﻥ ﺑﻮﻟﯘﭖ، ﺑﯘﻧﯩﯔ ﺑﯩﻠﻪﻥ ﭘﺎﻛﯩﺴﺘﺎﻥ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺧﻪﻟﻘﻨﻰ ﺋﯚﻳﻠﯩﺮﯨﺪﯨﻦ ﺋﺎﻳﺮﯨﻠﻤﺎﺳﻠﯩﻘﻘﺎ ﺋﺎﮔﺎﻫﻼﻧﺪﯗﺭﻏﺎﻥ. ﻧﯚﯞﻩﺗﺘﻪ ﺑﻪﻧﻪﺯﯨﺮ ﺑﯘﺗﺘﻮ ﺧﺎﻧﯩﻤﻨﯩﯔ ﺋﯚﻟﯜﻣﻰ ﺳﻪﯞﻩﺑﻠﯩﻚ ﭘﺎﻛﯩﺴﺘﺎﻧﺪﺍ ﺋﯩﻨﺘﺎﻳﯩﻦ ﭼﻮﯓ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭﻧﯩﯔ ﻣﻪﻳﺪﺍﻧﻐﺎ ﻛﯧﻠﯩﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ .

ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﯨﺰ ﻣﯘﺷﻪﺭﺭﻩﭖ، ﺑﯘ ﻗﯧﺘﯩﻤﻘﻰ ﻫﯘﺟﯘﻣﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﭖ، ﺧﻪﻟﻘﻨﯩﯔ ﺳﻪﯞﯨﺮﭼﺎﻥ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﺪﻯ.

ﺋﺎﻣﯧﺮﯨﻜﺎ ﺑﺎﺷﻠﯩﻖ ﻫﻪﺭﻗﺎﻳﺴﻰ ﺩﯙﻟﻪﺗﻠﻪﺭﻣﯘ ﺋﻮﺧﺸﺎﺷﻼ ﻣﻪﺯﻛﯜﺭ ﻫﯘﺟﯘﻣﻨﻰ ﺋﻪﻳﯩﺒﻠﻪﭖ، ﺑﯘﻧﯩﯔ ﭘﺎﻛﯩﺴﺘﺎﻧﻨﯩﯔ ﺋﯩﭽﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ ﻛﯚﺭﺳﯩﺘﯩﻠﮕﻪﻥ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﺑﯩﺘﭽﯩﺖ ﻗﯩﻠﯩﺸﺘﯩﻦ ﺳﯩﺮﺕ، ﺗﯧﺨﯩﻤﯘ ﻛﯚﭖ ﺗﯧﺮﺭﻭﺭﻟﯘﻕ ﯞﻩﻗﻪﻟﯩﺮﯨﻨﯩﯔ ﻣﻪﻳﺪﺍﻧﻐﺎ ﻛﯧﻠﯩﺸﯩﮕﻪ ﺳﻪﯞﻩﺏ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺑﯩﻨﻪﺯﻩﺭ ﺑﯘﺗﺘﻮ ﺧﺎﻧﯩﻢ، ﺋﺎﻣﯧﺮﯨﻜﯩﻨﯩﯔ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﻛﯜﺭﯨﺸﯩﻨﻰ ﺋﯩﺰﭼﯩﻞ ﻗﻮﻟﻼﭖ ‏- ﻗﯘﯞﯞﻩﺗﻠﻪﺵ ﺑﯩﻠﻪﻥ ﺑﯩﺮﮔﻪ، ﭘﺎﻛﯩﺴﺘﺎﻧﺪﺍ ﺩﯦﻤﻮﻛﺮﺍﺗﯩﻚ ﺑﯩﺮ ﻫﺎﻛﯩﻤﯩﻴﻪﺕ ﺑﻪﺭﭘﺎ ﻗﯩﻠﯩﺶ ﺋﯜﭼﯜﻥ ﺑﯩﺮ ﺋﯚﻣﯜﺭ ﺳﯩﻴﺎﺳﯩﻲ ﻛﯜﺭﻩﺵ ﺋﯧﻠﯩﭗ ﺑﺎﺭﻏﺎﻥ ﭘﺎﻛﯩﺴﺘﺎﻥ ﻣﯩﻠﻠﯩﻲ ﺭﻩﻫﺒﯩﺮﻯ ﻫﯧﺴﺎﺑﻠﯩﻨﯩﺪﯗ. (ﺋﻪﻗﯩﺪﻩ)