ﭘﺎﻛﯩﺴﺘﺎﻧﺪﺍ ﺯﻭﺭﺍﯞﺍﻧﻠﯩﻖ ﯞﻩ ﻗﺎﻥ ﺗﯚﻛﯜﺵ ﻫﻪﺭﯨﻜﻪﺗﻠﯩﺮﯨﺪﻩ ﺗﯚﺕ ﻛﯜﻧﺪﯨﻦ ﺑﯘﻳﺎﻥ 47 ﺋﺎﺩﻩﻡ ﺋﯚﻟﺪﻯ

ﭘﺎﻛﯩﺴﺘﺎﻥ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﺑﻪﻧﻪﺯﯨﺮ ﺑﯘﺗﺘﻮ ﻗﻪﺳﺘﻜﻪ ﺋﯘﭼﺮﺍﭖ ﻗﺎﺯﺍ ﻗﯩﻠﻐﺎﻧﺪﯨﻦ ﻛﯧﻴﯩﻦ ﭘﺎﻛﯩﺴﺘﺎﻧﺪﺍ ﺋﯜﺯﻟﯜﻛﺴﯩﺰ ﻳﯘﺯ ﺑﯧﺮﯨﯟﺍﺗﻘﺎﻥ ﻧﺎﻣﺎﻳﯩﺶ ﯞﻩ ﻫﻪﺭ ﺧﯩﻞ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ ﭘﺎﻛﯩﺴﺘﺎﻧﻐﺎ ﭘﻪﻗﻪﺕ ﺗﯚﻣﯜﺭ ﻳﻮﻝ ﺳﺎﻫﻪﺳﯩﺪﯨﻼ 200 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺋﯩﻘﺘﯩﺴﺎﺩﻯ ﺯﯨﻴﺎﻥ ﺋﯧﻠﯩﭗ ﻛﻪﻟﮕﻪﻥ.

ﺋﯚﺗﻜﻪﻥ ﭘﻪﻳﺸﻪﻧﺒﻪ ﻛﯜﻧﻰ ﺑﻪﻧﻪﺯﯨﺮ ﺑﯘﺗﺘﻮ ﺭﺍﯞﺍﻟﭙﯩﻨﺪﻯ ﺷﻪﻫﯩﺮﯨﺪﻩ ﺳﺎﻳﻼﻣﻐﺎ ﻗﺎﺗﻨﯩﺸﯩﺶ ﭘﺎﺋﺎﻟﯩﻴﯩﺘﻰ ﺟﻪﺭﻳﺎﻧﯩﺪﺍ ﺳﯜﻳﻘﻪﺳﺘﻜﻪ ﺋﯘﭼﺮﺍﭖ ﻗﺎﺯﺍ ﻗﯩﻠﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺋﺎﺷﻜﺎﺭﯨﻼﻧﻐﺎﻧﺪﯨﻦ ﻛﯩﻴﯩﻦ ﭘﺎﻛﯩﺴﺘﺎﻧﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ، ﺑﻮﻟﯘﭘﻤﯘ ﺑﯘﺗﺘﻮ ﺧﺎﻧﯩﻤﻨﯩﯔ ﻳﯘﺭﺗﻰ ﺳﯩﻨﺪﻫ ﺭﺍﻳﻮﻧﯩﺪﺍ ﻫﻪﺭ ﺧﯩﻞ ﺯﻭﺭﺍﯞﺍﻧﻠﯩﻖ ﯞﻩ ﻗﺎﻥ ﺗﯚﻛﯜﺵ ﻫﻪﺭﯨﻜﻪﺗﻠﯩﺮﻯ ﺑﺎﺷﻠﯩﻨﯩﭗ ﻛﻪﺗﻜﻪﻥ ﻫﻪﻣﺪﻩ ﺗﯚﺕ ﻛﯜﻧﺪﯨﻦ ﺑﯘﻳﺎﻥ 47 ﺋﺎﺩﻩﻡ ﺋﯚﻟﮕﻪﻧﻠﯩﻜﻰ ﻣﻪﻟﯘﻡ ﺑﻮﻟﻐﺎﻥ ﺋﯩﺪﻯ.

ﺑﯜﮔﯜﻥ ﺳﯩﻨﺪﻫ ﺋﯚﻟﻜﯩﺴﯩﺪﻩ ﺋﺎﻧﭽﻪ ‏- ﻣﯘﻧﭽﻪ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ ﻛﯚﺭﯛﻧﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻫﺎﺯﯨﺮﻏﯩﭽﻪ ﺋﯚﻟﯜﻡ ‏- ﻳﯧﺘﯩﻢ ﻫﺎﺩﯨﺴﯩﺴﻰ ﻛﯚﺭﯛﻟﻤﯩﺪﻯ.

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﭘﺎﻛﯩﺴﺘﺎﻥ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ ﺩﺍﯞﺍﻣﯩﺪﺍ ﺟﺎﻣﺎﺋﻪﺕ ﻣﯜﻟﻜﻰ، ﺋﺎﺳﺎﺳﻰ ﻣﯘﺋﻪﺳﺴﻪﺳﻪ ﯞﻩ ﺑﺎﺷﻘﺎ ﺋﻪﺳﻠﯩﻬﻪﻟﻪﺭﮔﻪ ﻳﻪﺗﻜﻪﻥ ﺯﯨﻴﺎﻥ ﻏﺎﻳﻪﺕ ﺯﻭﺭ ﺑﻮﻟﻐﺎﻥ ﻫﻪﻣﺪﻩ ﺑﯘ ﺧﯩﻠﺪﯨﻜﻰ ﺯﯨﻴﺎﻥ ﺋﯩﺸﻠﻪﭘﭽﯩﻘﯩﺮﯨﺶ، ﺋﯧﻜﯩﺴﭙﻮﺭﺕ ﯞﻩ ﺳﺎﻧﺎﺋﻪﺗﻨﯩﯔ ﺑﺎﺷﻘﺎ ﺳﺎﻫﻪﻟﯩﺮﯨﺪﯨﻤﯘ ﺋﯩﻨﺘﺎﻳﯩﻦ ﺋﯧﻐﯩﺮ ﺑﻮﻟﻐﺎﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﺸﯩﭽﻪ، ﭘﺎﻛﯩﺴﺘﺎﻧﺪﯨﻜﻰ ﺗﯚﻣﯜﺭ ﻳﻮﻝ ﺳﯩﺴﺘﯧﻤﯩﻠﯩﺮﯨﻤﯘ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻥ ﺑﻮﻟﯘﭖ، ﻫﺎﺯﯨﺮﻏﯩﭽﻪ 22 ﭘﻮﻳﯩﺰ ﺑﯘﻗﯩﺴﻰ، 140 ﯞﺍﮔﻮﻥ ﻛﯚﻳﺪﯛﺭﯛﯞﯦﺘﯩﻠﮕﻪﻥ ﯞﻩ ﺗﯚﻣﯜﺭ ﻳﻮﻝ ﺋﺎﻻﻗﻪ ﺋﻪﺳﻠﯩﻬﻪﻟﯩﺮﻯ ﭘﯜﺗﯜﻧﻠﻪﻱ ﯞﻩﻳﺮﺍﻥ ﻗﯩﻠﯩﯟﯦﺘﯩﻠﮕﻪﻥ. ﻧﻪﺗﯩﺠﯩﺪﻩ، ﺗﯚﻣﯜﺭ ﻳﻮﻝ ﺳﯩﺴﺘﯧﻤﯩﺪﺍ ﻛﯚﺭﯛﻧﮕﻪﻥ ﺋﯩﻘﺘﯩﺴﺎﺩﻯ ﺯﯨﻴﺎﻥ 200 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﻪﺗﻜﻪﻥ.

ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ ﻣﯘﻫﻪﻣﻤﯩﺪﯨﻦ ﺳﻮﻣﺮﻭﻧﯩﯔ ﺋﯧﻴﺘﯩﺸﯩﭽﻪ، ﻫﯚﻛﯜﻣﻪﺕ ﻫﺎﺯﯨﺮﭼﻪ ﺷﻪﺧﺴﯩﻴﻠﻪﺭ ﺋﯘﭼﺮﯨﻐﺎﻥ ﺯﯨﻴﺎﻧﻨﻰ ﺑﺎﻫﺎﻻﭖ ﺑﯩﻜﯩﺘﻪﻟﻤﯩﮕﻪﻥ ﺑﻮﻟﺴﯩﻤﯘ، ﺑﯘ ﻗﯧﺘﯩﻤﻠﯩﻖ ﻗﺎﻻﻳﻤﯩﻘﺎﻧﭽﯩﻠﯩﻘﺘﺎ ﺋﻪﯓ ﻧﺎﻣﺮﺍﺕ ﺋﺎﺩﻩﻣﻠﻪﺭﻧﯩﯔ ﺋﻪﯓ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﯨﻐﺎﻧﻠﯩﻘﻰ ﻣﯘﻗﻪﺭﺭﻩﺭ ﺋﯩﻜﻪﻥ. (ﺟﯜﻣﻪ)